بصراحة غبية الي اتفكر واحد حلو .. دشو وشوفو

[شمعة البحرين]

هاي بنات
شلونكم
وشلونكم مع ازواجكم اذا يشيبون الراس:eh_s(11):
بنات انه عندي مشكلة ان ريلي مغرور زيادة عن اللزوم لدرجة ان ينرررفزني
طول الوقت افوشر علاي انه حلو انه قمر الناس كلها اتقولي ان انه جميل
مع ان انه اشوف روحي احلى منه ملامحي احلى منه بوااايد
مانكر ان اهوا حلو بس هم انه حلوة :eh_s(7):بليز لاتعتبرونه فشار مني
والمشكلة ان مايعترف ان انه حلوة مايعلق على شكلي كلش لايقولي انتي كريهه ولا يقولي انتي حلوة
وفي التلفزيون ساعات او في الحياة الطبيعية مثلا اذا يشوف بنية اقول حلوة وانه اشوفها اتلوع الجبد
او مثلا اقول عن بنت عمي حلوة وانه بشهادة عايلتنا كلها ان انه احلى منها
اتهقون شفيه ريلي مينونة لو في حاله نفسي لو يتعمد اسويلي هلحركات :bbbiu::bbbiu:
وغير طبعا الي ذكرته ماساتي وانه طالعه معاه المحلات شفيهم بناتنا اللهم ياحافظ !! ينو من اجوفون ريال مايدرون شسوون بعمرهم حرام عليكم لازم نحترم بعض لازم انفكر ان يوم من الايام بننحط بهلموقف مع زوجها شهلحركات الي يسوونها !!
انصح كل وحده مو متزوجه لاتفكر تاخذ لها صبي حليو انه الي عندي ولبه ينقال عنه حلو وانه طفشااااااااااااااانة منه وملوع جبدي مع غروره
ساعدوني بنات شلون اتصرف مع شخصيته :rgewrg:

 

[أم ليليا 1]

ما دري شقلج بس اللي لازم تسوينه انج تهتمين بروحج و بأناقتج و جمالج عشان ما يحس انه خسارة فيج ههههه ادري انج مزيونة بس هو مغرور حسب ما تقولين ... يعني اللي لازم تسوينه انج دائما تكوني متألقة و جذابة و لو شفني بنات هالأيام يسوون حركات سوي روحج مو منتبهة و لا تلفتين نظره ابدا ابدا ابدا لهالسوالف لأ،ه راح تزيد من غروره حتى اذا اهو قالج شي قوليله ( لا ما شفت شي أو قوليله انهم كانو يطالعونج انتي ) فاهمة !!!:eh_s(15):

 

[Um Tuki]

حقريه و لاتحسسينه انج تغارين خل يقول عن البنات كلهم حلوين .. وحياتج احلى طااااااااااااااف
بس يقول عن بنت عمج حلوة .. و بـــــــــــــــــط في عينه .. هذي قلة أدب و لازم تحاجينه بنبره حاده .. قوليله احترمني قبل ما تحترم نفسك .. اتطالع اهلي بعد هذا القاصر

لما يتمدح بروحه قولي الحمدلله والشكر .. لما تشوفين واحد حلو مدحيه ..

قولي مثلا حمد العماني وسيم و احب الريال تكون ملامحه جذي .. طبعا مافيه وجه شبه كلش عشان يعرف بس في احلى منه

 

[ام يوسف2011]

شنووو يمدح بنت عمج وانتي ساكته !!! المفروض تزفينه

عييييب يتكلم عن بنت او يمدح بنت جدامج شنو كلش مافي

احترام لج؟!!

ثانيا ريلج شخصيته صعبه الله يعينج عليه بس انتي لازم

تصيرين نفس شخصيته وخليه يحس بالغيره يعني

مثلا تأففي اذا تحرش فيج احد وهو معاج اففف هذا لوع

جبدي بالمخازز بيقولج منو قولي هذا من مساع وهو يطالع

خليه يحس ان الكل يشوفج حلوه وحسسيه ان الجمال للبنات

مو للشباب نقدي عليه لي قال انه جميل قوليله الي نعرفه

ان الجمال للبنات والخشونه والرجوله للشباب..

 

[كادياا]

لا تعليييييييق البنات يكفووووون ويوفون


ربي يريح بالك ويسعدك

 

[انثى عاشقة]

مثل مايمدح نفسه امدحي نفسك وطيريها السما
انا اختي نفسك معاناتك زوجها حلوووو
وكله يقول لها البنات يركضون وراي
اصحابي بالدوام يقولون انت حلو شلون مرتك ترضى تخرج برة البيت
ماتغار عليك !!!
كلام غبي الصراحة
اكره الرجال الي من هالصنف
اذا قال لك انا حلوو قولي له ذوقك احلا
لانك اخذتني

​

 

[om MaRyooM]

هلا والله

طبعا شي مؤكد ان زوجج في غرور وانانية بنفس الوقت
وابسط حل لمثل هالفئة الطناااش

طنشي تعليقاته وبالعكس انتي امدحيه باليبت بينج وبينه
بنفس الوقت خلج واثقة من نفسج ووريه هالشي .. وخلج (يااااااااا جبل مايهزك ريح)

ولو يقارنج بوحدة او يعلق على جمال وحدة عطيه نظرة تخلي يستحي على ويهه



وبالنسبة لحركات البنات اللي ذكرتيها .. الله يبليهم ببنات نفس اشكالهم يسوون هالحركات القرعه لي لأزواجهم عشان يحسون بالحرة

 

[ملگه]

الله یعینج حبیبتي

 

[رنيم الروح]

ياقلبي على الغرور الله يعينك عليه بس على سالفة الي تلوع الكبد ويقول حلوه
اقولك الناس اذواق ولولا اختلاف الاذوااااق لا بارت السلع
وترا الرجال مايعجبهم ولا يتعلقون الا الي مايعجبنا يعني ذوقهم عكسنا تماما الهم مقاييس خاصه خخخخخ

 

[أنفاسي دخون]

اسكته بكلمه << الرجال مخابر مو مناظر يا حبيبي خخخخخخخخخ

يا شين الرجال لا سولف عن جماله وشكله ويييييييييييييييييييييييع

 

[مـآلي شبيه~]

اسكته بكلمه << الرجال مخابر مو مناظر يا حبيبي خخخخخخخخخ

يا شين الرجال لا سولف عن جماله وشكله ويييييييييييييييييييييييع

:eh_s(15)::eh_s(15):

 

[ظبية بوظبي]

زمن
صار الرجال يفتخر بجماله هههههههههاااي
راحت المرجله .. راحوا الطيبين

 

[lala2]

كل مامدح طالعيه بنص عين وقولي بضحكة خفيفة الحمدلله والشكر ....اذا قال ليش تنكرين ان الكل يقول اني حلوووو
قولي اييييه صح ......حلووووو تهبل ياحلاتك
واذا مدح جمالة مثل ماقالو البنات نقديه علي عمرة ...
صاج من جمالك ممعممين عليك لاتطلع من الديرة خسارة عليهم ...
وعلقي عليه وعلي لبسة واذا شفتيه يتعدل قولي له شرايك اعطيك مراية صغيرة تحطها بجيبك تمنظر بجمالك الاخاذ كل ديقية
واذا عصب وقال انا حرمة اخذ مراية
قوليلا اسم الله عليك انت سيد الرجالة ياعنتر و طبعا باعصاب باردة اسفة حبيبي ماكان قصدي ابيك كل شوي تذكر جمالك
او قولي له شرايك ترا يحطون مسابقات الجمال اسجل لك فيهم
واذا عصب حدة
قولي حبيبي انت انا ابي ابرز جمالك حرااام هالجمال مدفون مايدرووون عنه العالم
بيعصب ابتسمي له قولي انا ابي ارفع معنواتك الجمالية ...كسرت خاطري كله تكلم عن جمالك النادر وانا مو حاسة فيك وابي اوقوف معاك
واذ جا بيطلع قولي له ... حبيبي انتبة لاتسبب زحمة بالشارع من الناس اللي راح يتفرجون عليك وعلي جمالك وغني له جميل جمال ... وكل مادخل غني له اغاني عن الجمال ... واذا قال تطنزين علي قولي حشا ياقلبي انا ادري عنك داخليا مستانس لاني اهتم بجمالك يعني
خليه يفقد الثقة بنفسة .......
هالنوعية يبيلهم اعصاااااب باردة وطووولة بال
واذا باله اطول منك لاتاسين خليك وراه طبعا هذي حرب اعصاب
يعني اذا فقدتي اعصابك مرة راح يعرف اللعبة وماراح يهتم
فانتي قبل لاتبدين تعلمي علي ضبط اعصابك لانه يمكن تيهور ويعصب عليك بس خليك هادية وتحملي

 

[زوجة عزيز]

فشليه عشان مايعودها ولاتسمحين له يمدح بنت عمج او غيرها جدامج ترا ريلج ماينعطه وجه

 

[ام يارا القمره]

مافهمت الي كتبتيه لان احس موضوع مب مفهوم بس الحمدلله اني فمهت من الاخوات وردودهم بصراحه ردوردهم صحوالي يمدح نفسه ماعنده ثقه

 

[Patcholli]

قوليله الاهتمام بالجمال للحريم مو للريال

وبعدين شكو يقول عن بنت عمج حلوه ..؟؟ عيب مايجوز يحط عينه على اهلج سواء خواتج او ارفيجاتج او بنات عمج وخوالج

 

[Gifts&Occaions]

الله يعينج

 

[رووز q8]

الله يعينج طنشششيييه خل يمدح مني لي باجر وانتي بنفس الوقت مدحي نفسج وان موقاصرج شي خليه يطخ شوي