أولا الأصل في الاسلام إنه يكون في شيء اسمه ( بيت مال المسلمين ) يعني أهل البلده ..
يتقسم بينهم المال بالسويه ..
يعني الملايين المملينه الي قاعد تطلعها الكويت من النفط والي تبرعوا منها حق أمريكا العام الي فات ب 500 مليون
غير التبرعات حق العراق والبصره والنجف , وغير التبرعات حق بناء محطة كهربه ما ادري وين
هذه كلها لازم تتقسم بالسويه ولازم كل واحد ياخذ نصيبه منها
يعني الكويتي الحين جم سنه يمشيله معاش ؟؟
يشتغل وهو عمره 24 سنه يستلم معاش لين عمره 60 تقريبا وبعدين يموت
لو نحسب جم ياخذ خلا هالخمس وثلاثين سنه الي إشتغلها , ياخذ فيها معاش تقريبا 40000 الف دينار فقط لاغير ..!!
بينما الأجانب الي قاعد على البحر لاشغل ولا مشغله يستلمون 3000 دينار شهريا
ثانيا : دعم العماله وقصته هو إن الحكومة افرضت على أصحاب الشركات نسبة 20% كويتيين لازم يشتغلون بالشركة ..
بالله أنا من وين بييب كويتي يرضا بمعاش 200 دينار من الشركه و150 من دعم العماله ..!! ويداوم 8 ساعات
الحكومه هني قالت بدال مانمشي حق الحريم الي قاعدين ببيوتهم معاش ربة منزل باجر الكل بيقول شوف الكويتيين اشلون يعطونهم فلوس قاعده ببيتها ويمشيلها معاش ..
سوت الحكومه سالفة دعم العماله عشان هالحريم الي تارسين الديوان يبون يشتغلون والي فوق بعض بمكاتب الوزارات يقعدون ببيتهم ويخففون على الدوله الرواتب , فا بدال ماتستلم 600 دينار تاخذ ميتين وتقعد ببيتها ..
بعدين الشيخ عجيل النشمي يجوزها , لأن صاحب العمل هو الي يقولك لاتداوم ..
الحين انا أضرب لكم مثال : يعني الحكومه ماتدري عن وزارة الأشغال والقرعه الي قاعد تصير بين الموظفين كل واحد يداوم يوم بالأسبوع ..
والله إني سامعه واحد دق على الشيخ بالرادو وقاله احنا 20 موظف في مكتب مايتحمل غير ثلاث وسوا لنا المسؤول قرعه على الدوام وطلع يومي يوم الجمعه يعني مافي دوام ..
قاله اذا المسؤول يعلم وموافق يجوز لأنه هو الي يقدر مصلحة العمل ..
وشيخ ثاني أنا سألته بنفسي قال اذا صاحب الشركه عطاج ورقه وحده ونقلتيها بالبيت أو طبعتيها بالكمبيوتر يجوز لج تاخذن دعم العماله ..
انزين اذا صاحب الشركه مايبيني اسوي هالورقه أروح أغصبه يعني ..!!
مشكورين وانا آسفه على الإطاله
