بطاقة شكر لإدارة ومدرسات روضة (شجرة الدر)

[اللافندر79]

السلام عليكم ورحمة الله وبركاته


الموضوع يبين من عنوانه حبيت اشكر الإداره الجديده على اهتمامها بتعديل وترميم الروضه وبذل الجهود الكبيره للتغير للأحسن

وأشكر المدرسات الفاضلات على جهودهم الطيبه وأفكارهم الحلوه واسلوبهم الراقي في التعامل مع الصغار قبل الكبار وهذا ما شاهدته في الدرس النموذجي الاسبوع الماضي من حيث الإستقبال وترتيب الأفكار والمفاجأت الحلوه للأمهات وتنظيم الأطفال وحفظهم للأناشيد والأدعيه



وفي الختام أقول للإدارة ولكل مدرسات شجرة الدر إلى الأمام بإذن الله:ggdw::ggdw::ggdw:

وجزاكم الله كل خير

وهذي الورده لكم:aha:وطبعا ماتوفي جهودكم

​

 

[nero]

ما قصروا .. يستاهلون

 

[معلمة العاصمة]

حياج الله يا مس ديور وبالنيابه عن ادارة الروضه وجميع المعلمات اقولج ما قصرتى على هالكلام الطيب بصراحه مو علشان انا معلمة بهالروضه حبيت اقول الادارة الجديده وايد مريحتنا ومدلعتنا بعد عساهم على القوة وعسى الله لا يغير علينا ادارتنا واؤليا الامور العسل مثلج ومثل غيرج ويا رب كل الادارات تحذو حذونا والمهم المعامله وغير جذى محد دايم بهالمكان
مرة ثانيا شكرا على الكلام الحلو اللى يرفع المعنويات وسامحينا على القصور

 

[خضيرة]

معلمة العاصمة ناظرتكم ماتاخذ منكم فلوس لتزيين الروضه لان بعض الناظرات ياخذون على حساب المدرسات

 

[رضاب]

يستاهلون شجرة الدر من إدارة ومعلمات


والفال لجميع الرياض

 

[ملاك-77]

لهم كل الشكر والتقدير

 

[معلمة العاصمة]

شكرا عزيزتى رضاب وملاك 77 على الدعم والكلام الطيب
حبيبتى "خضيرة" ما حصل ان الناظرة اجبرتنا وحرام الظليمة شينة احنا الابلات مرات نحط من كيفنا تدرين مرات الوحده تبى السنع وطبعا فى عندج فروق فردية بين الابلات ومومعناته انه لازم الدفع علشان تتميزين ... ومثل ما قلت لج ادارتنا عسل وعسى ربى لا يغير علينا يا رب
نشوف باجى الادارات ونقول الله يتمم علينا والفال لكل الادارات الله يهديهم...

 

[* @ * كرستال * @ *]

شكرا عزيزتى رضاب وملاك 77 على الدعم والكلام الطيب
حبيبتى "خضيرة" ما حصل ان الناظرة اجبرتنا وحرام الظليمة شينة احنا الابلات مرات نحط من كيفنا تدرين مرات الوحده تبى السنع وطبعا فى عندج فروق فردية بين الابلات ومومعناته انه لازم الدفع علشان تتميزين ... ومثل ما قلت لج ادارتنا عسل وعسى ربى لا يغير علينا يا رب
نشوف باجى الادارات ونقول الله يتمم علينا والفال لكل الادارات الله يهديهم...

عذريني على السؤال ::
اللي وصلني وسمعته إن بعض معلماتكم بعد ما دفعوا للناظرة لبعض المستلزمات الكمالية لفصول الروضة
قبل شهرين تقريبا راحوا الوزارة واشتكوا عليها ، وانها عصبت وتضايقت لانهم يوم عطوها كانوا راضيين
فليش بعدها اشتكوا ليش من البداية ما واجهوها ​

 

[معلمة العاصمة]

هلا عزيزتى كريستال شكرا على اهتمامج واسمحيلى ارد بالنيابه عن الابلات على سؤالج ,,,, اهو موضوع الدفع على كماليات الصف كلنا عارفين ومن زمان مو اجبارى كل معلمة وامكانيتها وهذا المهم ا ,, و كلنا نبى الزين لفصولنا لأنه المكان اللى انتى تقعدين فيه مع عيالج فترات طويله واكيد فصل كل ابله اهو واجهتها وطبعا الكل يحب يقعد بالمكان اللى يرتاح نفسيا فيه, وسالفه الكماليات الناظرة وفرت الاساسيات و وفرت لنا الميزانية اللازمة وغير جذى ايي دور معلمات الفصل ...وانا وكل الابلات معاى سمعنا مثلج انه فيه شكوى بس لا عزيزتى ما حصل ولا راح نسمح انه يحصل لسبب انه احنا متعاونين لله الحمد وعلى قلب واحد,,,,, وهاذى ضريبة الشجرة المثمرة ومثل ما قلت بالبداية الابلات محتاجين ادارة تقدرهم وتبرزهم علشان يعطون ويتميزون ؟؟ والحمدلله هذا شفناه مع ادارتنا وغير هالكلام لا انا ولا كل الابلات وانا اتكلم بلسانهم ويشهد ربى على انه مستانسين على تفهم الادارة ودعمها والله يتمم على كل الادارات ؟؟؟؟ اتمنى انى جاوبتج بكل وضوح وشكرا على سؤالج يستاهلون ابلاتنا الشكر

 

[* @ * كرستال * @ *]

هلا عزيزتى كريستال شكرا على اهتمامج واسمحيلى ارد بالنيابه عن الابلات على سؤالج ,,,, اهو موضوع الدفع على كماليات الصف كلنا عارفين ومن زمان مو اجبارى كل معلمة وامكانيتها وهذا المهم ا ,, و كلنا نبى الزين لفصولنا لأنه المكان اللى انتى تقعدين فيه مع عيالج فترات طويله واكيد فصل كل ابله اهو واجهتها وطبعا الكل يحب يقعد بالمكان اللى يرتاح نفسيا فيه, وسالفه الكماليات الناظرة وفرت الاساسيات و وفرت لنا الميزانية اللازمة وغير جذى ايي دور معلمات الفصل ...وانا وكل الابلات معاى سمعنا مثلج انه فيه شكوى بس لا عزيزتى ما حصل ولا راح نسمح انه يحصل لسبب انه احنا متعاونين لله الحمد وعلى قلب واحد,,,,, وهاذى ضريبة الشجرة المثمرة ومثل ما قلت بالبداية الابلات محتاجين ادارة تقدرهم وتبرزهم علشان يعطون ويتميزون ؟؟ والحمدلله هذا شفناه مع ادارتنا وغير هالكلام لا انا ولا كل الابلات وانا اتكلم بلسانهم ويشهد ربى على انه مستانسين على تفهم الادارة ودعمها والله يتمم على كل الادارات ؟؟؟؟ اتمنى انى جاوبتج بكل وضوح وشكرا على سؤالج يستاهلون ابلاتنا الشكر

شكرا على التوضيح
للعلم فصول المعلمات أهم شي تتميز بترتيب الأركان ونظامها الدائم
أما تأسيس الأركان فيقع على عاتق الادارة وصبحان ​

 

[خضيرة]

حبيبتى معلمة العاصمة الناظرة قالت لكم اللى تبى تدفع تدفع واللى ماتبى بكيفها مو مجبوره ابى اعرف ليش الناظره تقول هذا الكلام ما عندها ميزانية ولا الميزانية لاثاث الادارة وصبغها وانتى يا المدرسة ادفعى واصرفى على وزارة التربية ولا وزعو نشرة ان المدرسة ما تدفع لو مية فلس وانتم دفعتم والمدرسات اللى مادفعوا تحط عليهم الناظرة وانا اتمنى من كل معلمة تقولهم الناظرة اللى تبى تدفع تدفع واللى ما تبى بكيفها تشتكى عليها عند المنطقة علشان تصير عبره لغيرها هذى طراره باسلوب مهذب وانتى يا معلمة العاصمة اكيد انج حبيبة الناظرة

 

[معلمة العاصمة]

ابلاتى العزيزات شكرا على ردودكم وانا وكل زميلاتى نحترم وجهة نظركم شكرا كريستال على ردج وهذا اللى المفروض يصير ان التأسيس مو اولويات الادارات وهذا شى مو كل المعلمات يعرفونه وما قصرتى على توضيحج
عزيزتى وابلتى خضيرة هم ما قصرتى على ردج وبغيت اسأل المعلومة اللى اوصلتج انه الناظرة قالتج اللى تبى تدفع تدفع واللى ما تبى كيفها اولا ما قالت الناظرة هالكلام وحتى لو افترضنا قايله احنا اتفقنا انه الاساسيات من الناظرة وما تلزم ابله تحط من فلوسها وهذا اللى أكدت عليه بكل ردودى ومثل ما قالت اختى كريستال ترتيب الفصل وتنظيم بيئته دور المعلمة يعنى حتى بترتيب الاركان بتقولين خلى الادارة تدفع علب الفنية والعلوم اكيد مو منطقية السالفه وين دور الابله بالسنع والترتيب وهذا كان ردى الابله السنعه ترتب فصلها وبس
وعلشان احسم هالموضوع اللى خذا اكبر من حجمه بالقال والقيل حبيت اقول هذا عمل والعمل عباده واكيد الهدف الاول والاخير نرضى رب العالمين ونوصل رساله للطفل مو نتهم بعض بشى عار عن الصحة وعموما بروضتنا كل ابله حبيبة الناظرة . بأدبها واخلاقها وانجازاتها وجزاك الله خير

 

[umhamad2009]

لحضة منووكيلتهم رقية ميرزا وع

 

[umhamad2009]

امصيبة هاالناضرات مادري وين ودون هالفلوس كلة بذمتهم يوم كانت عندنا وكيلتهم طلعت عيونا كانت مشرفة عندنا اللة لايسامحها ان شاء اللة للحين ماحد يذكرها بالزين والكل يتحسب عليها