بعثات التطبيقي

[ترف بابا]

واللي شافت الاعلان ياليت لو تحط لنا الرابط او اي جريده قرت - هيلب !

 

[ترف بابا]

اب
اب
اب

 

[zqertya]

اب اب اب اب

 

[كشخة عروس]

ام كشه مشكورة حبيبتي على المعلومات
الحين بنات في جامعات كل سنه في شهر معين ينزلون اعلان على القبول يعني فتره محدوده ..

التطبيقي شكله امطول اخاف يطوفنا التسجيل ؟؟ شنسوي؟؟
و
سفارتنا ماعندهم الا المقاعد محدودة صار لي 5 سنوات انطر هالمقاعد وماحصلت شي راح عمرنا واحنا ننطرهم ..

ليش جذي مايبون الواحد يتعلم ويطور ..؟ مفروض اهم اللي يشجعونا ندرس مو يحطمونا

الحين لو جبت قبول من الجامعه ماينفع؟؟؟

 

[zqertya]

اذا يبتوا قبول جامعه من براا يوافقون بس على حسااابج تدريسين وممكن اذا انزلت بعثات التطبيقي وعندج قبول يدزونج بعثه بره

 

[طالبة1990]

الدراسات العليا بجامعة الكويت تقبل خريجين الاساسية في برامج التربية قسم مناهج فقط

هالشي انا متأكدة منه

 

[كشخة عروس]

اذا يبتوا قبول جامعه من براا يوافقون بس على حسااابج تدريسين وممكن اذا انزلت بعثات التطبيقي وعندج قبول يدزونج بعثه بره

الله يعطيج العافيه متاكده من هالكلام لان القبول مو سهل يبيله توفل وامتحانات ...

تكفين اذا تقدرين تاكدي :yaaaaaarb:

 

[Om_Ksha]

والله كل يوم اتابع الموقع .. اعتقد اخر 4 او 5 ينزل الاعلان ..

وعن جامعه الكويت حطيت كذا خبر من الجريده من فتره نازلينه انه مايقبلون يقولون يقبلون بس وقت الصجيه مايشوفون اوراقهم .. وبنفس الوقت يقبلون من الهيئه بمزاجهم ومعارفهم !!


ننطر بعثه التطبيقي اضمن ’’

اذا فلسنا من كل شي ببحث عن الامر .. اخت طالبه تعرفين وين نسئل عن قبول الجامعه !! واي وقت الواحد يقدم ولا لازم ننطر الاعلان وجذي !!

 

[كشخة عروس]

والله كل يوم اتابع الموقع .. اعتقد اخر 4 او 5 ينزل الاعلان ..

وعن جامعه الكويت حطيت كذا خبر من الجريده من فتره نازلينه انه مايقبلون يقولون يقبلون بس وقت الصجيه مايشوفون اوراقهم .. وبنفس الوقت يقبلون من الهيئه بمزاجهم ومعارفهم !!


ننطر بعثه التطبيقي اضمن ’’

اذا فلسنا من كل شي ببحث عن الامر .. اخت طالبه تعرفين وين نسئل عن قبول الجامعه !! واي وقت الواحد يقدم ولا لازم ننطر الاعلان وجذي !!

ام كشه الله يعافيج اذا في جامعه عندها برنامج خاص مثل mba ادارة اعمال هي الجامعه حكوميه بس اللي هذا البرنامج خاص بفلوس طبعا المبلغ كبير انا مااقدر عليه |لو قدمت واخذت قبول منو يتكفل بالتكلفه المطلوبه التطبيقي او وزارة التعليم العالي طبعا انا من كلية التربيه الاساسية ياريت تجاوبين ياعمري على هذا السؤال بالذات والله يسهلج ظروفج يارب ..

 

[Om_Ksha]

والله ماعندي فكره !!
انتي شنو تخصصج !

 

[كشخة عروس]

تخصصي رياض اطفال بس ودي علشان جذي اخترت ادارة اعمال...

الحين في شي سهل اللي اهوا التزكيه شنو الطريقه اللي نسويها للتزكيه ؟؟

ياريت يابنات يكون فيه تفاعل في الموضوع..

ام كشه حبيبتي اي موقع اللي اتشيكين عليه اتعرفين متى ينزل الاعلان ياريت اتحطي لنا الرابط..

 

[أميرة طفولتي]

بنات بليز اذا نزل اعلان التطبيقي للبعثات الخارجيه
نزلوا موضوع من 2010 وانا انطر اعلانهم

 

[love^angel]

بنات ترى التطبيقي يومهم عن سنه قلتلكم انا مقدمه على اعلان ٢٠١٠ و توهم شهر ١٢ قابلوني المقابله الثانيه الي مع العميد كنا ١٠ بنات الي صفينا حق مقابلة العميد وللحين ماكو خبر شكلهم ما اقتنعو فيني لني ما يبت قبول من الجامعه
شدراني انهم يبون
الدكاتره والعميد كانو زينين بس رئيسة قسم الانجليزي قعدت تبين لهم اني ما انفع لني كل هالمده ما سويت شي
انا شفت سنه مرت ولا احد عبرني قلت خلاص طلعو نتايجهم و خلصو و هم عبالي اذا اقبلوني التطبيقي وقتها اراسل الجامعات ما كنت ادري
شكلهم ما يبون الا بواسطه ما يندرى عنهم

 

[كشخة عروس]

اختي الله يعافيج الحين لو كان معانا القبول يرسلونا على الجامعه اللي اخترناها عادي حتى لو كان غير التخصص
ثاني شي قولي لنا شلون صارت الاجراءات وشنو سويتي علشان انقبلتي ؟؟كل شي اذا مافيها كلافه :yaaaaaarb:

ومتى التقديم عندهم؟؟؟

وليش جذي طواله السالفه عندهم ؟؟

 

[كشخة عروس]

ماندري انحاتي الجامعات وشروطهم التعجيزيه والا التطبيقي اللي يومهم بسنه:eh_s(11):

 

[Om_Ksha]

لوف انجل انا عبالي اهم يدزون من كيفهم الجامعه اللي يبونها !

انزين يريت تقوليلنا شنو سوو معاج ،، في امتحان معين توفل ،، شي ،، بالمقابله شنو سألوج ومعدلج انتي وال ١٠ بنات عاليه ولا عادي ،، وماتدرين باجي البنات شنو سوو ماتابعتي وياهم ،، ولا بس تنطرينهم يدقون ،،

يوم قابلوج قالو موافقين عليج استعدي للسفر او قالولج دوري جامعه ماعلموج شتسوين بعدها



كشخه عروس موقع الهيئه العامه للتعليم التطبيقي والتدريب ،، كتبي بقوقل اعلان بعثات التطبيقي ٢٠١٢ ينزلج الاعلان القديم ،، مانزلو شي الحين

 

[Om_Ksha]

وصج لوف انجل اهما يحددون دوله معينه ولا انتي تختارين اي جامعه بأي ديره تبينها ! واكيد اهما لهم جامعات معينه يتعاملون وياها مو علا كيفنا اي جامعه ،،


كشخه عروس انشالله ان شبكت من الاب احط الرابط

 

[love^angel]

بقولكم كل شي من الاول

طبعا قدمت عالاعلان ووديت كل الاوراق المطلوبه شهر ٥ نزل الاعلان
دقو شهر ١٢ قالو عندج مقابله مع القسم العلمي انا تخصصي انجليزي سويت مقابله مع رئيسة القسم و لجنه من ٤ دكاتره يسألونج اسأله بالتخصص واسأله عامه عنج ويعطونج امتحان تحلينه ب٢٠ دقيقه


اذا مشى وضعج بهالمقابله راح تكون لج مقابله ثانيه مع لجنة البعثات وعميد الكليه هالمقابله سويتها عقب سنه بالضبط وكنت ناسيه الموضوع وعبالي خلاص طلعو نتايجهم
المهم قابلوني لجنة البعثات وبالمقابله اقعدو يلوموني ليش ما راسلتي جامعات و يبتي قبول كنتي مستقيله شتسوين عيل ما سويتي شي
اهمه يتعاملون مع جامعات معينه بس مادري ليش يبون القبول انتي تسوينه وانتي ماتدرين يتنقبلين بالبعثه ولا لأ .. هذا الي بط جبدي عبالي اذا اقبلوج تراسلين الجامعات ليش اراسلهم وانا مو ضامنه قبول التطبيقي

المهم احنا كنا بالمقابله الاولى وايد يمكن ٣٠ وحده بس بمقابلة العميد كنا ١٠ وانا اول وحده فمادري عن باجي البنات ما شفتهم
انا معدلي ٣،٦٣ والتخصص ٣،٤٠ مادري عن باجي المعدلات
والمقابلات طبعا كلها بالانجليزي مادري عشانتخصصي ولا اهمه جذي دام الدراسه بره
بالنسبه للتوفل يفضل يكون معاج احسن .. انا انتهت صلاحيته لنه حضرتهم وايد طولو علي
طبعا للحين ماكو خبر مادري اهمه جذي يطولون ولا النتايج اطلعت الله اعلم

 

[love^angel]

بالنسبه للتخصصات اهمه بالاعلان ينزلون التخصصات الي محتاجتها كل كليه

 

[Om_Ksha]

بعد قلبي ماقصرتي على توضيح كل شي لو انا منج اقولهم انه مارديتو علي خبر غير هذا ماقلتولي راسلي الجامعات !!

انا تخصصي رياض اطفال فمادري شسون بالمقابله شنو يسألون لازم ادرس قبل لا اروح يعني !! والتوفل من وين اخذه ،، دام فاضيه خل اخذه الحين ،،
وماكو هالهيئه ضيعونا اخاف ماشوف الاعلان وتروح علينا ،،
الله يكتب لنا لللي فيه الخير ،،،


بس الاخت لوف انجل ماقالولج بندزج بره عادي ولا لا ماقالو في دول معينه لازم تروحيلها ،، واذا متزوجه زوجج معاج وعليهم اللغه لمده سنه واذا بيدرس بحسابه !