بس اللي تغار على زوجها بليز تدش وتنصحني

[ملاك الدهمشي]

مسآء الخير بنات
انا ابيكم تنصحوني بشغله ودي اسويها زوجي عنده صديق يرسله عن طريق الواتس اب فيديوات ومقاطع قذره وبنات ورقص وفضايح كنت اشوف واطنش بس عقب الفيديو اللي كان التعليق عليه شوف المزيونه مو البقره اللي صوبك حيل تضايقت وانهرت وصصرخت عليه المهم رجع ندم وتحسف وقاللي اهو مو قصده انا بالذات اهو يرسل جماعي لكل اللسته وماقدر اقولله لاتدزلي راح ينقد علي المشكله اني شفته قبل يومين دازله رقص دقني وفيديوات فنانات ورقاصات
وتهاوشت معاه وللحين مايكلمني ولا اكلمه
ادري طولت عليكم بس شرايكم آخذ رقم رفيجه واسفل فيه،بما ان يدز لكل اللسته مارا:eh_s(16):ح يشك بأحد شرايكم بنات نوروني

 

[Dancing^Queen]

السلام عليكم

اختي الحبيبه
كبري عقلج
رفيجه مايعرفج ولايقدر يحكم عليج ولا قصده شخصي
ولو دقييتي علي الريال وصرختي عليه او خانقتيه وقلتليه لاتطرش حق ريلي هالشغلات
شنو شكل ريلج جدامه وشنو شكلج؟ وشنو بيمشي ويتكلم عليككم؟

كلمي ريلج ان مايشوف هالشغلات لان حرام وعيب ومايجوز مو عشان شي ثاني

 

[Perfume]

شوفي حبيبتي الرياييل عادي عندهم بالواتس اب كله سوالف ونكت قليلة ادب
بس انا اتفق معاج انه ماتوصل للمقاطع والفيديوات
الحل انه اذا دز رفيجه شي ما يفتحه لانه مثل ما قالج اهو يدز للمجموعة كلها مايقدر يجبره مايدز
وعالخاص يقوله لا تدز لي هالسوالف او يطقه بلوك

 

[sh_mashael]

لا تحرين عمرج

انتي نصحيه و اهو الله بيحاسبه

 

[مـوني آلحلووة]

لا ليش تكلمينه !!
لاتسووي شي تندمين عليه
خل يسويله بلوك او يقوله لاتظرش اشياء جذي
ماتوقع بهالسوالف فيهاا عيب !
العيب ان يطرش ويشوف
ومن حقج تزعلين وتقلبينها فوق راسه
قوليله يا انا يا هالسوالف
والله يهدي سركم .,

 

[فوفو22]

حبيبتي عيب تتصلين برفيج ريلج

وقصص الواتس اب ما تخلص

بس الافضل انه ما يفتح شي يخدش الحياء

الرقص وغيره ......

ترى حتى احنا يا البنات يوصلنا جذي

فوفو

 

[كويتيه شماليه]

انا اغار على زوجي وبس مهما شاف ومهما يوصله عالواتس اب من مقاطع والله ولاهمني اصلاً لا قاموا ولا اقعدوا عندي لا بنات المقاطع ولا اللي يدز المقاطع وعمري ما بطلت موبايل زوجي افتش او بشوف شكوا !! يعني تزوجني خلاص بقيده عن العالم !! ذكرتيني بمرة اخوي حيل متأذي منها ودايماً انصحها بس ماكوا فايده

 

[بطوووطة$بيضة]

ماله داعي اتكبرين السالفه وكبري مخج

 

[تمنيـتگ]

انتي الغلطانه شكو تنبشين من وراه

شفتي شحصلتي غير المشاكل وعوار الراااس

لا تنبشين وراه صدقيني لو نبشتي بتتعبين اكثر واكثر

خلاص طنشي

 

[Gifts&Occaions]

عيب تتصلين بصديقه

 

[قَلبڪْ صًخرْ]

ماكو الا تطرشين لزوجج مقاطع
فيها تذكير
ماتقدرين عالهيس رفيجه
بس قددري على ريلج
اه حاسه فيج
انا بعد ريلي عندهم قروب
وواحد وصخ يطرش خرابيط
انا مافتش بس ان شفته يبطل فونه
حطيت راسي على كتفه اخز هههههه

 

[جبسوفيليا]

لااا مالج شغل بررفيجه

بس انتي قورليله يعطيه بلوووك اذا يحبج ولا شلوون يعني


بعدين بيييني وبينج هذا اللي احنا جاااكينه عندهم ترااا المخفي اعضم لاا تحررين قلبج شاايفين وشبعاانين بعد


بس ارد واقوولج لااا تسكتين قووليله عطه بلووك

وادعيله بالهديا ذكريه هذا الشي حرام عن طريق الووتس اب يعني دززيله مقالطع دينيه تذكره بالقبر والنار جذي


والله يهدي لج زوووجج ويهددي لنا ازوااجنا كلنا انشالله

 

[فجروف]

حبيبتي مع أني مااااحب فوزيه درييييع بس بقوووووووولج جملتها لاتنبشييييييييين ورأ رييييلج انج ما تدرين ارييييييييييييح حتى لو درررررريتي سوي روووووووحج ماتدررررررررررين عششششششان تحافظيييييين على برستيجج واحترامي لنفسسسسسسج تقبلي مروري

 

[مــســك]

الحل .. كلميه بهدوء وذكريه انه احنا بشهر رمضان شهر العباده والطاعه .. مو شهر الخلاعه والفيديوهات المآصخه ..


ذكريه بربــه .. ذكريه بصلاته بدينه فهميه هذا حراام .. دشي ع يوتيوب وكتبي حكم مشاهده افلام الاباحيه او مشاهده رقص حريم ..

وشكثر يطلع لج مشايخ جزاهم الله خير يفتون وينصحوون بني آدم وحواء .. فكل منا يخطآ ولكن ننتظر من ينصحنآ ..:/

 

[om-3azo-83z]

لااااا تسوينها
اول شي فهمي ريلج هذي عوره و حراااام نقد و لا قعد بالطقاق يخاف من رفيجه و مايخاف من ربه !!
و انتي سحبي فونه و حطيله بلوك و فكي عمرج اذا شال البلوك معناته ريلج متعذر برفيجه. و يبي هالسوالف
طمنينه شيصير معاج

 

[أجمل إنسـآنـه ~]

حلوه عيب عيب فيه هي الي يششؤف وحرام وعيب برفيجه يطرش هالاشياء الله لايبلانا,ْ>َ

 

[أجمل إنسـآنـه ~]

ولأ تتصليين برفيييجة موحلوه بحقج,~.!

 

[جـنـون]

أول شي لو اتصلتي .. بتخسرين زوجج لأنه كل ماقابل ربعه تذكر سواتج وتفشل ..
ولا راح يقدر يبلعج طول عمره ..

انتي اللي عليج تنصحينه وتنقدينه بعقلج .. يعني :

انت متزوج وابو عيال .. وتطالع هالامور ؟
تستحي رفيجك ينقد عليك لا قلتله لاترسل .. وماتستحي من ربك وانت سامح لهالاشكال انها ترسلك
لا وبعد مرافجهم ؟!!

وببساطة تقولين له .. تسمح لي ؟ بس تغيرت نظرتي لك حيل بعد ماطلعت حالك حال الناس
وانا كنت اعتقد بيني وبين نفسي انك غير عن الباقين اللي نسمع عنهم !!

يعني اذا ماستحيت من ربك ولا مني .. ولا يمكن تستحي احد من اهلك او عيالك يشوف
بالغلط شي منهم .... تستحي من رفيجك !!

يعني لاقلت له لاترسلي .. بينقد عليك ؟ ليه بتقول له عيب ؟

قوله حرام .. !!


____


بالنهاية بتلقينه بينقد على نفسه .. الرجل مايحب يخسر شي مهم وهي كلمته
او نظرته او كلمته .. انتي لما تفرضين عليه تخلينه بين يقبل باللي تبينه ويخسر
هالاشياء .. او يعاندج ويظل بحاله .. وهالاشياء بنظرته ماخسرها ..

لكن الذكية هي اللي تخلي تركه لهالامور .. يثبت انه كبير بعينها



ولاتسمحين له يتمادى .. اذا طافت هالمرة .. بيتمادى ..
بس مو بهواش ؟ جذي بتخربين على نفسج ..

كل شي بدهاء وأسلوب يمشي صصصح ; )

 

[انسام الكويت]

لا شكو تكلمين رفيج ريلج العله بريلج انه يطالع ويستقبل هالسوالف يقدر يقوله يافلان

انا هالسوالف ماحبها ولا ادزها واذا يستحي يقوله هالكلام عاد اذا دز له شي لا يبطله

مع اني اشك انه راح يبطله اهم شي لاتنبشين وراه عشان ماتحاتين وتزعلين وتصير مشاكل

اللي عليج دزلي له ادعيه ومقاطع دينيه واذكار ومن هالسوالف اللي تخليه يحس بالغلط لمن يشوف

هالسوالف والله يهديه ويهدي الجميع يارب

 

[نقطه عسل]

هههههههههههههه مالومج لواحتريتي لوانا مكانج كنت ولعت فيه وطفيته بنعلي
بس شكلج ميانه مع زوجج وهذا الغلط
لازم يخاف انج تدرين عن اي شي بمعنااااه صيري بعبع
والبدايه اللي تسوينها بدال الزعل
احقريه وكان الموضوع طاف ولاتفتشين ولاشي وحطي نفسج مشغوله واول ماتحسين دخله تصنعي تضحكين ولادل مدي البوز
ولاقال اشفيج ماتردين علي قول موانا البقره وتبجبجي
وروحي خليه واخذي دش جننيه
خل ينفعونهم بنات المراقص اللهم لاشماته