بضاعه من دبي

[نور الفنر]

السلام عليكم ......


اضربت في بالي اني اجيب بضاعه من دبي ..... بس ما عرف شنو اجيب ههههه

شرايكم شنو ممكن اجيب من دبي ؟؟؟؟؟

لا تقولون لي ملافع ... لاني الصراحه ما اعرف بالملافع لا القديم ولا اليديد اخاف ابتلش فيهم ...

وبعدين الديرة متروسه منهم.....

قولو لي شي غير الملافع .... تجارة بسيطه ابدي فيها....

يالله ناطرتكم

 

[ذويقه و انيقه]

آنا من جم شهر كنت هناك درت بالسوقه حتى السوق الصيني قعدت ألف فيه ، شفت ان كل شي موجود بالكويت لا وأرخص بعد و الملابس الصينية يابوها في مجمع النقره و ارخص و الجناط بعد . التوافيج من الله . عموما دوري على المعارض وشوفي شنو طلب الحريم و الله يوفقج ان شاء الله

 

[نور الفنر]

مشكورة ذويقه...... صاجة التوفيق والبركة من الله سبحانه .... بس يمكن احد يفيدنا

 

[منانا]

والله في شغله انا مفكرة فيها ومو وااايد ناس يعرفونها وكل ما اقول حق البنات عنها يقولون يبي واحنا نشتري منج
في كامرا مراقبة تنباع بدبي واحد ياب منها مره بضاعة وكان يبيعها بأرض المعارض على 50 وسعرها الاساسي بالامارات ب10 دنانير ,,,, الكامرا هذي ميزتها انه تبرمجينها على تلفونج النقال بس مادري اذا في موديل معين او لأ وتدقين بأي وقت عالكامرا وتشوفين شنو قاعد يصير بالغرفة هذي حلوة لمراقبة الخدم وميزتها بعد انه تقدرين تخلينها سبيكر بعني تكلمين الموجودين بالغرفة
وموفقة انشالله

 

[ام مضاوي]

حبيبتي انا صارلي 4 ايام راده من دبي

الشي المميز الوحييييييييييييد

حق الحريم

الي اهي العبي مع ملافعها

انا اخذت شغلات غريييبه غريييبه غريييبه

والله الكل ين وكل وحده تقولي ليش مايبتي بضاعه

موديلاتهم مو بالكويت

يعني تشترين العبايه مع اللفه ب30 و40 واغلى شي حق المناسبات ب50

تربحين عالقطعه 20و30 دينار

يعني على كل 10 قطع سعرهم 30 المجموع300

عالاقل تربحين عالوحده 20والمجموع كاقل حد200

من اصل 300دينار يصير عندج 500

واي استفسار انا حاضره عالخاص

 

[a7laa wa7daa]

انصحج بالبضايع الاوروبيه او الامريكيه مو وايد هابين فيها

 

[نور الفنر]

والله افكار حلوة ..... بس الملافع ما عرف للاسف