بصراحه ظلم اسمه دعم العماله

[miss-one]

في قانون يلزم الشركات انه تكون نسبه معينه من الكويتين فيها
وفي وظايف ما يقبلها الكويتي في هذا الشركات

علشان الشركة تحافظ علي هذي النسبه تعين موظفين وما يعطونهم شي من الشركة بس دعم العمالة

ويقعدون في البيت وتنصرف لهم معاشات

السالفه فيها تحايل من الطرفين

من الشركة علشان القانون
من الموظفين ياخذون فلوس وما يداومون

والي تقول راعي الشركة راضي اكيد بيرضيي بيحقق النسبة مالت الموظفين بشركته
واهو مو دافع شي من عنده
والحكومة تدفع

هذي السالفه كلها

 

[عروبه]

انا اشتغل ولا عندي احد يستفيد من دعم العمالة بس حبيت اعلق

كلام كاشونه منطقي الي تكلمت فيه ان على كل شخص كويتي اييبون 20 موظف

يعني الشركة رابحة ومو خاسرة شي

والدولة ارتاحت من معاش الشخص الي مسجل على الشركة وماتنزله الا مبلغ دعم العمالة

يعني الثلاث اطراف مستفيدة وعلى كلامهم الشيخ النشمي محلل هالشي

عيل ليش حرام

انا اقولج ليش حرررام

لان صاحب الشركة الخاصه ما يدفع من جيبه للكويتى
لو يدفع بس دينار واحد جاان الزمه يداوم ويكرف كرف اليهد
بس لان
الحكومه تدفع ..................................فهو ما عليه
علشان جذيه

حراااام
جان زين تفهمون الفتوى قبل لا تحللونها

 

[om_jsoom]

انا بعد من الي ياخذون معاش من دعم العمالة وقاعدة بالبيت

وسمعت ان يجوز اذا كان الي مشغلج راضي

وثانكيو حبيبتي

 

[كاشونه الاصليه]

انا اقولج ليش حرررام

لان صاحب الشركة الخاصه ما يدفع من جيبه للكويتى
لو يدفع بس دينار واحد جاان الزمه يداوم ويكرف كرف اليهد
بس لان
الحكومه تدفع ..................................فهو ما عليه
علشان جذيه

حراااام
جان زين تفهمون الفتوى قبل لا تحللونها

ومنو قالج الشركه ما تعطي ؟؟؟

في شركات يعطون وفي شركات لالالالالالا

 

[كاشونه الاصليه]

يما منكم

لي حبوا يحللون شي طلعوله الف و ستميه فتوة و فتوة

انا اقول عيب الواحد يقص على نفسه و يسوي فيها وين اذنك يا جحا

صاحب العمل اللي بقعدكم بالبيت و بقولكم سوولي شغلي بالانترنت خل يدفع لكم اهوا من جيبه راتب

اما الحكومه ما تمشي دعم العماله حق ناس بطاليه متلاعبه على القانون و قاعده بالبيت

و اللي تبي تحاجج و ترد و تفتي خلها ترد على كلامي هذا بالاول

مو تقولونلي المفتي مدري منو مدري شقال

حتى بهالشغله السخيفه ماتقدرون تحكمون عقلكم

تحتاجون فيها مفتي يفتيلكم فيها !!!!!!!!!!!!!!!!!!!!!

اللي قاعد بالبيت و ياخذ دعم العماله فيه خير يقرب صوب التأمينات و يقولهم هالكلام خنشوف شقولونله

تهقون بقولون له عليك بالعافيه يا قلبي انت دام صاحب الشركة قعدك بالبيت و المفتي فلتة زمانه حللها

عيل شغلك ماشي بالسليم استريح و احنا بنكمل نصرفها لك !!!!!!!!!!!!!!!

اي شي !!

التأمينات ما يسوون شي واحنا عارفين والي اعروقهم بالماي غير حبيبتي انتي ما تعرفين بالقانون مشكلتج اختي تروح كل شهر تدفع الاشتراك محد كلمهاا وقلها شي تسلمه باليد صارلها فوق السنتين بس حبيت اعقب هل معااشاتكم حلال ردو علي وردي علي انتي معاشج حلال

 

[رفرف]

حبيبتي كلمن له قناعاته واللي يبي يحط بذمته فلس حرام كيفه ..

انا ما احلل ولا احرم ولا اعرف الفتوى اصلا مادري بمدى شرعيتها بس قصدي انج تشتغلين لأنج تبين تاكلين وتوكلين عيالج من فلوس حلال صح والا لا؟؟
هشي المفروض ما يزعلج كون غيرج قاعد ياخذ دعم العمالة اذا هو حلال عليهم بألف عافية واذا حرام بذمتهم ..
وفي مفتيين وفي قانون اللي يتلاعب ع القانون بذمته واللي بيسأل ويسوي اللي براسه بذمته ..

في بيبان وايدة للرزق واللي يبي الفلس بيحصله حلال او حرام وانتي اخترتي الشي الحلال اللي ما فيه شبهة عليج بألف عافية خلاص ليش شايلة همهم ..

كيفهم ..

 

[Hello_kitty]

الحكومه و التأمينات مانزلت دعم العماله حق ناس تقعد بالبيت و ماتشتغل لاتلفون و تدورون على نفسكم يا بنات
و الحين التأمينات شانه حمله تفتيش على الشركات و الموؤسسات عشان يصيدون الناس الغير متواجدين بمقار عملهم و اقروا الخبر بجرايد امس
الحرام بين و الحلال بين و هالشي قالته وحده من الخوات و مالنا شغل الشركة مستفيده ولا لأ مو شغلنا المهم ان الشركة تلاعبت على الحكومه و اللي رضى على نفسه ياخذ فلوس حرام يتحمل عقاب رب العالمين

فعلا معاج حق بكل كلمة قلتيها...لا نقص على عمررررررررنا هذا تلاعب واضح وصريح بالمال

الحكومه لما حطت دعم العماله عشان تشجع الكويتيين يتجهون للقطاع الخاص وتخفف الضغط على القطاع

الحكومي

..اما اني اسجل اسمي على ابو فيه نسبة عماله كويتيه واهو بالأصل ما فيه ولا اشتغل واقعد في

بيتي وفوق هذا يمشيلي معااااااش؟؟؟!! وين صارت بأي قانون بأي دين حللها ولا تلفون وتدورن وتحللون

الحرام غصب طيب ...


وبعدين بالنسبه حق ردود بعض البنات شهالحده وللسان الطويل الله يهداكم هذا وانتو بمنتدى جذيه ببيوتكم

شتسوووون عسى ما وحده قالت رايها ولا علقت بشي ما عجبكم نتفتوها بلسانكم

 

[أم مشموش]

ليش جذي شلي باط جبودكم انا اعرف وايد يقولون حرام وحرام يحرمون لي يبونه ويحللون لي يبونه ودور احد تعرفعه عنده شركه علشان جذي تسجل وتاخذ معاش وطول ماهي مو حاصلها حرام وحرام كامن يحلل ويحرم على هواه حتى الفتواه صارت بالمشتها

 

[coca^cola]

التأمينات ما يسوون شي واحنا عارفين والي اعروقهم بالماي غير حبيبتي انتي ما تعرفين بالقانون مشكلتج اختي تروح كل شهر تدفع الاشتراك محد كلمهاا وقلها شي تسلمه باليد صارلها فوق السنتين بس حبيت اعقب هل معااشاتكم حلال ردو علي وردي علي انتي معاشج حلال

يعني عشان التأمينات مو قادرة تضبط كل الناس المتلاعبين على القانون صارت الشغله حلال ؟؟ يعني اختج ناطرة التأمينات توقف دعم العماله عنها عشان تقول ايه و الله هالفلوس حلال ؟؟؟؟؟؟ قلتلج اقري الجرايد و عرفي شقاعد يصير بالديره و اختك و هي بمرتها هالشهر على التأمينات خل تقولهم ترى انا اخذ دعم العماله و انا قاعده بالبيت خنشوف شقولون لها اذا كلامج صج

اذا مشكلتي ماعرف بالقانون ف مشكلتج تتلاعبين على القانون وعلى الاقل احترمي ذكائج يا كاشونه

و بالنسبه على معاشي الحمدلله حلال و كل فلس أخذة محلل انشالله عند رب العالمين يكفي اخذ دعم العماله و انا اداوم دوام كامل لي الساعه 3 و نص و لما احط راسي على المخده اقول الحمدلله لك يارب ماخليتني ادور الحرام مثل غيري و لا كليت مو فلوس الديره بلاش

 

[سما الكويت]

لاحول ولاقوة الا بالله..

البنت ولعت شراره وراحت..

مادرى شنو الفايده من هالموضوع!!!

هى لو قالت ياخواتى انا بنصحكم وانبهكم ان هالشى حرام وحطت الفتاوى جان لقت الكل يقولها جزاج الله خير..

بس مو بهالطريقه..

انا وحده لاموظفه ولا اخذ دعم عماله..والله الشاهد..

بس ما احب المواضيع اللى تثير البلبله بالمنتدى..خصوصا ان احنا عضوات وبنات لانحل ولا نربط بالديره..

والمنتدى صار مفتوح وكلمن يتطمش علينا..

انا اقترح غلق الموضوع..واتوقع انه خذا حقه وزياده..

 

[q8sparkle]

لا حبيبتي مو جذي السالفه اختي مسجله السالفه انه على كل اكويتي ايبون عماله 20 عامل يعطون اذا شغلو لكويتي بقطاع خاص يعني مستفيدين منه والحكومه ما تعطي شي حق الشركه ولا شي الحكومه مجرد تعطي دعم العماله فقط لا غير

عادي ليش متضايقه في ناس فاتحين محلات باب خامس نايم بالبيت وهندي يدير محله وكل شهر ينزله 600 دينار دعم العمالهه ماله شغل قلبي يعني حرام الحين الحرام الواحد ياخذ افلوس وما فاد الجهه شي بالعكس مثال اذا انتي مسجله انتي مستفيده واهم ايبون عماله عليج و هالعماله انتي تفتحين باب رزق لهم شوفي لبعيد هذول الي تتكلمين الحكومه تعطي افلوس حقهم شركات النظافه مثال انا صاحبت شركه نظافه الحكومه تايي تعالي هاج افلوس على كل عامل اعطيج 50 دينار بس احنا نبي انظف شوارعنا اقولهم اوكي 30 دينار ابمخباتي وعشرين اعطيها الهندي مو حرام بس هذي نظريا شوفيها لبعيد وحكمي انتي تفتحين باب رزق لقيرج وانتي قاعدين يستفيدون منج ولهذا تاخذين دعم عماله نفس الي يأجر رخصت محل على الوافدين كل شهر ياخذ الايجار وجذي وهذي وجهت نظري لانه اختي تأخذ ومناقشين الموضوع

صاجة اختي وانا معاج بكل كلمة قلتيهااااا ...

 

[طووم]

مشكوره

 

[ام خالد 78]

اللهم اكفني بحلالك عن حرامك و اغنني بفضلك عن من سواك

 

[HeR HiGHNeSs 90]

حبيبتي هل شي ممنوع والي يكتشفونه يخلونه يرد كلشي كل الي خذاه

بصراحه ماتسوى عليهم ياخذون ياخذون اخر شي يردون كل الي خذوه

 

[كويتيه عبسيه]

حبيبتي كلامج عدل بس في شي

ان اقل راتب موظفه كويتيه 500 دينار وشهادتها رابعه متوسط ......يعني فرق 200 دينار على ربة البيت

فما بالج اللي يكرفون 8 ساعات اكيد معاشاتهم ماتق على 800 دينار .....

 

[الغنج والدلع]

اتمني انه كل وحده ماتقارن نفسها بالناس هذا عدل وهذا موعدل كل واحد ماله شغل الابنفسه

 

[بنت عايشة]

رد : بصراحه ظلم اسمه دعم العماله

اختى بنت العجمان ما نقول الا الله يغنينا بحلاله عن حرامه وبفضله عمن سواه
اللهم لك الحمد انا معاج بكل كلمه قلتيها وبالنسبه لدعم العماله وصلت لي باب بيتى بس اقسم بالله عفيت نفسي عنها لا انا ولا اخوانى ولا زوجى ححللناها لنفسنا ولا حتى سالت شيخ لان الحلال بين والحرام بين وحالي من حال اختج اتمنى يقرون راتب لربة المنزل شكرا لموضوعج

 

[Nokia N95]

من صجكم ؟؟

يعني الحين اللي تاكل فلوس حرام ... بتقول ان فلوسها حرام ؟؟؟؟؟

اكيد بتلف وتدور علشان تحلل اللي تبيه ....

وندري ان هالشي ظلم ....

بس انا عندي احط راسي على مخدتي وادري اني وعيالي ماناكل فلس واحد مومبين اذا كان حلال او حرام احسن من اني آخذ معاش على اساس اني موظفة وانا مو موظفة !!!

ومافي حق يضيع ....
هالفلوس مافيها بركة ...

ومافي فتوى وحدة تحلل هالفلوس ....

وعسى ربي يهدي الجميع

 

[! هُوْ وِينِه !]

يستآهلون آمهآتنآ

 

[Q8yatمحدمثلنا]

للعلم...عشان في بنات مو فاهمين الموضوع للحين...::

اللي مسجله بدعم العماله وتاخذ منهم معاش..وهي قاعده بالبيت ماتداوم في الشركه الخاصه اللي موضفينها(توظيف وهمي) يعني....انا اقولها:

فلوسج حرام...حتى الهيكله حاطين بوستر فتوى شكبره اول ماتدشين...واتصلي على اي شيخ واسأليه واذا قالج حلال عطيني رقمه واسمه...انتي قاعده تبوقين ديرتج..واتحدى وحده مسجله بوضيفه وهميه وتاخذ دعم عماله تقول للموظفه بالهيكله ( انا مسجله بالوظيفه وقاعده ببيتنا ماأداوم)....

وقبل فتره قريت بالجريده ان 3 مواطنات اكتشف انهم ياخذون دعم عماله ..ورفعت عليهم الهيكله قضيه..شوفوا عاد شيحكمون عليهم....بعدين استغرب من اللي يقولون حسد!!! ماأتوقع احد بيحسد غيره على شي حرام....