بعد النفاس صار معاكم جذي ؟؟؟

[شقره قمر]

السلام عليكم ..

شلونكم خواتي ؟؟


الله يعافيكم بغيت اسال بعد طلعتي من النفاس
تنزل علي افرازات صفره !! ومرات شفافه !!
ليش ؟؟؟ وهالشي طبيعي ؟؟؟ بصراحه انا متضايقه من نفسي !! لأن ما كنت جذي قبل الحمل والولاده
اكتشفت هالشي لاني احط الفوط اليوميه فبين معاي هالافراز !!
والحين صارلي تقريبا 26 يوم وانا على هالحال .. واستحي اروح للطبيب واشرح لهم مادري شقول ؟؟
ممكن تساعدوني وتقولون لي شالحل ؟؟

 

[در الـبحـور]

السلام عليكم و رحمة الله و بركاته

أولا مبروك ما جاج و طالعة من الشر بعد عمري

بالنسبة للإفرازات طبيعي المرة تنزل عليها إفرازات بس الفرق في كميتها و لونها و ريحتها عرفتي ...

يعني حبيبتي إذا وايد و فيها ريحة معناته التهابات لا تسكتين على عمرج الله يهداج شنو تستحين

إلا المناطق الحساسة الواحد يداريها على طول روحي طبيبة نسا شاطرة تسويلج فحص و ما تشوفين شر حبيبتي

عادي لا تحاتين بتحاميل و غسول بإذن الله الإلتهابات تروح بس راجعي طبيبتج النسا أحسن و موفقة حبوبة

 

[آهات الليل]

رد : بعد النفاس صار معاكم جذي ؟؟؟

ديري بالج الافرازات تخليج وسيعه
حطي تحاميل البيتادين او البوثيل وهالله هالله يادوية النفاس واكل نفاس دام لج 26يوم
لان معروف اللي ماتنفست عدل تنزل عليها افرازات وتصير مرطبه من تحت وهالشي يخليها وسيييعه
انتي يبيلج بطل ماي حطيلج في مره وملح خشن كل مادشيتي الحمام غسلي فيه من تحت
وحاليا حطي تحاميل البيتادين او البوثيل من تحت ينشفون شوي وينظفون واذا نشفزج بتتضيجين ان شاللهولاتمشين حافيه عالسراميك ودفي نفسج عدل دلاغات سروال طويل اكل نفاس ادوية نفاس وبس
ايهمعانا بالمنتدى خبيرة اعشاب وغنوه ستايل استفسري منهم عن حالتج
دعواتج لي بالولد الصالح

 

[temari77]

رد : بعد النفاس صار معاكم جذي ؟؟؟

شربي ماي واااااااااااااااااااايد

 

[temari77]

رد : بعد النفاس صار معاكم جذي ؟؟؟

اب لعيونج

 

[شقره قمر]

رد : بعد النفاس صار معاكم جذي ؟؟؟

لا ما فهمتو قصدي !!
انا طالعه من الاربعين صارلي 26
والافرازات مو وايد يعني باليوم تنزل مره او مرتين !!
ولونها اصفر مثل ما ذكرت
وماالها ريحه !

 

[سموره 87]

رد: رد : بعد النفاس صار معاكم جذي ؟؟؟

راجعي طبيب احسن يمكن فيج التهابات