بشرتي صارت ما تتحسن مع العلاج :( معاناتي

[عاشقة الدوحة]

السلام عليكم
شلونكم بنات​

انا نفسيتي شوي تعبانة من بشرتي
عشان جذي بفضفض لكم شوي ،، ويمكن الله يسخر لي وحدة منكم تكون سبب في تحسن حالتي :yaaaaaarb:​

انا عمري 22 مثل اي وحدة تعاني من بداية المراهقة من الحبوب والبشرة الدهنية ..​

بديت اتعالج وانا عمري 15
وتحسنت مع العلاج بس لازم ترجع الحبوب بعد العلاج للأسف :eh_s(2):​

المهم .. بين كل فترة وفترة اروح المستشفى يكتبون لي شوية حبوب وكريمات واتحسن في فترة العلاج وترجع الحبوب .. لازم سن مراهقة
آمنت بالله والحمدلله .. عادي حب شباب ...​

المشكلة ان قبل، الحبوب تطلع لي في مناطق معينة ،، يعني في الجهة اليمنى من ويهي اكثر شي وتروح الحبوب بدون ما تترك اثار والوان وتصبغات من الحبوب ... مع العلاج طبعا ​

من سنة قررت اخذ الريكوتان .. والحمدلله هالدوا قوي ويفيد في علاج الحبوب ،، وتحسنت بشرتي ما شاء الله .. وتموا البنات حولي يقولون لي :eh_s(15): وجهج تغير وخفت الحبوب .. خلاص يعيني ما بترجع لج الحبوب ؟ .... وانا طبعا من الوناسة اقولهم اي والله الحمدلله مرتاحة من بشرتي و هالدوا زين ومادري شنو .... وراحوا وخذوا هالحبوب وماشالله كل وحدة صارت احلى من الثانية ..
بس انا :eh_s(2):​

وبعد ما كملت 6 شهور تميت كذا شهر مرتاحة وعقب صارت عندنا حالة وفاة :eh_s(11): و تعبت نفسيتي وماصرت انتبه على ويهي وشقاعد يصير فيه ...​

طلعت لي الحبوب بشكل غير .. في ويهي كله وفي المناطق اللي ما كانت تحبب قبل ورقبتي .. وللأسف كل حبة تركت وراها اثر .. بقعة كأنها بنفسجية ما تروح .. وحبوب صغيرة مب حمرة مثل الحساسية ما تروووووح ..
رحت مرة ثانية العيادة من شهرين تقريبا
خذت كبسولات خفيفة ومراهم وكريمات وصابون Avene << على فكرة هالصابون وايد حلو للبشرة الدهنية :eh_s(7):​

لكن الآثار صامدة مكانها والحبوب الصغيرة ما تروح .. ​

انا زعلانة لأن هالمرة قاعدة اخذ علاج ولا في فايدة .. على قولة اختي على ويهج خريطة العالم :eh_s(16):​

الدكتور اقترح علي ارجع اخذ ريكوتان 4 شهور ... بس مادري خايفة ..​

بنات حد فيكم يعرف ليش الاثار ما تروح ؟؟؟ هل في اسباب معينة ؟؟؟​

** ختاما ... :eh_s(2): اللي بتفيدني بشي جزاها الله خير .. واللي ما تعرف ترفع موضوعي بدعوة حلوة ..​

كفاية اني فضفضت وارتحت شوي ​

جزاكم الله خير​

 

[الحوراء_بنت نجد]

اول شيء كم مدة الحبوب اللي كلتيهاا فيهااا سمعت انو لازم تكملين من 6 شهور إلى 9 شهور
عادي صديقتي خذت الحبوب ثلاث شهور وتركتها وجلست فترة ورجعت لهاا الحبوب ورجعت تاخذ الروكتين مره ثانية لانها ماكملت الكورس

أنتِ روحي لكم دكتور وشوفي وتوكلي على ربي

\

/

 

[q8ia7]

انزين حبيبتي الاثار علاجها غير ما يكون بالحبوب
اللي اعرفه ليزر للآثار او تقشير كرستال او اي نوع ثاني من الحلول مو بالحبوب اللي تاخذينها ..
ويمكن لما خذيتي الحبوب وبعد ظروفج وقفتيهم مبجر يمكن كان لازم تكملين عالعلاج اكثر ..
وعقبها تبدين تعالجين الآثار بالليزر
احنا مانقدر نفيدج حبي لازم الدكتور يفحص عليج ويقرر

 

[مزيونه وشقره]

شوفي هالرابط طبقيه مع اي علاج تاخذينه وريحي جسمج من الدهون والكاكاو الزايد حتى لو كنتي ضعيفه الكاكاو والدهون كثرتهم دمار للبشره وحطي ماي زمزم مقري فيه قران يمكن فيج عين لا سمح الله

واستمري على علاج دكتور

http://www.q8yat.com/t40799.html

 

[yam_yam]

الله يعينج
انتي تاخذين بروحج و لا عند دكتور معين ؟

 

[ام عبد العزيز م]

اااااااااب

 

[عاشقة الدوحة]

اول شيء كم مدة الحبوب اللي كلتيهاا فيهااا سمعت انو لازم تكملين من 6 شهور إلى 9 شهور
عادي صديقتي خذت الحبوب ثلاث شهور وتركتها وجلست فترة ورجعت لهاا الحبوب ورجعت تاخذ الروكتين مره ثانية لانها ماكملت الكورس

أنتِ روحي لكم دكتور وشوفي وتوكلي على ربي

\

/

انا الدكتور قالي 6 شهور
وكملت 6 شهور .. كنت اخذ حبة وحدة في اليوم اظن 20 غم ..
بروح ان شالله هالايام مع اني ما اعتقد ان بيقولون لي شي جديد

 

[عاشقة الدوحة]

انزين حبيبتي الاثار علاجها غير ما يكون بالحبوب
اللي اعرفه ليزر للآثار او تقشير كرستال او اي نوع ثاني من الحلول مو بالحبوب اللي تاخذينها ..
ويمكن لما خذيتي الحبوب وبعد ظروفج وقفتيهم مبجر يمكن كان لازم تكملين عالعلاج اكثر ..
وعقبها تبدين تعالجين الآثار بالليزر
احنا مانقدر نفيدج حبي لازم الدكتور يفحص عليج ويقرر

مشكورة اختي على الرد
انا ما وقفت الحبوب استمريت .. وقالي الدكتور بسوي لج ليزر بس المشكلة الحبوب رجعت فما يصير اسوي ليزر والحبوب ما زالت موجودة ..

ان شالله براجع الطبيب مع ان ما اعتقد عنده كلام جديد

 

[عاشقة الدوحة]

شوفي هالرابط طبقيه مع اي علاج تاخذينه وريحي جسمج من الدهون والكاكاو الزايد حتى لو كنتي ضعيفه الكاكاو والدهون كثرتهم دمار للبشره وحطي ماي زمزم مقري فيه قران يمكن فيج عين لا سمح الله

واستمري على علاج دكتور

http://www.q8yat.com/t40799.html

مشكورة اختي على الافادة جزاج الله خير
وشفت الرابط ان شالله بطبق

والكاكاو من زمااان مقاطعته ولا اكل وايد اشيا فيها دهون بس بعد ببتعد زيادة عن الدهووون

ان شالله بحاول ارقي نفسي و الله يعين ان شاء الله ..

مشكورة

 

[عاشقة الدوحة]

الله يعينج
انتي تاخذين بروحج و لا عند دكتور معين ؟

مشكورة اختي على المشاركة
انا اخذ عند دكتور ما شالله ممتاز وخبرة بمشاكل الجلد .. ودايما كنت اتابع عنده في اي مشكلة ...

 

[عاشقة الدوحة]

اااااااااب

شكرا على الرفع

 

[عاشقة الدوحة]

للرفففففففففففع

 

[Lovely_R]

اب اب الله يشفيييييييج حبيبتي

 

[عاشقة الدوحة]

شكرا للرفع اختي

اليوم رحت العيادة .. ما تتصورون شلون زحمة
تنقعت عدل ...

وقالي ارجعي اخذي الريكوتان مرة ثانية بس هالمرة حبتين باليوم 4 شهور ونص
قلت اخاف مابي
وكتب لي كبسول نوع ثاني اسمه ( زيترون ) + مراهم ..

ان شالله هالمرة استفيد ...

 

[عاشقة الدوحة]

هذا كريم كتبه لي الدكتور من شركة بيوديرما
وهو ماركة فرنسية ،، شكلها ماركة حلوة
اللي فهمته انه يساعد على تخفيف الاثار الناتجة عن الحبوب
والحلو انه مكتوب make-up can be applied on top
بس طبعا ما راح استخدمه مع المكياج ،، ( الا اذا وحدة فيكم نصحتني )) ^^
وسويت عنه سيرج في النت
الظاهر ان عندهم كريم يفيد في حل مشكلة المسام بعد ..

بس ،، حبيت افيدكم يمكن وحدة تعاني مثلي ...

 

[عاشقة الدوحة]

هذي صورة من النت
اوضح ^_^

 

[عويتقة]

حياتي انا انصحك نصييحة انتي اجهدتي ويهك كتيير بالمراهم والكيماويات ليش ماتفكرين بالشي الطبيعي احنا عندنا في المغرب البنات الي فيهم حبوب يعالجونه بالحلبة ايييه حياتي الحلبة تاخدين ملعقة حلبة بودر وتخلطينها مع ملعقة زبادي وتوازنين الخلطة بشوية ماي تعملين الخليط على ويهك 20 دقيقة واغسليه بالماي بس وحطي ماء ورد بارد بقطة وامسحي ويهك وخليه للصبح وبعد اسبوعين راح تلاحضين الفرق احنا عندنا في المغرب نتعالج من الطبيعة بس اه واعملي طين اخضر مرة بالاسبوع وعسى ربي يوفقك بس امانة ما تدعي علي لو الوصفة ما جابت نتيجة لأني والله شاهد علي اني قلت لك الوصفة بعد عدة تجارب شفتهم بعيني وياااااااارب الوصفة تجيب نتيجة معاك وتكون سبب شفائك

 

[دمثة]

الله يكون بعونج

 

[عاشقة الدوحة]

حياتي انا انصحك نصييحة انتي اجهدتي ويهك كتيير بالمراهم والكيماويات ليش ماتفكرين بالشي الطبيعي احنا عندنا في المغرب البنات الي فيهم حبوب يعالجونه بالحلبة ايييه حياتي الحلبة تاخدين ملعقة حلبة بودر وتخلطينها مع ملعقة زبادي وتوازنين الخلطة بشوية ماي تعملين الخليط على ويهك 20 دقيقة واغسليه بالماي بس وحطي ماء ورد بارد بقطة وامسحي ويهك وخليه للصبح وبعد اسبوعين راح تلاحضين الفرق احنا عندنا في المغرب نتعالج من الطبيعة بس اه واعملي طين اخضر مرة بالاسبوع وعسى ربي يوفقك بس امانة ما تدعي علي لو الوصفة ما جابت نتيجة لأني والله شاهد علي اني قلت لك الوصفة بعد عدة تجارب شفتهم بعيني وياااااااارب الوصفة تجيب نتيجة معاك وتكون سبب شفائك

مشكورة الغالية
وهذا اللي راح اسويه ان شالله

الله يكون بعونج

مشكورة الغالية ع المرور