بعد الدكتوره عبير بفحص ولدي بمستشفى ابن سينا >> فيدوني يا الغاليات

[زيـــنــه]

الســـلام عـلـيــــــكـم :eh_s(17):

يا الحبيبات انا ولدي راجعت فيه عند د.عبير العوض وقالت لي انه ما فيه توحد
بس طلع فيه حساسية كازين (الحليب ومشتقاته)
و قالت لي انه يأثر على المخ طول ماهو يشرب الحليب

كتبت لي حميه عن جميييييع مشتقات الحليب وفيتامينات تعوض هذا النقص

وبس!!

الحين صارلي 6 شهور من بديت الحميه والفيتامينات بس للأسف ماكو تحسن
نفس العصبيه والبجي المتواصل ومايحب المكان الغريب كـــــــلــــش وعدم تركيـــــز
وانفعالات فجأه..

الحمدلله على كل حال

الحين فكرت اشخصه بالخارج اعالجه
بس قبلها لازم اشوفه بيولوجيا يعني طبيا بشوف راسه..مخه.. هل أثر عليه هالحليب ؟
وهل اعصاب مخه فيها شي؟
يعني ابي اشعه او تخطيط >> اي شي بس ابي تشخيص طبي من الكويت

وقالولي روحي ابن سينا هو متخصص بالمخ والاعصاب

بغيت رايكم وخبرتكم هل اهو المكان الصحيح والا لأ؟

انا اللي علي سويته من ناحية الطب التطوري خلصت منه
ابي مكان وتشخيص طبي لمخه واراسه هل فيه شي طبيا؟؟

ويييييييييين اروح ساعدوني الله يعافيكم
سامحوني طولت عليكم
بس والله من اللي بقلبي

والله يجزاها خير واللي ترد علي
وينولها اللي تتمنى يارب

 

[الصابرة المحتسبة]

وعليكم السلام

وياهلا وغلا فيج يالغالية

ويعل ربي يقر عينج بوليدج

مستشفى ابن سينا هو المكان الصحيح وعندج دكاترة من أفضل الدكاترة منهم الدكتور طارق للأطفال(جراحة وأعصاب).

وتفضلي هالموضوع تستفيدين من خبرة الخوات.

- - هل لديكم طفل يعاني من التوحد- خلونا نتجمع (http://www.q8yat.net/showthread.php?t=159310)

- - خاص بأطفال التوحد (http://www.q8yat.net/showthread.php?t=167504)

 

[ام رحيم]

السلام عليكم
للاطمانان علي صحة بنتج اخذي موعد للاشعه
انا الاسبوع الي فات خلصة من الاشعه والقسطره للمخ حق ولدي حمودي عند د/محمد اسماعيل ومراجعة عيادة المستشفي عند د/حسام للمخ والاعصاب والحمد لله علي كل حال طلع عنده عيب خلقي بالاورده بالمخ بس ماراح يتدخلون فيها بس متابعه دوريه كل3اشهر
وابي افيدج اكثر اذا تبين دكتور خاص يقولج شنوتسوين في دكتور مخ واعصاب اسمه د/ سهيل الشمري روحي له عياده خاصه
سوي بحث بقوقل واخذي عنوانه وتلفونه واستفسري عنه والله رحت بس ناسيه العنوان والتلفون[/siz
وسلامتجe]

 

[زيـــنــه]

رد : رد: بعد الدكتوره عبير بفحص ولدي بمستشفى ابن سينا >> فيدوني يا الغاليات

وعليكم السلام

وياهلا وغلا فيج يالغالية

ويعل ربي يقر عينج بوليدج

مستشفى ابن سينا هو المكان الصحيح وعندج دكاترة من أفضل الدكاترة منهم الدكتور طارق للأطفال(جراحة وأعصاب).

وتفضلي هالموضوع تستفيدين من خبرة الخوات.

- - هل لديكم طفل يعاني من التوحد- خلونا نتجمع (http://www.q8yat.net/showthread.php?t=159310)

- - خاص بأطفال التوحد (http://www.q8yat.net/showthread.php?t=167504)

جزاج الله خير ماقصرتي
ان شاء الله من باجر ببدا اراجع والله كريم يسهل لي

 

[زيـــنــه]

رد : رد: بعد الدكتوره عبير بفحص ولدي بمستشفى ابن سينا >> فيدوني يا الغاليات

السلام عليكم
للاطمانان علي صحة بنتج اخذي موعد للاشعه
انا الاسبوع الي فات خلصة من الاشعه والقسطره للمخ حق ولدي حمودي عند د/محمد اسماعيل ومراجعة عيادة المستشفي عند د/حسام للمخ والاعصاب والحمد لله علي كل حال طلع عنده عيب خلقي بالاورده بالمخ بس ماراح يتدخلون فيها بس متابعه دوريه كل3اشهر
وابي افيدج اكثر اذا تبين دكتور خاص يقولج شنوتسوين في دكتور مخ واعصاب اسمه د/ سهيل الشمري روحي له عياده خاصه
سوي بحث بقوقل واخذي عنوانه وتلفونه واستفسري عنه والله رحت بس ناسيه العنوان والتلفون[/siz
وسلامتجe]

مشكوره حبيبتي

بس بغيت اسألج بأي مستشفى هذولا الدكاتره؟
وشنو سوو بولدج عشان يفحصون مخه والاعصاب؟؟ >> أشعه أو تحليل دم أو شنو؟؟

لأن ولدي صعب يسوي هالشغلات اعرفه عمره 3 سنين بس عنيد وعصبي ما يخلي احد يشوفه

 

[ورود خذلتها العاصفه]

الله يشااافيه لجويصبر قلوبكم ويقويها وباذن الله انكم قدهااا

 

[زيـــنــه]

رد : رد: بعد الدكتوره عبير بفحص ولدي بمستشفى ابن سينا >> فيدوني يا الغاليات

الله يشااافيه لجويصبر قلوبكم ويقويها وباذن الله انكم قدهااا

الله يتقبل منج دعوتج
جزاج الله عننا ألف خير

 

[ام رحيم]

يا هلا اختي زينه
اسفه تاخرت عليج بس انا حاضره باي استفسار وهذا شرح كامل:
وانا ولدي حمودي صعب حيل لان عنده اعاقه ذهنيه بسيطه وعنيد ما يحب اسدحه بسرير المستشفي بس الحمد لله سوو له اشعه مقطعيه بالصبغه طبعا( بنج )كامل ولانه فيه حساسيه بالصدر (ربوا)يعطونه كروتوزون قبل3ايام ياخذه
وللعلم اشعة المقطعيه مرتين يسويها وبعدها مابين واضح الاورده فسوو له قسطره وكلها بنج كامل الاشعه والقسطره وهذا في ممستشفي ابن سينا[/FONT
بس لا تتركين ولدج لهم دايمن اسالي وناقشي ونبهي الدكاتره واذا في حساسيه بالصدر ياخذ علاج لان البنج والصبفه لازم مايكون يكح
والصبغه هذي ابره يطقونها تاخذ لون تبين الشرايين والاورده وهذا الي اعرفه
]

 

[ام رحيم]

وبالنسبه للاشعه المقطعيه الي اعرفه حق الكبار بدون بنج لان الصغار صعب ما يتحركون لان ما يبونه وقت الاشعه ما يتحرك ولا حتي يرمش فصعب علي الصغار واناولدي صعب حمودي وعمره8سنوات

 

[زيـــنــه]

رد : رد: بعد الدكتوره عبير بفحص ولدي بمستشفى ابن سينا >> فيدوني يا الغاليات

يا هلا اختي زينه
اسفه تاخرت عليج بس انا حاضره باي استفسار وهذا شرح كامل:
وانا ولدي حمودي صعب حيل لان عنده اعاقه ذهنيه بسيطه وعنيد ما يحب اسدحه بسرير المستشفي بس الحمد لله سوو له اشعه مقطعيه بالصبغه طبعا( بنج )كامل ولانه فيه حساسيه بالصدر (ربوا)يعطونه كروتوزون قبل3ايام ياخذه
وللعلم اشعة المقطعيه مرتين يسويها وبعدها مابين واضح الاورده فسوو له قسطره وكلها بنج كامل الاشعه والقسطره وهذا في ممستشفي ابن سينا[/font
بس لا تتركين ولدج لهم دايمن اسالي وناقشي ونبهي الدكاتره واذا في حساسيه بالصدر ياخذ علاج لان البنج والصبفه لازم مايكون يكح
والصبغه هذي ابره يطقونها تاخذ لون تبين الشرايين والاورده وهذا الي اعرفه
]

الله يشافي لنا عيالنا

جزاج الله خير ومشكوره