بسوي تقويم بأعانتي شنو احسن وارخص مستشفى؟

[صرخة غريق]

السلام عليكم ورحمه الله وبركاته
اعتقد المكتوب واضح من عنوانه
بسوي تقويم بأعانتي مالت الجامعه اللي اهيا 100 دينار
ودي تعطوني اسماء مستشفيات رخيصه ويتعاملون بالاقساط عشان ابوي محرم يسويلي وانا بسوي حق روحي
بيز ردو بسرعه ولاتعلقوني وشكرا مقدما

 

[Miss independent]

روحي تقويم الحكومه ببلاش واحسن !!
انا سويته بالاميري
اول تروحين المستوصف ويشوفون اسنانج نظيفه ولا لا
ويعالجونج
ويحولونج على المستشفى
حسب سكنج
اتوقع في بالعدان والاميري
مادري عن باجي المناطق
وانتي لما يعطونج روحي بوقت التحويل ووديلهم الاوراق اللي يبونها
ولا انسى اقولج رووحي العصر مو الصبح عشان انتي بالجامعه
وقعدي حني ع اللي يكتب المواعيد يقربلج موعدج وبس

 

[حبـك سـراب]

والله يمدحون الميـدآن والفوزان .. بس الله وأعلـم على التكآليـف اتوقـع غآلـي ...

بس روحي التخصصي ترا شغل الحكومه حلوو ,,

 

[القطانيه]

الثريااا يتعامل بالاقساط حبي

 

[سمار الشمس]

انا كنت مسويه بالحكومه شغلهم عجيب ووحده من رفيجاتي بالخاص ضروسها صارو العن من اول والله

 

[kekoh-87]

اهليييييييييييين حبيبتي والله ذكرتيني بروحي انا كنت اول 5 اشهر ادفع حق التقويم من اعانتي بعدين كسرت خاطر باباتي وقام يدفعلي لووووول شوفي انا سويت في أبها اول شي تدفعين مقدم 300 بعدين كل شهر 65 وخليته سنه و 3 اشهر بالضبطططططططططططططط اتمنى اني فدتج
وعلى فكرة والله انا ثنتين من رفيجاتي سوو بحكومة وردت اسنانهم ووحدة دلتني على هالمكان لما شفتها حاطة تقويم بصراحة عندي الخاص احسن والله وكل شي على كيفج ..

 

[Dreams Of a girL]

هلا حبيبتي
انا سويت بالميدااااااان بصراحه حيييييييل حلو وشغلهم نظيف
تدفعين اول تقدوم 200 دينار والباقى اقساط كل شهر 35 ديناااااااااااار

حيييييييييل حلوه العياده ورخيصه سويت عندهم بـ700 دينااااااار

 

[صرخة غريق]

هلا حبيباتي
رحت حق الحكومه بسراحه روووووحهم طويله
وانا ودي اسوي بسرعه وبيني وبينكم شكل اسناني مرتب بس ضعفت قبل صارو شوي جدام وانا ودي تكون ابتسامتي حلوه
وخصوصي ان السنين الي جدام عندي شكلهم حيل حلو شوي اطول من باجي الاسنان يعني اذا رجعت اسناني اتوقع بيطلع شكلهم رووعه
وشكلي بروح حق الميدان لاني فعلا شفت شغلهم حده عجيب على بنت عمي وقريب يمي وفوق كل هذا اسعارهم افضل الموجود
بس يبيلهم مقدم ؟؟ بحاول اجمع اعانتي شهرين وبدفعه شسوي بعد
ع العموم اشكر مروركم يا حياتي

 

[dantella]

يمدحون العيادات الي بالخفجي الي يحطون اعلاناتهم بالوسيط وجذي .... انا ماجربتهم بس رفيجتي تمدح فيم وايد تقول التقويم كامل كامل ب300 كويتي جيكي عليهم