بسوي عمليه ساعدوني بنات

[الجوري]

هااااااااااااااااااااااااي بنات أحلى منتدى


بإختصار الموضوع إن عرسي بعد 10 شهووووووور آخر السنه إن شاء الله و من سنه

تقريبا لاحظت إن خشمي عوي شوي ما ادري ليييش مع إن أهلي و رفيجاتي يقولون إنه


مو واضح إلا إذا احد ركز عدل

بس أنا ناويه اسوي عمليه بإذن الله و أبي أحسن دكتور مختص بهالشي


بالكويت وأحسن مستشفى .. وبعد جم تكلفتها تقريبا !!!


يا ليت يا بنات تساعدوني

 

[نفيشه]

رد : بسوي عمليه ساعدوني بنات

الجوري
انا والله ماعندي اي خبرة بالموضوع بس ما حبيت ادش وما ارد عليج
انشالله البنات يفيدونج
و مبروك مقدما

 

[^^دموع الكويت^^]

رد : بسوي عمليه ساعدوني بنات

ان شاءالله البنات يفيدونج

بالتوفيق

 

[الجوري]

رد : بسوي عمليه ساعدوني بنات

مشكورين بنات ما قصرتوا والله كفايه مروركم ...

إللي عندها معلومات عن هالموضوع يا ليت تساعدني !!!

[Unload]ساعدوني بنات [/Unload]

 

[FOZQ8]

رد : بسوي عمليه ساعدوني بنات

دكتور نيشوو بالسلام
سواها حق رفيجتي
وايدزين

 

[غدير^الجنان]

رد : بسوي عمليه ساعدوني بنات

بقولج شي انا قبل عرسي هم حسيت ان خشمي كبير وفيه عظمه بارزه

والكل يقولي مومبين او انه شكله طبيعي

فأنت نفس هالحجي قاعده تقولين انه مواضح الا اذا احد ركز

فأنت علشان العرس تفكرين بخشمج ووايد راح تلاقين عيوب بالجسم لان بس قاعده تجابلين المنظره

وتدرين بعد العرس ريلي قالي احلى مافي ويهي خشمي

انا طولت

بس بغيت اوضح لج اذا خشمج مافي شي واضح ومافي عيب خلقي

حرام تسوينه وماتدرين يمكن ماتنجح العمليه
او يمكن الخشم اليديد موحلو عليج



سامحيني على طول الموضوع

 

[معلمه متميزه]

رد : بسوي عمليه ساعدوني بنات

الجوري ترى من الناحيه الشرعيه اذا خشمج مافيه تشوه واضح ومخرب شكلج لاسمح الله حرام تسوين عملية تجميل لان هذي الشغله تعتبر تغيير في خلق الله ..

واذا انتي مافيج عيب ليش تتعبثين بنفسج .. شوفي المذيعه مها محمد شلون شكلها صار عقب العمليه وغيرها وغيرها .. صارت ووههم جنهم تركيب والله ...

مافي احلى من خلقة ربج واذا على كلام اهلج مو مبين ولما مسبب لج مشكله بالتنفس خاص لاتسوينه .. حرام ..

وتسلمين

 

[حبنا الله عليه]

رد : بسوي عمليه ساعدوني بنات

حبيبة قلبــي الجوري نصيحة من اخت محبه لاتسوينها

يختي الناس كلهم عيــوب ولا تدققين زياده

وصدقيني كل شخص حلو مثل ما اهو بمزاياه وعيوبه

واذا بتوقفن على كل شيء موعاجبج بتطوووووول السالفه وبتتعبين

بالمكياج والخفيف منه يضبط كل شيء

وموفقه يارب

 

[الغلاااااااكله]

رد : بسوي عمليه ساعدوني بنات

ما انصحج بالعمليات
اخاف تخلف آثار
ومشاكل بعدين

مثل ماقالو البنات ؛؛ اذا مو واضح مو لازم الحمد لله مو عيب خلقي
ارتاحي يبه الله يخلي المكياج وخافي العيوب
وبالتوفيق

 

[شمس و قمر]

رد : بسوي عمليه ساعدوني بنات

لعلمج اختي انج لمن تركزين باي شخص لازم تلقين عدة اشياء
عين تختلف عن الثانيه والخشم شوي معووج حتى الشفايف جهه اليمين غير اليسار

وتبين تسوين عمليه وتتوهقين عشان شي موواضح؟؟؟؟؟؟؟؟؟؟؟؟
ترى العمليه موهينه

ينتفخ الوجه كلللللللللللله ويصير بنفسجي
غير الالم الي ماتقدرين اتحملينه الا بمسكنات
نزيف من اي شي يلمس خشمج

وبلاوي زرقاااااااااااااااااااااااا
اعرف كذا وحده سووها وتوهقووووووووووووووووووووووووووووا

وبعد شكلهم قبل احلى

 

[al7anona]

رد : بسوي عمليه ساعدوني بنات

انشاءالله يساعدونج البنات الله يوفقج

 

[SeNyOrA Q8eYa]

رد : بسوي عمليه ساعدوني بنات

والله ما ادري بس انا سمعت عن وحده مسويتها بالهادي ...

ويقولون صايره تهبل ببس عاد شنو اسم الدكتور ماعندي خبر..

وانشاء الله البنات يفيدونج..!

chaaaaaaaaaaaaaaaw

 

[أنا وين ؟؟]

رد : بسوي عمليه ساعدوني بنات

نصيحه .... بعدي عن العمليات والتعبث ومثل ما قالو البنات اذا بتدققين راح تطلع لج بلاوي ... وما تسوى عليج عمليه بسطه يمكن ترد عليج ابمضاعفات اكبيره ..... ومبروك على الزواج

 

[جوريه]

رد : بسوي عمليه ساعدوني بنات

انا قبلج بس ادقق بخشمي لانه شكبرررررررررررررررررررره وراثه عندنا هالخشم وابوي من قبل سواها وتحسف وايد لان ماضبط وصاير شكله ابيخ من اول وصار فه ضيق بالتنفسسس
فالحين اكرررررهه الحمال بسبه خشمي يصير ويهي كله خشم بس ريلي رافع معنوياتي وايد ويقولي حلوووووووووو وعاجبني ادري يقص علي بس عمره ما علق على الاقل
فانتي احمدي ربج انه خشمج مو واضح

 

[فطومـة]

اتمنى لج التوفيق وانا ما انصح انج تسوين العملية يكفي ان زوجج اختارج وهو شايف خشمج يعني اكيد انتي عاجبته

 

[Q8_GIRL2]

مانصحج تسوين العملية اذا شي موباين

انا اعتقد انة من توتر العرس وحياة اليديدة فتركزين على اشياء ثانية

ومدام شي مو باين مع المكيياج يختفى لانة اخاف يخلف اثر على ويهج مايروح بسرعة

واله يوفقج

 

[ريفيل]

حبيبتي نصيحة من وحدة قلبها عليج
اتقي الله في نفسك
زوجك لما خطبج اكيد شافج او حتى شاف صورتج وما وافق عليج الا مقتنع فيج لا تكسبين ذنب على ولا شي
وسلامتج

 

[هندو]

احيانا احنا نشوف الاشيا الحلوه فينا اعيوب !!!! مثــــلا

وحده من ربعي خشمها من فوق مكسور وحدها متعقده منه ومصره تسوي

عمليه تجميل له

وانا اكثر شي ييعجبني في وجها خشمها هالمكسوور وااااااي على كسرته

وقسم بالله اتينن حتى لمن اجي ببوسها مابوسها خد ابوس خشمها حده عاجبني والله ​

 

[رند]

ان شاءالله البنات يفيدونج

بالتوفيق

 

[caramila^q8]

دكتور جمال الحربي وااايد يمدحونه شاطر حق الخشوم
وعندج دكتور اريك بلوو همن يمدحونه وحده تقول خشمها كان عوي عدل لها
دشي على مواضيع ثابته:تجاربكم مع عمليات تجميل :eh_s(15):