بس خلاص ليمتا يعني؟!! أعلنت الحرب واللي فيها فيها :)

[ليمتا؟]

بسم الله الرحمن الرحيم

خلاص جد صاكه فيني الدنيا ومتضايقه حدي..ليمتا؟

ليمتا آكل ليما ينقطع إنفسي؟

ليمتا كل ما اشتهيت شي لقيته بحلجي؟

ليمتا كل ما اروح السوق/عرس/عزيمه/تجمع اتضايق وتييلي حالة بجي انطر متى ارجع البيت عشان ارتاح؟

وانا توني اب بداية العشرين!

محد يبي يصادقني..محد يبي يطلع معاي..وإذا ضليت جذي حتى زواج و عيال ماكو!!

ليش؟ عشان اكل!!

الكل حواليني مسوي رجيم..واهما نصي! وانا كله حاطه جدامي كل ما لذ وطاب وطايحتله

وعقب ما آكل وانقث ابجي؟!

من باجر..واقول من باجر مو عشان أأجل! بس لأنه اليوم خلص..

من باجر..ببدي برجيم طالب الشمري..

من باجر..راح ابدي امشي!! ادري انه حدي ماراح يكون لي خلق..بس عشان نفسي! وايد ظلمت "نفسي"

ماراح احط وزني..لأنه وايد يفشل..بس كل اسبوع "اثنين" بقيس وزني واكتب جم نقصت..

مدة الرجيم..راح اخليها شهرين..26-3-2012 ليه 24-5-2012

وانشالله بإذن الله التزم..انا قدها!

إدعولي! بظهر الغيب لا تتعبون وتكتبون..انا وايد متضايقه

شكراً :eh_s(8):

 

[ليمتا؟]

مواعيد قياس الوزن

2 أبريل 2012
9 أبريل 2012
16 أبريل 2012
23 أبريل 2012
30 أبريل 2012
7 مايو 2012
14 مايو 2012
21 مايو 2012
24 مايو 2012

الله يسهل

 

[dnyay_mll]

عفيه عليج شدي حييييلج واحنا معاج
وان شاءالله لي شهر 5 تكونين نازله واييييد
ولا تستسلمين للاكل ترى المطاعم والحلويات والمجابيس ماراح تطير من تضعفين ان شاءالله بتاكلينهم
وكافئي نفسج بالاسبوع مره بوجبه تحبينها كسرا للرجيم وعشان تضعفين اكثر وماتملين من اكل الدايت

 

[~ كرز ~]

زين تسوين اذا ضعفتي محد بيرتاح و يستفيد غيرج و اذا ضليتي على حالج هم محد بيتضرر غيرج

حياج معانا بالتجمع نشجع بعض

 

[majnoona]

بالتوفيق حبيبتي و شدي حيلج يبيلها تعب شوي وبالنهاية بتلاقين ثمن تعبج بالصحه و الشكل الحلو الي بتوصليله و كله لمصلحتج و احنا معاج انا يبيلي اقط 7 كيلو وارتاح

 

[sh-q]

موفقه ان شاء الله تضعفين بصحه وسلامه

 

[free SpiriT]

الله يعطيج على قد نيتج و توصلين للي تبينه ان شاء الله

تحياتي لج : )

 

[ريم خانم]

بالتوفيق يالغلا والله يعينك ع تنزيل وزنك بصحه وعافيه

 

[Ŝ3β_άηśαķ]

الله يوفقك وتشوفين نفسك بعد كم شهر غزال



مثل ماقالت كرز اذا تبين تعالى معنا بالقروب تونا بالبدايه وان شاء الله بتشوفين الى يسرك

هذا رابط القروب

http://www.q8yat.com/t1034992.html

 

[كيكه توفي]

بالتوفيق

 

[golnaz]

عفييييييييية والله حتى من قريت كلامج تشجعت صح كلامج لمتى يعني بنضل ناااااكل و نمتن و الي حوالينا رشيقات و مستانسييين
يااااارب عسى الله يوفقج ان شاءالله واهمم شي الاراااااااادة !!! وعسى الله يقويلج ارادتج وتضعفين بصحة وعافية حبيبتي

 

[وسن الوجد]

_


عفيآآآ عليييج
أصلا شماخذين من الدنيآ
الله عطانا أجسام حلوووه __ بس خربناها بإيدينا << الله يهدينااا =)
بلششي رجيم و توكلي على الله و لا يهززززج هالأكل
أبدا ما راح يطير الأكل
أنا مبلششه رجيم 26/3 لمدة اسبوعين و اووزن ادعوووا لي و ادعي لي
ان شا الله اشوووفج رششششيقة
لا نزززلتي بشرينا
بالتوووووووووووووفيييييييييق ​

 

[طلة برنسيسه]

اللـــه يقويج بعد عمري ... وأنــا بعد معاج :eh_s(9): بس أنا قطعت نص الطريج وباقي النص .. يعني نزلت 10 كيلو والحين وزني مثالي :yaaaaaarb: بس ابي بعــــــدددد 10 كيلو (طمـــع) ! :eh_s(4):

حابه أكون معاج بالتواريخ إلي حطيتيها لقياس الوزن :eh_s(15):

 

[ليمتا؟]

حبيباتي والله صدمتوني ما توقعت احد بيعبرني ووايد مستانسه اني كتبت الموضوع معني كنت متردده

مشكورين كلكم وحده وحده وانشالله الحين بشوف القروب اللي حاطينه

بالنسبه حق اليوم..

حق الجامعه خذيت وياي لبن..

وتوني راده من الجامعه وتغديت رمانه صغيره + كيويه وحده + روب اكتيفيا اللي على خوخ + لبن

نوعاً ما ليلحين يوعانه..

انشالله ما اخربها على العشا عاد :eh_s(4):

شكراً شكراً شكرأ صج تشجعون الواحد :eh_s(9)::eh_s(1):

 

[ليمتا؟]

صج بغيت اسألكم..حق اللي تمشي وتسوي رياضه

انا من سنة يدي مو ماشيه..وكل ما امشي فخوذي يعوروني حيل مادري شمنّه

توقعت من نوع البنطلون بس حتى لما غيرته ماكو فايده

عوار من اللحم مو اليلد احس من داخل اللحم يعور

عندكم فكره عن الموضوع؟؟ وهل انتوا كلكم جذي وعادي عندكم متحملين؟؟

 

[طلة برنسيسه]

بالنسبة للرياضة أكيـــد أول شي بتحسي بعوار لأسباب كثيرة :

1) انتي تقولين مو ماشية من سنة يدج :eh_s(4): يعني أكيد أولها بتشد العضلات وتسبب عوار.

2) انتبهي من الجوتي/البوت إلي لابسته لازم يكون بمواصفات خاصة حق المشي مثل الي بالصورة

يكون مريح من الداخل وفيه كعب مرتفع بسيط تلقينه بأي محل رياضي

3) استخدمي كريم آلام العضلات مع تدليك خفيف وانشاله مع التعود على المشي بيروح العوار :eh_s(15):

 

[sindrella]

موفقه و إنشالله توصلي الوزن اللي تبينه بصحه و عافيه

 

[طلة برنسيسه]

أعتقد اليوم موعد الميزان صح ؟

أنا أمس توزنت 73 كيلو ! زدت كيلو لاني وايد خربطت..

بس خلاص أخذت عهد على نفسي من اليوم تخربط ماكو والتزام 100% إن شاء الله