بشرتي فجأه تغيرت .... تعالوا شوفوا شلون ؟؟؟

[sraab]

صباح الخير

شلونكم بنات ؟ انا بشرتي كانت صافيه ورطوبتها حلوه وكل شي فيها زين

لكن المشكله انها فجاه بيوم وليله تغيرت

صار كل يوم تطلع حبه اكبر من الثانيه وماتروح والبشره صارت دهنيه حيل حيل حيل

وانترست كلها حبوب :0bee2e8d89:

بلييييز ساعدوني

جربت ماسكات الروب , الهرده ، القيمر ، العسل ، المره

ماكو فايده

ابي كريمات طبيه مجربه

واللي تساعدني راح ادعيلها

 

[محظوظهـ]

رد : بشرتي فجأه تغيرت .... تعالوا شوفوا شلون ؟؟؟

ووي نفسي من شهر تقريباا جبهتي صاررت حبوب ولي الحين ماراحوا

 

[شوشو العنزي]

حبيبتي احسن شي للبشرة الدهنية صابونة الكركم عند الحواي تنشف لج الحبوب

 

[sraab]

لا انا مو الجبهه بس منطقة الخدود وكل مالهم يزيدون

الله يعين بس

 

[شغفني حبآ.~]

نصيحه بدال ماتجربين بنفسج وتصيرين محط تجارب واتخسرين ويمكن ينفع ويمكن لأ

روحي دكتور جلديه أضمن وان شاءالله نتيجته تبين وياج ..

موفقه ..

 

[sraab]

شوشو العنزي

الله يعطيج العافيه ويوفقج حبيبتي بس انا ماابي الحبوب تنشف وبس ابيها تختفي وترد بشرتي نفس قبل

بجرب هالصابونه وان شاءالله تفيد

الله يجزاج خير ويرزقج ما تتمنين

 

[al.brnsesa]

حبوبه ديري بالج مو شي اجربينه

روحي الجلديه شـ خسرانه

 

[sraab]

هلوله

البرنسيسه

يعطيكم العافيه انا ناويه اروح حق دكتور جلديه بس ابي اخليه الحل الاخير بحاول بالاشياء الطبيعيه وان شاءالله تفيد

تسلمون وماتقصرون

 

[جوك احلى جو]

للحبوب مرهم اسمه ديفيرين من الصيدليه بدينارين وشي مرتين او ثلاث مرات باليوم ولاتطلعين فيه بالشمس
وحطي لج نشا مع ماي ورد مخلوطين

واشتري ماسك للبشره الدهنيه من كلينك

 

[روان_الكويت]

اب اب

 

[بدويـــة مودرن]

اب
لعيونج.}

 

[حياتي فراغ]

رد : بشرتي فجأه تغيرت .... تعالوا شوفوا شلون ؟؟؟

حبيبتي جم عمرج اذا بداية المراهقه عادي الكل يصير فيه جذي
بس اذا كبيره لازم دكتور
واهتمام
تنظيف البشره
وترطيبها

 

[مارغريتا]

هذي بششره لا تاخذين نصايح من البنات سوري مو اقصد مو ثقه بس بشره عن بشره تفرق ,
روحي المستوصف يحولونج عل جلديه او روحي دكتور جلديه زين وان شاءلله ترد مثل ماكانت ,
ادعيلي شعري يوقف تساقط والله تعبت منه

 

[©΅αℓ.тђσσq]

رد : بشرتي فجأه تغيرت .... تعالوا شوفوا شلون ؟؟؟

انا اهملت بشرتي فتره .. وجذي صار فيها حبوب .. وانا نوعي كل يوم ميك آب ..

رحت الجلديه

وعطوني مضاد حيوي .. اللي اوله نفس الاسفنج ترعصينها على الحبه مع كريم احطه بالليل ..

ما استفدت منه !!

عقب عرفت حق الحبوب اللي تطلع لي وقت الدوره .. ولمن بشرتي تدهن وتخرب من المكياج اليومي ..


( صابونة لايف بوي الحمرا ) اغسل وجهي فيها كل يوم + ماسك الهمالايا ,, <-- تلقينهم بكل جمعيه !!


وعقب اذا انشفت الحبه استخدمي مقشر يومي خفيف ..



:


هذا هو استخدميه كل اسبوع .. مره ..

حطيه وعقب ماينشف غسليه / او حطيه على كل حبه بس ..

واذا بشرتج حيل دهنيه و متروسه حبوب .. خليها مرتين او ثلاث بالاسبوع ..


:


والمرطب خلج على الشي الطبي من الصيدليات احسن يكون مافيه نسبة عطر ومايهيج البشره ولا يدهنها زياده ..

او فيه كريمات اللي يحطونها حق الجهال بعد استخدميها كمرطب ..




​

 

[انا خطر]

رد : بشرتي فجأه تغيرت .... تعالوا شوفوا شلون ؟؟؟

يمكن من الاكل بعد

ابتعدي عن الدهون و الكاكاو و ان شاء الله يروحون

 

[شيهانه المزيونه]

رد : بشرتي فجأه تغيرت .... تعالوا شوفوا شلون ؟؟؟

نفس بشرتي
مابقى شي ماحطيتة وشريت كريمات من الصيدلية بس مانفع
يمكن من النفسية

 

[حرمه المصون]

انا بعد الولاده اعتفست بشرتي وصارت كلهت حبوب تحت الجلد

 

[منو انا]

انا صارت وياي جذي بس قلت ما ابي العب وحط وحووس لان لو بحط بتخترب زياده ومحاطيت شئ وبعدين اهو بروحه راح بس دربالج لاتحوشينهم كل دقيقه

 

[نـس ـونئ غ ـلآهـم]

أب أب لعنونج

 

[lulwa-q8]

آب

=)