بس بعرف لي متى؟

[FJ style]

اي صح لي متى
بس اغلب اللي ذكرتيه واجب علينا
نتعطر له ونتمكيج ونسوي ليالي حمرا وزرقا وووو
هذا زوجي وبعيالي ونصي الثاني
ان ما سويت له منو بتسويله

الا اذا خان فهذا ردي ولكل حادث مقال
حزتها التصرف يختلف
لكن دامه قايم فيج وفي عيالكم ليش ما تحطينه بعيونج

وصح ممكن رياييلنا ومجتمعنا الشرقي فيه افكار خاطئة وايد لكن يظل تصرف كل انسان يختلف عن الثاني

والله يهديهم لنا

 

[Abraaj]

ماشالله عليكم هجوم سريع

اول شي شكرا عالتفاعل مع الموضوع :*

ثاني شي انا كتبت هالموضوع بعد ماقريت اراء البنات في المنتدى واستغربت!

وحده مكسورة تعرض مشكلتها تبي مساعده.. شريحة كبيره ردها سكتي ولا تقولين حق احد وتحملي ومالج الا ريلج! ليش عاد!!!!

من قال المرأة لازم تنهان وتسكت!

---

ثاني شي.. موضوعي كان اذا الريال مو زين! سلبي! خاين! مهمل!

لكن اذا الزوج زين بالعكس عطيه عيونج والله يهنيكم

---

ثالث نقطة.. انا اشجع ومن البدايه المصارحة بين الازواج.. وتبلغين زوجج عن طبعج واللي تحبينه وماتحبينه واهو نفس الشي.. شوي انتي تتنازلين وشوي اهو عشان تمشي الحياة.. بس اذا بس انتي اللي تتنازلين راح توصلين مرحلة احباط ملل وماتقدرين تعطين بعد!

---

رابع نقطة.. حلو التجديد بالحياة الزوجية والمفاجئات بس القصد كان لا يكون انتي المشتطه واهو ماله شغل بشي!

---

وبالاخير اتمنى حياة سعيدة لكم كلكم

وبالتوفيق يارب :*

 

[انثى عاشقة]

انا مايبط جبدي الا اذا خانج لاتخلينه يدري مرده لج
ترفع ضغطي مليوووون هالجملة
اما الشغلات الثانية المفروض المرة تسويها لنفسها مو عشان زوجها
يعني ميك اب عطور لوكات لنفسها
اما سالفة الليلة الحمرة والخضرة ههههههههههههه ما احبها
مايمنع رومنسية واجواء بين فترة والثانية بس مو كل همي
يسلمو ياقلبي ع الموضوع الحلو مثلك ​

 

[فَـــــرَحْ]

انا دارسه ماده بالجامعه .. تنتقد هالموضوع
مجتمعنا ظالم للمرأه اهوا خلاها تسوي جذي.. خلاها تخاف من ضياع الريال لان ان ضاع ورى هالشي كلام و نظره مو حلوه لها .. ف تضحي بكل شي .. تصبغ هالويه و تسوي بلاوي عشان يلتفت لها واهوا ولا داري عنها .. احنا قاعدين نقص على نفسنا
تقول دكورتي بالجامعه الله يذكرها بالخير ان المرأه تساعد المرأه على خراب انفسهم .. يعني الام مثلا .. ديري بالج على زوجج لا يضيع منج جابيله سويله كذا لا تقولين لا .. لا تسوين جذي ... سوي جذاك ..

والريال؟ تكفون ؟ في احد فكر يكلمه ؟ يوصيه على زوجته ؟
احنا عايشين بمجتمع ذكوري وهالذكور اهما مسيطرين عارفين المرأه بتسوي جذي وجذي لان عارف المجتمع شنو بيقول عنها وعارف انها بتخاف من هالشي وترضخله...

للأسف


"وجة نظر":eh_s(17):
وشكرا على طرح الموضوع لان صج يبط جبدي.. المرأه لها كيان لها حرية شخصيه.. سواء عجبه الريال او لا ماينطرها تترجاه وتذل نفسها شنو ماكو ريال غيره ؟ .. يضرب راسه بالطوفه ..

يمكن تقولون متعقده لا والله الحمدلله زواجي زين والفضل من الله .. بس الماده اللي خذيتها فتحت عيني بشكل مو طبيعي على اشياء غافله عنها بمجتمعي و اللي حوالي يبطون جبدي شلون متعلقين بأزواجهم ومحد يدري عن هوى دارهم وتحاول ترضيه بشتى السبل و عمك اصمخ ! اصحي حق نفسج انتي شغلج مستقبلج وظيفتج عيالج
انتي اهم
هم انتي تبين احد يتزينلج ويجابلج ويسوي و و و و و ... صح ولا لا ؟
​

 

[الـفـجـر الـبـعـيـد]

الله خلق امنا حواء انس (وناسه) لسيدنا آدم

عشان جذي سمونا نساء عشان نريح ونونس الريال بغض

النظر عن واجباتها ومهماتها الثانيه مثل الامومه وتربيتها لعيالها وغيره

لانه اذا ارتاح واستانس مع المره راح ينعكس هالشي على حياتها

المره مصدر السعاده والراحه للرجل

 

[Mjnont '3lay]

والله لمن اسوي جو لزوجي بالعكس رح القى ردة فعل حلوه ونفس حلوه وكلام يشبعني كأنثى
ولمن اكشخ ما اكشخ تأدية واجب له لا بالعكس اكشخ حق نفسي عشان نفسيتي تتغير واشوف نفسي حلوه بعين نفسي
والرجال مثل ما تعطينه تاخذذين من غير ماتحسين ومن غير ما اهو بعد يحس
بس يبيلها شوية صبر وذكاء

 

[popa]

اوافقج الراي

 

[Abraaj]

مشكوووورين عالتفاعل

والله يهنيكم ويسعدكم كمان كمان