بس أبيك الليله يمي لو الأماني ممكنه << :/

[~ موت وميلآد ~]

مررحبا بنات

** بالنيابه عن رفيجتي <<

انا كنت مخطوبه قبل فترة خطبه رسميه وقررنا انملج بس صارت بينا هوشه وعلى هالاساس انا هديته يعني فلينا وكان السبب من صوبي وآخر كلمه قالها (( اكتشفت انج ماخذتني تقزيره ))
اهوا ظلمني بهالكلمه بس هم انا غلطانه لان السبب مايستاهل !
المهم اهوا عمليته باجر وكانوا محددينها من زمان ودايما يقولي انا ابي افتح عيوني بهالعمليه واشوف ايدج بيدي مابيج اتخليني بهالوقت

بنات انا مادري شسوي ادري بتقولون خلاص هديتوا بعض وصرتي غريبه عنه ومو حلوه بحقج بس انا اللي فكرت فيه اني على الاقل ادزله مسج ماتخيل يمر بهالفتره وماا يشوف مني حتى كلمة اتقوم بالسلامه ولا اجر وعافيه ..!

انا مابي اردله واتوقع اهوا بعد طاب خاطره مني بس مو حلوه اروح بهالصوره لان جذي راح يحس اني صج كنت ماخذته تقزيره واني ماكنت حبه وكلامي كان جذب بجذب ابي يعرف اني ليليحن اعزه وقلبي ماايقسى !

الحين انا محتاره بسالفة المسج اخاف ادزه ويدقرني مايرد اهني امووت لاني اهنت كرامتي عالفاضي واخاف يعتقد اني ابي اردله وقاطه نفسي عليه واخاف يقول هذي ماتستحي خلاص مابينا شي وليلحين مستمره معااي وادزلي مسجات !

انا احس لو دزيتله (( اتقوم بالسلامه )) بيرد علي (( تسلمين ماقصرتي )) وبجذي ينتهي الموضوع ومااتتغير صورتي واروح بصوره حلوه ويعرف اني ماكنت اقزرها ..

شرايكم شوروا علي بلييز لان عمليته وايد صعبه والله يشهد ماشفت منه الا كل خير