بطني يعورني عوار الدوره و مو راضيه تنزل علي شسوي؟؟

[chocolate cake]

بنات شلونكم

الشهر اللي طاف جدمت علي الدوره 6 ايام

و هالشهر موعدها بعد 6 ايام

بس الحين احس بأعراض الدوره

و بطني يعورني و حدي متأزمه نفسيا

ابيها تنزل و ارتاح

توني شربت دارسين

مادري بس بسألك ينزل الدوره اذا كان بطني يعورني؟؟

و شنو الاعشاب و الاشياء اللي تنزلها بسرعه ؟؟


بليز ساعدوني :yaaaaaarb:

 

[الحمد لله]

اختي اذا انت متزوجة ديري بالج اخاف تكونين حامل00واذا مومتزوجة احسن شي لك ((المرة )) أنا أحطها مع الشاي والله حبيبتي من أول مرة وادعي لي ان الله يحقق لي اللي في بالي عاجلا غير آجلا000وماتشوفين شر ان شاء الله

 

[chocolate cake]

المره شلون احطها ؟ مثل ما اهيه و الا انقعها اول بماي ؟

و مشكووووووووره وااااااااايد واااااااااااااااااايد

و عسى ربي يحقق لج اللي ببالج عاجلا غير اجلا يااا رب

 

[* حلوه وماكو احلى مني *]

كنت بقولج الدارسيين ما اعرف غيره ,, الله يعينج حبيبتي

 

[سموره 87]

حبيبتي روحي دكتورة نساء وايد احسن اذا انتي متزوجه ديري بالج يمكن حامل

 

[Loyalty]

انا بعد صارلي 3 ايام تعورني بطني وموراضيه تنزل بس سويت طريقتين ونزلت

حطي ماي حار يعني موحار وايد كثر مانتي تتحملين تحت بطنج بشوي مادري شيسمونه الرحم يمكن وانسدحي

وشربي زعتر .. طول مانتي قاعده شربي زعتر صج ترتاحين ..


ولبسي دلاغات ودفي جسمج ..

ولاتشربين شي بارد نهائيا

والله يعطيج العافيه وان شاء الله ترتاحين

بليييز ادعيلي الله ينولي اللي فبالي

 

[الحمد لله]

حبيبتي انا طريقتي اني لما اصب الشاي بالبيالة احط كسرة مرة متوسطة او كسر صغار حسب اللي متوفر عندج يعني بالضبط ملعقة الشاي وأحوسها مع شوية سكر وأخليها شوي تنقع وبعدين اشربها00والله حبيبتي مره ماقدر ارفع ظهري من العواار وشربت دارسين وشربت زنجبيل وغيرهم لما الوالدة -الله يرحمها ويسكنها فسيح جناته- فالت لي شربي المرة ومن اول بيالة الحمد لله شفت العافية0

 

[غربــــة اِحساس]

حطي مع الدارسين فلفل اسود شوية

ودفي نفسج عدل

وساعات تتاخر من التفكير فيها

 

[ريم367]

انا اختك من البحرين سوي حجامه وبترتاحين اسفل الظهر وسلامتك

 

[بسمة خجلِِ]

تمر وفلفل اسود على طول تنزل

 

[غنوة ستايل]

ياقلبي الدارسين مع الزنجبيل اغلي وشربي وااايد مفيد
بس تأكدي اخاف حامل ..
ويوم تجي الدوره دفي عمرج عدل .. وكثري السوائل الساخنه دارسين زنجبيل وان شاء الله تضبط معاااج

 

[chocolate cake]

مشكوووورين بنات ما قصرتوا

الحمدلله انزلت علي امس بالليل و ارتحت

و قاعدع اشرب اشيااااء داااافيه

و مشكورين على النصايح ما قصرتوا

 

[Rahaf!]

رد : بطني يعورني عوار الدوره و مو راضيه تنزل علي شسوي؟؟

ساعدوني عفية بطني ايعورني انا انزلت العادة بس لما الحين ايعورني]