بضاعة من لندن ؟؟

[LuLiTa]

بنااات شلونكم شخباركم



انا الحين موجودة في لندن و ودي اشتري بضاااعة و ابيعها في الكويت بس ما اعرف شنو الشغلات اللي تجذب البنات و اللي سوقها ماشي عندهم لأنه هذي أول تجربة لي

ساعدوووووووووني ​

 

[ذويقه و انيقه]

اول شي دوري في السوقه , شوفي المحلات اللي مو موجوده بالكويت ، و دوري الاشياء اللي عليها طلب حق رمضان و لا تنسين العيد . اعتقد بدل العيد حق البنوتات تمشي خاصه اذا كان معاها باند و دلاغ . الجناط الكبار الالوان الفاقعه ، عندج الكريمات المعطره اشوف بالدوام تمشي وايد.... ان شاء الله اذا ذكرت شي بكتب لج

 

[ناني سيكرتس]

لندن فيها بلاوي تصلح بضاعه بس اهو عالذوق ومعرفه شنو الي ماشي الحين, شوفي انا كنت وايد اييب بضايع من هناك كنت اشتري من اتش اند ام ونيو لوك لانه ماكان موجود بالكويت..
بعد كنت اييب ادويه عالطلب وفازلين, ماشاء الله من اييب الفازلين بسرعه يمشي..

طبعا الحين بتقوليلي شنو اييب وشنو اشتري..؟ انا برد عليج ما ادري.. مو عشان نحاسه لا والله بس انا جذيه لازم اشوف البضايع وبعدين انقي واشتري.. عاد الحين لندن ببداية السي والشي الحلو كله تلاقينه رخيص بس ها لحقي عليه, تقدرين اذا عندج امكانيات تشترين جناط دي كي ان واي اليدد بس اذا كانت اشكالهم حلو وغريبه, وتقدرين تشترين وياهم البوك مال الجنطه, عاد تدرين وحده من اهلنا تبي الجنطه اليديه مالتهم الي فيها تحديد فوشي عالجوانب..
تقدرين تشترين جناط وساعات وعطورات مو موجوده عندنا, اعرف ناس ايبون كاكاو وحلاو وبسكوت بعد..

 

[Anestazya]

شوفي البنات يحبون سوالف ملابس داخليه للمتزوجين كريمات فيها لمعه وصح في فازلين يمدحووونه علبته ورديه


اي شي للمتزوجين يطير بسررررررررعه اممممممممم جناط عمليه ملونه فيها كرستالات من هالنوع وفي سنفره يمدحوووووووووونه بس ماعرفها وحده تجيبها بضااعه يعني شغل بنات لازم تكتشفينه


وموفقه

 

[#حور#]

عندج جنطه توتي فروتي الي هابين فيها البنات

وفي بيجامات حلوه عندهم

 

[طموحه]

الله يوفقك ان شاء الله ، شوزفي اللي يعجنج و جيبيه لأن حتىاذا ما مشى تستخدمينه انتي

 

[دنياالوله]

عندهم علبه الهندسه هابين فيها عليها صورة الريول
وفازلين لندن
وكريمات الساس عجيبه وبسرعه تطير
عطورات خاصه تيم فورد
وانا بحاول ان تذكرت شي اقولج

 

[جنون العشق]

خامات عند سوق شبربوش


الاقطان تينن والمخامل خاصه الشتا قريب


روعه

 

[نونو فروتي]

كل شيء غريب يهبون الناس فيه بس هلله هله بالصوغه هههههه هه

 

[LuLiTa]

مشكووووورين و يعطيكم العافية و صوغتج من عيوني يا نونو فروتي :tek:

 

[أحلى^حياه]

شوفي في محل تلقينه باكسفورد ستريت مو ذاكرة اسمه بس من طقت دبنهامز فيه عطورات وهالسوالف كبير وايد
يبيعون الصابون اللي ينقط بالبانيو ويذوب يطلع ورد وريحة حلوه وسعره ززين والمتزوجات يموتون على هالسوالف
و بعد بري مارك بنفس الشارع قمصان النوم عنده حلوه ورخيصة

 

[الدروازه]

ماشاء الله على البنات

أنا ما أعرف شي ...بس اذا وصلت البضاعه بلغيني ابي اشتري منج ......!!!!!!

 

[alzaiin]

اولا حمدلله على السلامه مقدمن واول ماتوصلين ناديني حبيبتي ابي ملابس حق بنتي عمرها سنتين على والدزني بليززززززززززززززززززززززززززززززززززززز

 

[ام مضاوي]

شالات توي

الي فيها جموم

وايد يابوها بنات ومشت بضاعتهم

 

[هدولى]

فساتين للبنوتات عندهم حلوه وراقيه من عمر سنه لسته وهم شغلات ديزنى لليهال . واذا وصلت البضاعه بلغينى ..

 

[LuLiTa]

مشكورين حبايبي عل النصايح و انا الحمدلله رديت الديرة بس مع الأسف ما لحفت اشتري بضاعة لأنه الميزانية ما كفت بس ان شالله بسافر مرة ثانية على نص رمضان
ف حبايبي اللي تبي شي اتراسلني عالخاص عندها فرصة شهرين

 

[غير كل الناس]

شالات شتويه من سوق السبت ب7 دنانير ويبيعونها ب20

 

[Dreamer]

إذا جبتي بضاعه راسليني ..

 

[روعة الوجدان]

حبيبتي إذا وصلت البضاعة ياليت تعطيني خبر

أبي أشتري من عندج

والله يوفقج

 

[LuLiTa]

يسلمووو حبايبي و ابشروو بالخير ان شالله