بطاقه الماستر كارد لها دخل بالقروض ؟ ساعدوني قبل لا أتورط

[مـــــــذهـلـة]

مرحبا

شلونكم ؟

طبعا لبنك التجاري مسوي. عرض للاعانه

المهم توني اليوم استلم البطاقه ومكتوب علي الأوراق

خدمه ستارلنك المميز القرض الفوري

أحصل على 50 % من المعاش باستخدام أجهزة السحب الآلي ونقاط البيع

 

[منانا]

اول شي زين انج سالتي قبل لا تتورطين

لا ن خدمات البنوك الائتمانيه كلها تورييطات حق الي مو مستوعبين طريقتهم


انا الي اعرفه فيه فرق بين خدمات الطلبة والخدمات الائتمانيه الثانيه لباقي العملاء


اذا الخدمة هذي : انج مثلا تاخذين 50 دينار من اعانتج الي قيمتها 100 دينار ويسحبونها اول ما تنزل بدون لا ياخذوون فايدة او رسووم ممتاز

او اذا كانت بدون فوايد بس رسوم سنويه مثلا هم معقول اذا كنتي تحتاجين مبلغ باوقات معينه قبل لا تنزل ومتوهقه


بس اي شي في فايدة راح تتوهقين لان اذا ما سددتي تتراكم الفايدة شهريببا

مثلا اذا خذوا منج دينار وايطالبونج دينار .. بعد شهر اذا ما سددتي الدينار ياخذون منج دينار الفايدة القديمة + الفايدة اليديدة + الدينار الي يطالبونج


مثال بسيط للتوضيح لاني متاكده وايد ناس مو عارفين الفايدة التراكميه هذي ويسغربون ليش ما يتسدد المبلغ


الله يوفقج

 

[نور كوليكشن]

لالالالالالالالالالالالا للفيزا والماستر كارد
عيشي على قد فلوسج وبس
ترى يبهدلونج بعدين
تعيشين طول عمرج بالدين

 

[مـــــــذهـلـة]

أنا ماني قادره استوعب إلي قلتيه عدل

يعني قصدج يقصون من الأعانه 50 ويمشيلي بس 50 ؟

وإذا مثلا احتجت فلوس أصرف كثر مابي حتى لو ماعندي ويتسجل المبلغ وفوق فأيده زياده


أحس السالفة كلها مالها داعي يعني من الحمار إلي بيرضى بهالسالفه ؟

يعني.قاصدين يستغلوني ولا شسالفه ؟

صج ارتفع ضغطي أنا شدخلني بالقروض وهالسووالف توني مابديت حياتي وناوين يعدموني


أنا بدق عالبنك الصبح وبشوف شسالفتهم

حسبي الله عليهم لو ماقالت لي أختي ان فيها قروض كان رحت فيها

ورحت على عماي وقدمت عالاعانه وبعدها مستحيل أغير البنك

ولا قاصين علي قائلين بنعطين 50 دينار زياده أول ماتنزل الأعانه طلع مو لوجه الله

 

[kaboOOOOOOOOsa]

طبعا لان بتستانسي اول شهر بس واول ما تنزلج الاعانه بقصونها وهذي الحاله كل شهر يعني ما يحوشج الا عوار الراس والضغط
يبا انا كنت اشتغل بالبنك والله كله نصب بنصب ماكو على بيت التمويل وبوبيان
لاتقولين اني معقده بس لاني كنت اشوف وايد يكسرون خاطري بالبنك واحنا موظفين لازم نقنعكم ولا بحنون على روسنا وتنخسف تقاييمنا
وانتي كيفج

بس السؤال اللي لازم تسالينه حق اي احد وراح اتسكرين عليهم النصب


انتو شنو تستفيدون اهني بتعرفين اللي لج ولي عليج

ولا احد اقول خدمه اضافيه بنخسر فيها عشان عيون العملا
اتمنى فهمتي

 

[مـــــــذهـلـة]

مافهمت كلامج عدل ؟

بس أنا دقيت غالبنك وقالولي عادي ينزل الأعانه كامله يعني شنو يقصون علي ؟

وبيت التمويل مأودي فيه أنا بفتح حساب بالوطني