بسوي عشا بالصاله ع سلامت ولدي اللي جاني بعد عشر سنوات وابي خدمه تبيض الوجه ساعدوني

[الحلا-81]

السلام عليكم حبايبي بسوي عشا بالصاله ع سلامت ولدي اللي ماعندي غيره بعد عشر سنوات نور حياتي الله يخليه لي ع سلامته وخروجه من المستشفى وابي خدمه للعصير والشاي والحلويات تبيض الوجه وهم ابي بوفيه حلو واذا عندكم فناتك اكون لكم من الشاكرين ساعدوني الله يجزاكم خير ويرزق كل من تتمنى الذريه يارب :yaaaaaarb:

 

[ربيع_الروح]

نصيحه لا تشبهرين في ولدج ترى العين حق


بس إذا تبين خدمه كامله راقيه وصج شي يبيض الويه من البوفيه لي الشاي والعصاير وحلو التقديم
عندج فوشون ولازورد

 

[ذبحته بغيرتي]

يتربى بعزكم ياااارب وتشوفينه معرس وديري بالج من العين وانا اختج والله تخوف عين الناس اسأليني طلعت من معاناة عين دامت ٥ سنوات ومارتحت اللاب بعد عذاب ومطاوعه وتحصين

تكفين حصني نفسج وحصنيه وحصني بيتج عشان ترتاحين من كل نفس

وبالنسبه عن موضوعج والله ماعندي فكره بس حبيت افيدج ياعمري

 

[على الدنيا سلام]

الله يجعله من اللوافي المباركه ويخليه لج في محل الصافي بالنزهه الحلو وواو
اما الفطاير والموالح والورق عنب والبوفيه ام سعود توووب شغلهم وعندها خدمه

 

[سـٌگر معـقـود]

الحمدلله على سلامته

لونوتر
بان كويت

 

[دآآآنــه]

نصيحه لا تشبهرين في ولدج ترى العين حق


بس إذا تبين خدمه كامله راقيه وصج شي يبيض الويه من البوفيه لي الشاي والعصاير وحلو التقديم
عندج فوشون ولازورد

انا معها الناس ما يعطون خير و الله يحفظ لج ولدج و تشوفينه معرس ان شاء الله

 

[الأوركيد~]

الف مبروك
و الحمدلله على سلامته

و ان شالله بنات الكويت يفيدونج

 

[eshraqaaa]

انا عندي لج فكره و اتمنى ما اضايقج بس انا اقول ذبحي جم خروف ووزعيهم عالفقراء و روحي اشتري هدوم من المحاميد يدد كلهم و تصدقي على المحتاجين بقطع جديده و اشتري جم كرتون ماي ووزعيهم على العمال و الله يوفقج و اذا تبين تسوين شي بس سوي موالح و حلو و قعده مرتبه منها تستانسين و منها ماتسوين شي وايد اوفر يجيب العين و هم قطي نون استانسي بس و الله عطي صدقات الله يكف الشر عنج و عن ولدج و اتمنى ما تزعلين مني يا رب و الله يخليه لج و يرزقج بره و تجيبين غيره يا رب العالمين​

 

[مبدعة111]

كلام خوااتي صدق العين حق الله يحفظه لكم ويرزقكم ربي بتوونز حبيبتي

 

[فتاة الكوخ]

الله يحفظه لك من شياطين الانس والجن
وانصحك بعدم الاسراف بالفرحه والتبذير بل الاكثار من شكر الله الذي قر عينك به

 

[FoFa stylish]

اقري عليه الرقيه كل يوم نصيحه تحفظينه من عين الناس
الله يخليه لج ي رب و تفرحين فيه معرس ان شاء الله

 

[الجادل الخشف]

نا رايي من راي خواتي صح تصدقي بفلوس البوفيه والخرابيط اللي راح تبذرينها عشان ربج يباركلج بولدج
انا اربع سنيين ماحملت واذا ربي رزقني انشالله ماراح اسوي خرابيط يخب عليهم التمايم وبس اهم شي انا افرح وزوجي وحبايبي يفرحون فيني
والله يخليلج وليدج

 

[شندوخه]

انا عندي لج فكره و اتمنى ما اضايقج بس انا اقول ذبحي جم خروف ووزعيهم عالفقراء و روحي اشتري هدوم من المحاميد يدد كلهم و تصدقي على المحتاجين بقطع جديده و اشتري جم كرتون ماي ووزعيهم على العمال و الله يوفقج و اذا تبين تسوين شي بس سوي موالح و حلو و قعده مرتبه منها تستانسين و منها ماتسوين شي وايد اوفر يجيب العين و هم قطي نون استانسي بس و الله عطي صدقات الله يكف الشر عنج و عن ولدج و اتمنى ما تزعلين مني يا رب و الله يخليه لج و يرزقج بره و تجيبين غيره يا رب العالمين​

والله مع كلام الاخت
هذي افضل طريقه تشكرين فيها ربج علي هالنعمه

 

[نور وضي القمر]

الحمدلله علي السلامه

وعسي ربي يخليه لج وتفرحين فيه معرس ويبارك لج فيه ويرزقج له اخوان

 

[M!SS.LOBY]

عندج خدمة لولي لشاي والقهوة والعصائر وحلا وفطاير تقديم بإدارة ام روان

 

[myaar]

الله يحفظه لج ويتربى بعزكم يارب

والله يرزق كل من تتمنى الذرية الصالحة يارب