بطلع من شقتي وابي خبراتكم مع المؤجرين

[*فدك*]

قوه بناات


مثل ما قريتوا بالعنوان بنقل من شقتي وبلغنا المؤجر انه خلال 15 يوم ان شاء الله ننقل يعني نص شهر

بس اهو يبي اجار شهر كامل هل من حقه ياخذ اجار شهر كامل

ويقول اذا قبل نهايه الشهر حصل مؤجر بديل لشقتنا يرد لنا اجار نص الشهر :eh_s(10):

مادري :gr4uu: مو مصدقه

اول شقه لنا واول طلعه وانا وريلي مو عارفين بصراحه شنو الي لنا وشنو الي علينا


شرايكم..ساعدوني بخبراتكم شنو مطلوب علينا وشنو من حقنا

 

[أم سيف وسلطان]

ما عندي فكرة

بس اعتقد كل المؤجرين ييسوون هاذي الحركات

 

[الهبه88]

اذا دافعين له مقدم ماله شئ

 

[شيــوخه]

والله سالت ريلي كونه عسكري وله خبره بهلمور هذي وايد بدوامه

يقول يدفع له نص الاجاااااار وتطلعون على طووووول

واذا قال لكم الي اماجرين عنده لازم تدفعون الاجار كامل يقول اقرب مخفر يسوي اثبات حاله

انه انتو طلعتو من الشقه بتاريخ الفلاني وراعي البيت يبي اجار كامل وماله حق يطالب فييه اصلن

وبعدين هو شنو عالم الغيب يقول لكم اذا لقيت مؤاجر ثاني لين اخر الشهر ارد لكم نص الاجار هذا ابياخذ الاجار كامل من عندكم بعدين يقول مالكم شي عندي
وانتو نقلتووو وراح تفلسون من الاجار عطوه نص وتوكلو على الله مااخذ اجااره المخفر امبطل له ولشكاله ايل يطالبون بفلوس مالهم حق فييييه

 

[*فدك*]

:eh_s(10): كلامكم مقنع مشكووورين حبيباتي عالمساعده وانا بلغت ريلي وان شاء الله بيتصرف وشكله جذي يا نفع النص ونطلع او يقول اذا حنج وقال الا كل الشهر يقول نقعد لي اخر يووووم على راحتنا ننقل

الله كريم ويسهل ان شاء الله

 

[أم سلوم الحلو]

الله يعينكم ويعينا احنا بنطلع بعد لان بيرفع الاجار ومو لاقين شقه

 

[*فدك*]

الله يسهل عليكم وتلقون شقه زينه يارب

صج دواره الشقق متعبه

 

[*beathana*]

لا طبعا وين قاعدين

حرامي هذا دفعوا نص اجار واذا موعاجبه قولوله امش المخفر

هذا اللي ناقص

 

[om al ghaleen]

..,, لاطبعا ياخذ نص الاجار
على اي اساس ياخذ كامل ؟

\\