بصير تاجره بالسعوديه ما اعرف وين احصل الشغلات الرخيصه ساعدوني جزاكم الله خير

[ديرتي الغاليه]

السلام عليكم :









خواتى نفسي اعرف وين احصل المحلات اللي تبيع بالجمله من اكسسوارات ومكياج وشباصات وشغلات غريبه بس رخيييييييييييص لاني بفتح محل بالسعوديه ...........والله كريم ..........


وشنو اقتراحاتكم لي بما انى اول تجاره لي ؟؟:eh_s(22):​

 

[توكلت على الله 22]

اولا مبروك افتتاح المحل مقدماااا

والله حبيبتي في شغلات حلوووووووووووة ورخيصة او تاخذين بالجمله

وانا سمعت بالمباركيه
ومجمع ثاني يبيع اكسسوارات ومسرحات عروس بالسالميه بسسسسسسسسس مايحضرني اسمه
ليت البنات يساعدونك وبالتوفيق

 

[amam]

موفقه حبيبتى
فى بالمباركيه سوق الى بالسرداب تلاقين اغلب اليضايع فيه وبسعر التكلفه من مكياج وساعات وجناط!!!!
مالج الا هو لان اغلب الحريم بالمعارض ماياخذون الا منه
لاتنسينى من دعائج
بالتوفيق

 

[نمله سيلانيه]

سرداب الشاااااايع وبس


انصحج فيييييييييييييييييه وبقوه

 

[نمله سيلانيه]

سرداب الشاااااايع وبس


انصحج فيييييييييييييييييه وبقوه

 

[نمله سيلانيه]

سرداب الشاااااايع وبس


انصحج فيييييييييييييييييه وبقوه :sfg:

 

[زهرة الفردوس]

سرداب الشايع

 

[ديرتي الغاليه]

جزاكم الله خير ...........انا كنت حاطه بالي سرداب الشايع بس قلت يمكن في غيره..............زين بغيت نصايح بما انى اول مره انا فيني خوف من الخساره وما ادري اكثر بالاول او انتظر كذا شهر علشان اشوف المرغوب ؟

 

[منيرة خالد]

جزاكم الله خير ...........انا كنت حاطه بالي سرداب الشايع بس قلت يمكن في غيره..............زين بغيت نصايح بما انى اول مره انا فيني خوف من الخساره وما ادري اكثر بالاول او انتظر كذا شهر علشان اشوف المرغوب ؟

اختي / ديرتي الغاليه

الله يوفقج بالمحل ويوسع عليج رزقج آمين


بالنسبة لمحلات الجمله عندج مثل ما قالوا البنات سرداب الشايع فيه كل شي وبعد عمارة الفهد بالمباركية لبيع الملايس بسعر الجمله


التجارة تحب القلب الجسور المغامر وصدقيني لو تساوت الاذواق لبارت السلع ، يعني اشتري وانتي مطمئنة واتكلي على الله وطلبي الرزق الحلال ونوعي بالموديلات والالوان


والله يوفقج ​

 

[ديرتي الغاليه]

منيره خالد>>>>>تدرين استانست لمن شفت راده علي احس تنصحين من قلب وعسا الله يوفقج ويرزقج باللي تبين مثل ماتساعدينا ..........زبس بغيت اعرف انا اسمع ان بالاول لابد من الخساره بعدها تفرج ..........صج؟

 

[منيرة خالد]

منيره خالد>>>>>تدرين استانست لمن شفت راده علي احس تنصحين من قلب وعسا الله يوفقج ويرزقج باللي تبين مثل ماتساعدينا ..........زبس بغيت اعرف انا اسمع ان بالاول لابد من الخساره بعدها تفرج ..........صج؟

هلا والله بأختي / ديرتي الغاليه

الله يوفقج ان شاء الله بالتجارة

أختي / لا تحطين ببالج .الخسارة لأنه التجارة ربح يعني اذا تبين التوفيق من الله وبضاعتج تمشي بسرعه خلي ربحج بين 20 % الى 35 % يعني اللي تشترينه بـ 1 دينار بيعيه بـ 1.250 لا تبالغين بقيمة الشي علشان ما تخسرين الزبائن وتكسبين ثقتهم وصدقيني اللي ربحه قليل بركته كثيرة .

نوعي بالبضاعه علشان ترضين كافه الاطراف والاذواق ، وركزي ببضاعتج للبنات بعمر 8 الى 15 سنه لأنه هالعمر يسمونه العمر الحاير ما تلقين اللي يناسبهم بالسوق الا الشي النادر ، وبعد نوعي للمتزوجات العرايس لأنهم يكونون يجهزون وبعمر الشباب يحبون يلبسون ويتابعون الموضه .

الله يسعدج ويوفقج وقولينا عن نوع البضايع اللي تحبين تشترين منها علشان نفيدج

 

[ام ملاك2]

اخذى الخصل الشعر الملونة والاضافر والكرستال الى يحطونة بالشعر للحفلات وحاولى توزعينة على الصالونات هناك او حمامات الزيت والسنفرات يعنى السوالف هذى

 

[توكلت على الله 22]

رفع لعيونج

 

[ام ملاك2]

للرفع

 

[توكلت على الله 22]

اب لعيونج

 

[فانسي نايت]

الشايع وبس