بس حق الي يعرف مطعم بورقر بوتيك

[MissChoco]

السلااام عليكم








بناات بسألكم عن بورقر بوتيك اب360 اي صوب بالضبط قالو يم لورينزو ولينوتر؟؟
وقولولي خلي m&s يمينج وامشي سيده تحصلينه يعني صح الوصف؟؟



وبسألكم عن المقبلات شنو شي حلو ويديد؟؟ لانهكل مره اطلب منهم الي بالرايه سيزر سلاط وفرايز وذ جيس
ابي شي يديد حلو شنوو؟؟



ومشكوريييين

 

[Mona Lisa]

رد : بس حق الي يعرف مطعم بورقر بوتيك

للرفع

 

[أم روعة]

قصدج b+f open flame kitchen (ofk هو يم كافيه كاريبو صوب منطقة الجاردن garden

 

[ضحكت حبيبي]

رد : بس حق الي يعرف مطعم بورقر بوتيك

اذا تحبين الفلفل طلبي مقبلات ربيان حار بس مااعرف بالضبط شنو اسمها بالمنيو
وانا طلبت دياي بساندوتش بس من الظلمه ماانتبهت على الاسامي

بصراحه رحتله مره وحده وماتوقع اروحله مره ثانيه

بورجر بوتيك واايد احلى

 

[MissChoco]

مشكورين بنات،،،


انزيين ليش بس مره؟؟ انا قالولي انه حيل حلو

 

[<miss botamba>]

بيرغر بوتيك جنه مو موجود

اذا قصدج ofk اهوا نفس الشركه بس المطعم غير

طلي على موضوعي وتلاقين فيه اغلب الطلبات وبالصفحه الاخيره حاطه شغلات يديده

 

[<miss botamba>]

ومكانه من بره صفطي صوب علامه جيان

الباركنغ يكون بلاش مو الي بفلوس وبس تلاقين مدخل يم النوافير دشي يكون يسارج على طول

وتلاقين يمه كاريبو و محل الكاكاو نسيت اسمه


واذا انتي من داخل المول

خلي فوشون بظهرج و جدامه مارك سبنسر و لفي يسار وامشي بين جوسي و تيد بيكر اول لفه يمين اهوا هني


وتلاقين محل لادوريه مال الماكارون بس للحين ما فتح


لووول ادق من هالوصف ماكو

 

[krkooora]

تقصدين اوبن فلايم كتجن

بيكون يم كاريبو

ادلين وين جوسي ؟؟ في ممر قباله على طول اخذي هالممر سيدا بتشوفين كاريبو و اهوا على ايدج اليمين


والله انا مجربه نص المينيو
تقريبا كل اكلهم حلو بس جبده الدياي مو حلوة
المقبلات اللي ضروري تجربينها
داينميت فرايز
لا فوجي >> مشروم اينن !
بافيلو شريمب > عجييييييييييب
لولي بوب اللحم مكتوب بالمنيو اسمه في لولي بوب اساسا المنيو في 2 لولي بوب واحد باللحم واحد بالشريمب الاثنين حلووووين

----

سلطات

سيزر سلاد >> فاشله اصلا مو سيزر اللي نعرفها شكلها غريب حاطين الخس مو قاصينه !! لووول

طوكيو سلاد > عجيييييييييييييييييييييييييييييبه

------

الاكل الرئيسي

اذا تحبين برجر

هامور برجر سلايدر >> اينن !
داينمت برجر سلايدر
باك فاير سلايدر
وايلد فاير سلايدر

الستيك

جربت قطعه ريش نسيت اسمها بالمنيو بس لذيذه


المطعم كله على بعضه حلو

والناس اذواق

 

[^noonaa^]

واااي هالمطعم حده عوار قلب

شوفي اهو مكانه زااويه واشكبره

يعني خلي لينوتر على يمينج وامشي سييييده راح تلاقينه بويهج


واطلب منه كلاسيك بورغر لذيذه والمقبلات لولي بوب حدهاااااااااااا لذيذه


واكتفي ابهالطبقين



وجربت بيتزا المارغريتا همن حلوه

 

[SupeR-GirL]

طلبي كوماندو فرايز عجيييييييييييب بافلو شريمب توكيو سالاد كلاسيك جكن سلايدر بيتزا مارغيريتا خفيييفه ولذييييذة تنزرط زراااط ;p وبيرنت وود درينك لذيييذ
والله يعينكم عالنطره ;p

 

[ساندريلا]

عاد اليوم متغديه في بيرجر بوتيك يمي لذيييييذ
بس الي في 360 ولا مره ماكله منه والبنات ماقصروا

 

[قلب مغليك]

رد : بس حق الي يعرف مطعم بورقر بوتيك

الي 360 اشهى
اكلت من اللي بالرايه كلهم حلوين بس اللي 360 احلا بس دايما زحمة لازم تروحين مبجر وتحجزين على مايجي دورج يوم الاثنين رحت 9ونص ومارضو من الزحمة