بشاوركم بشي مصيري

[خالف تعرف]

السلام عليكم
زوجي طرح علي موضوع ان نشتري شقه
يعني ناخذ فلوس الاسكان ال70 الف
وناخذ شقه
خصوصا انهم راح يعطونه بيت بس اكيد بيطلع بالخيران واماكن جدا بعيده
وهالبيت ماندري متى راح يجي

اشرايكم
اذا باخذ ماراح اخذ شقه اصغيره لا
راح اخذ كبيره وفيها غرف كثيره
انتو شرايكم
اوافق ولا لاء؟

 

[i'am THE ONE]

استخيري

بالنسبه لك هل عدد الغرف كافي ؟

هل فكره الحوش مهمه لك او حديقه البيت ؟

هذا سكن العمر فقرري بهدوء

 

[كويتية82]

يعتمد على جم طفل عندج وانا مااحب الشقيق لان احس ان موماخذه راحتي بنايه وكلها اوادم يعني ماكو استقلاليه جنه متشاركه السكن معاهم انا اخذ بالخيران ولا بنويصيب ولااخذ شقه
حلاته بيت وحديقه وحوش حق عيالج ووناستهم وباجر عيالج بيكبرون يبون دوانيه ولج طولة العمر بيزورونج اذا تزوجو ويمعه ماتنفع بشقه <<<<< انا شطحت وااااااايد عن الموضوع بس انا نظرتي مستقبليه ماافكر باليوم وباجر بس
الله يرزقكم بالبيت اللي تتمنونه وبالمكان اللي تبونه بعد​

 

[العطر 87]

لا موصج تفكيركم شقه ليش شصااير

 

[عمري ولدي]

فكري بالمستقبل بيت طبعا احسن

 

[Miss ksh5h]

شلون بتاخذون قرض الاسكان ويطلع لكم بيت ؟

اللي اعرفه اذا اخذتووا القرض خلاااص ماكو بيت

ودام ناوين تشترون ومتضايقين اشترووا بيت عوود للعمر كله ليش تنحشرون بشقه

 

[أغلى حبيبه]

ماانصحج بالشقه

اول شي مالج خصوصيه عسى ماصرختي ع اليهال الجيران اسمعوج

ومافي حوش ولا حديقه ولا دوانيه

واذا الاصنصير اخترب ولا طفت الكهربا وانتي فووووق ساكنه شصعدج وينزلج من الدري

وماتدرين جيرانج اللي طول عمرج يمهم شنو اخلاقهم فالبيت عادي طلعتج ودخلتج بروحج ماراح تحتكين وايد معاهم

واقل شقه الحين بـ ١٠٠ الف

زيديي شوي عليهم واخذيلج بيت ورمميه شوي شوي

والله يوفقكم

 

[ذابحتهم]

لا طبعا لان الواحد يصبر والله يرزقه ليش الاستعجال

 

[انا شفتك]

حرام عليج والله بتندمين البيت وين والشقه وين طبعا بيت وانتي مغمضة ما فيه مقارنه

 

[Q8_QT]

آنا ريلي اقترح علي نفس الإقتراح بس ماوافقت البيت وايد أحسن من الشقة
وإذا طلعلكم بيت في مكان ماتبونه في أكثر من حل يا تبادلونه أوتأجرينه وبعدين تبيعينه وتاخذيلج بمكان ثاني بس تشترون شقة ماأنصحج

 

[ام متلق]

مانصحج البيت مهما كان احسن

 

[كلنا عشاق لكن]

ياطويلة العمر الإسكان أرض وقرض إتبدلينها براحتج
والحكومي كذلكـ
يعني تبنين أدوار بسرداب وشقق لج ولعيالج هالشي مستحيل بالشقة لاسماها ولاأرضها ملكج :eh_s(10):
وصكـ الملكية مشتركـــ بين مالكــ العمارة والشاري حتى لو صكــ الشقة مستقل
وعموما البيت إتبدلينة ببيت بفيلا بأرض
أما الشقة ينزل سعرها ويزيد سعر صيانتها كحسبة مستقبلية
وعموما الشقة بتسقط حقكم بالإسكان لو إمتلكتوا أرض مساحتها من 200 م وفوق
​

 

[sweet mm]

لا حرام الشقه انصج بالبيت

 

[أتعبني شمووخي]

البيت احسن لج

 

[أتراب]

البيت افضل لكم ولعيالكم
​

 

[رحيل المرافيء]

اشتروا شقة بالاقساط
اذا خذيتوا سبعين الف مالكم بيت
بدال ماتدفعون ايجار اشتروا شقة اقساط

 

[فديت منورة]

ماكو مقارنه حبيبتي

ال 70 زيدوها 20 و تحصلون بيوت الحكومه مو غاليه