بعد عشره عمر هذا مصيري

[للصبر اخر]

السلام عليكم

بنات انا صارلي 12 سنه متزوجه تحملت مصاعب وايد بحياتي مع ريلي وعيالي وسكتت وايد وايد على مشاكل صارت بيني وبين ريلي وقلت مااطلع من بيتي واخلي بنات الحرام ياخذون مكاني
بس ريلي للاسف طلع مو كفو كلش وقام يتمادى بسوالفه صار يكلم يمي ومايرجع البيت الا الصبح
ومايبيني اسأله وين رايح وفعلا ماقمت اسآله وتفننت بجميع الاغرائات من سوالف وكلام حلو بس ماكوووو فايده احسه يتعمد يقهرني
اخر الايام حسيت اني مجرد مزهريه بالبيت يسكرها وقت مابغى ينام ويفتحها وقت ماصحى !!!!

خل اقولكم شسويت وابيكم تقولون لي منو الغلطان ؟
الاسبوع اللي طاف قفلت باب الشقه لاني بنام وقلت بنتبه متى يرجع وخليت المفتاح على الباب ولما بغى يدخل ماقدر يحط المفتاح رفسه بريوله ودش علي متهجم قالي مو انا تقفلين علي الباب وقعد يطقني طقني طق :eh_s(2)::eh_s(2)::eh_s(2)::eh_s(2): والله الحين صارلي اسبوع وجسمي يعورني كله انا مااتذكر شصار بالضبط لاني هسترت بعدها لبست عبايبي ولفتي وكنت بطلع ولايدزني وقالي يلا روحي لآبوج بشوف شبتسوون وانتي وابوج تحت نعالي وراح ادووسج والله ادوسج ركبت السياره الساعه خمس الصبح ولاينزلني وقالي روحي مشي
ورحت مشي لي نص الطريج بعدها وقفني الهندي ووصلني بيت اهلي والحين صارلي 8 ايام ولاسأل ولادق عيالي خليتهم عنده وبنفس اليوم اخوي خذا بنتي الصغيره ويابها عندي لانها رضيعه بس باجي عيالي كبار لي الحين عنده وقلبي متقطع ابيهم نفسيتهم زفت والله انا سويت تقرير طبي عن حالتي لما ابوي راح المخفر قالوا اقل شي ينحكم عليه 3 سنوات سجن بس انا ماابي اسجنه ولاابي منه شي غير عيالي شلون اخذهم عفيه بنات ساعدوني وابوي رافض اخذهم يقول خليهم علشان يعرف قيمتج بس ماابي عيالي يكونون الضحيه
انا عفته والله عفته علما انه يحب وحده صارله 3 سنوات واهو متعلق فيها يعني عايفني بس الظاهر ينطرني اقوله طلقني علشان يصير خلع ومااخذ حقوقي
حسبي الله ونعم الوكيل
مابين بعيونه ولاشي

 

[ام فواازي]

أظن دام عندج تقرير وانتي عايفته تقدرين تلعنين جدفه هالجلب اخذي عيالج وارفعي عليه قضايا خل يعض اصابعه ندم والقانون معاج بتاخذين نص معاشه و سكن وخادمه و سائق وحضانه عيالج هذا اذا انتي بايعته مووول ماتبينه وخل يدورله مره تتحمله او ياخذ اللي يكلمها الطيور على اشكالها تقع وهذيج بيجيها يوم وتشوفين حوبتج فيها ان طال الزمن ولا قصر
اما اذا ماتبين طلاق صبري في بيت اهلج والله كريم

 

[سكارلت]

أظن دام عندج تقرير وانتي عايفته تقدرين تلعنين جدفه هالجلب اخذي عيالج وارفعي عليه قضايا خل يعض اصابعه ندم والقانون معاج بتاخذين نص معاشه و سكن وخادمه و سائق وحضانه عيالج هذا اذا انتي بايعته مووول ماتبينه وخل يدورله مره تتحمله او ياخذ اللي يكلمها الطيور على اشكالها تقع وهذيج بيجيها يوم وتشوفين حوبتج فيها ان طال الزمن ولا قصر
اما اذا ماتبين طلاق صبري في بيت اهلج والله كريم

مثل ماقالت لج ام فوازي
العني جدفه :rerrerek:<<<<<<<آآآه كم أعشق هذة العبارة

 

[q8dvd2000]

لا حول ولا قوة الا بالله
شقوولج يا اختي شي يحز بالخاطر
هالرياييييييل يانين وقاعدين
بس الحمدلله انج عفتيه وماتحبينه
خلاص خل يولي لي متى الواحد يصبر ويطوف
امساك بمعروف او تسريح باحسان

 

[غير كل الناس]

يعني شنو استفدتي من قفله الباب

انطقيتي وتبهدلتي ورديتي لاهلج وعيالج بروحهم مساكين بالعربي عميتي علي عمرج

اسمحيلي علي هالكلام بس صدقيني لمصلحتج

المره تصبر وتسكت انتي كبرتي الموضوع واستفزيتي الرجال وشكيتي لاهلج ومخفر وتقرير وووووووووووو

لا وانا اختج المشاكل تنحل بهدوء ومالج الا ربج يفرجها لاتقولين ابوي ولا اخوي ولا مخفر

انتي ام

علشان هالعيال اللي بروحهم عند ابوهم

تصبرين وتطوفين وتدعين ربج ان الله يهديه لج ولبيته وعياله

هدي الامور ورجعي بيتج حبيبتي​

 

[هذا مزاجي]

الله يعينج ويصبر قلبج والله ماادري شقولج
ماودي اقولج تطلقي اخاف تتبهذلين ويتبهذلون
عيالج اللي مالهم ذنب
وماودي اقولج ارجعي له لانه من جد كلمة حقيير
شويه عليه حسبي الله ع من كان السبب
تحسبي بكل دقيقه وادعي ربج ينصرج ويشرح صدرج
والله يحفظج ويحفظ لج عيالج
بس صراحه الموضوع عور قلبي ماادري هالرجال شصارلهم!!

 

[a7la_7b]

حسبي الله ونعم الوكيل فيه وباللي يحبها اذا كانت تدري انه متزوج وعنده عيال وخربت حياتج
اهم شي عيالج اخذيهم وهو اذا كانت هاذي سوالفه ماعليه حسافه

 

[ربي سبحانك]

الله يعينج ويهون عليج

 

[ام كوثر2007]

انا مع كلام اختي غير كل الناس

الوحده تصبر هذى 12 سنه من عمرج اشبتسوين يعني لا تطلقتي الحين . بتزوجين مثلا وانتي عندج يهال محتاجينج ومحتاجينه بنفس الوقت ؟

لا تقوليلي ما يتحمل المسؤوليه مو مشكله كلها فتره ويطخ لي متي بيظل هذي حالته اكيد بيتغير سبحان اللى يغير ولا يتغير


انا اقول ردي بيتج وجابلي عيالج لانهم مالهم ذنب انه هذا ابوهم


خليج لهم الابو والام وخليهم يربون بينكم حتي لو بالاسم .

خليه علي راحته لين يزهق ويمل وين بيولي يعني مرده لج ولعيالج وقد ما تتحملين وتصبرين ربي بيعطيج ويرزقج علي قد الصبر والنيه الزينه


حبيبتي عشان عيالج مو عشااانه ياما حريم تحملوا وعاشوا وماتوا وهم صابرين علي الهم والضيم


صبري يا قلبي الصبر الصبر الصبر مفتاح الفرج . ربي ما راح ينسااج ومال شغل باللى يقولج رفعي قضيه واخذى عيالج زمنا يخرع يا عمري ما راح تقدرين علي اليهال وتربيتهم الحين اهما صغار وقادره تشكمين وتحكمين فيهم بس بعد جم سنه لا صاروا بسن المراهقه يحتاجون ريال يخافون منه

ولا راح ينفعج لا ابوج ولا اخوج عسى الله يخليهم لج لكن محد دايم لج غير بيتج وعيالج قعدي ببيتج وتفرغي لتربيه عيالج ووخري عن المشاكل معاه ولا تتهاوشين معاه واللى سويتيه انتي غلط انج قفلتي الباب ادري انج محتره لكن مو بالطريقه هذى ما تسوا اللى صار هذا كله..

رديله بس بالاسم وقطي كل علاقه جنسيه فيه سوي واجباتج له جدام الله بس عشان ما اتحاسبين وصدقيني ربج ما راح ينسااج بيعدله ويسنعه لج ويعطيج علي قد صبرج ..

ما تشوفين شر وربج بيعدلها اكيد

طمنينا عليج .​

 

[اللؤلؤ المتناثر]

ياحياتي والله عورتي قلبي
يس عيالج مالهم ذنب أخذيهم عندج حرام محد بيقفدج إلا أهمه لاتخلينهم عند النذل

​

 

[Mrs.Q]

حبيبتي اللي ايده بالنار مو نفس اللي ايده بالماي والبنات اللي يقولولج صبري يمكن ماشافوا اللي شفتيه وفي وايد بنات يقولون صبروا عالفاضي
حبيبتي الطلاق حق من حقوقج وانا استغرب من بنات قروا قصتج ويدرون ان ريلج طاقج ويقولون صبري
نعم ليش تصبر شنو تستفيد ان صبرت عيالها باذن الله بيكونون بيدج وهذاك اللي مايستحي سجنيه وسجني ابوت انتي من صجج ماتبين تسجنينه
انا مادري شلون تدرين انه حب وحدة وساكتة وماتبين تسجنينه حبيبتي هذي سنين عمرج اللي راحت منو يعوضها اقل شي لادريتي انه بالسجن بتبرد جبدج
وبالنسبة حق عيالج الكل يدري ان القانون معاج حبيبتي وتلاقين ريلج اصلا يبي الفكة منهم
حبيبتي انا بعيني شفت حريم يصبرون اللي صبرت ٤٠ سنة واللي ٢٥ صدقبني ولاااا وخدة فيهم استفادت شي والرياييل مايبين بعينهم شي لايكون عبالج بيتندم ويقول حرام مرتي زينة وصبرت علي ويردلج لا حبيبتي هذول الحريم اللي صبروا اللي قتلج عنهم الاولى رحمة الله عليها ماتت بالمستشفى والثانية خذا عليها خدامتها وعيالها مايصرف عليهم
هالنمونة الودرة من الرياييل ماااايتغيرون انتي شلج بالضيم
اهن شي الحين تضغطين على ابوج قوليله عيالي امانة برقبتي مابي احد يحس بقيمتي خلاص اصلا هالسالفة خالصة من زمان اهم شي عيالي يكونين يمي وحني على ابوج لان سواء ريلج حس بقيمتج ولا لا راح يكون ابو فاسد حق عيالج اذا انتي قطج بالطريج وماهمه باجر ان خليتي عيالج عنده شيسوي فيهم
اخذيهم وضفيهم وكملي حياتج براحة انا ماقولج الطلاق سهل نفس الكيك بس وربي احسنلج من هالضيم لان لو شنو تصبرون ماراح يتغير ريلج
عسى الله يبرد على قلبج وبردلج عيالج ويفكج من هالودر ويسخرلج ابوج

 

[Melazlaza]

حبيبتي انتي كارهته وعايفته بس عيالج وعياله لي كبروا ماراح يعذرونج وصدقيني انفصال الوالدين يأثر لو شنوووو كان الاب سيء العيال يتأثرون وسؤالي عقب هالسنين والعيال توج تعوفينه؟ بعرف شلون يبتي هالعيال وعشتي كل هالمدة معاه اكيييد مرت عليكم لحظات حلوة اكيييييد لو ثواني اكيد مرت
ما ازكيه ولا ادافع عن تصرفه الغلط وكل كلامج عنه مؤلم وانتي عظيمة انج تحملتيييييه بس عقب كل هالصبر تخربينها؟
سالفتج بالضبط نفس سالفة وحدة اعرفها صبرت عشرين سنة تخيلي وبناتها دشوا الجامعة وعقب فجأة زوجها صار يعشقها تخيلي كان طق وسب واييب رفيجاته بفراشها جدااااامها كانت تروح تصلي وتبجي بتذلل لربها لو تشوفينها الحين الكل حاسدها على حبه لها شي خيالي حتى جنطتها يشيلها عنها ماتيوق سيارتها يقولها انا سايقج وانا خدامتج متخيلة؟؟؟؟
الصبر
الصبر
الصبر
مفتاااااااااااح الفرج
اذا تطلقتي الحين بتتزوجين؟جاوبي بينج وبين نفسج وهل اذا الله رزقج زوج عقب هالعمر بيطلع احسن من هذا؟؟؟

فكري عدل وترى المراة بذوقها بالكلام وانوثتها تغير الريال موووووو بالاغراء الي الكل هاب فيه الريال مايفرق بين بجامة وقميص نوم بس يفرق بين الملسونة والمطيعة

 

[خالف تعرف]

انتي كتبتي مزهريه غصدج ابجوره لان المزهريه ماتتبطل وتتصكر لان فقط يحطون فيها الورد

 

[! بــدويه وآآيــد !]

،

حبيبتي عورتي قلبي
رفعي عليه قضيه ان حتى يهددج بعيالج ويقول بسوي فيهم شي خليه ينحرم منهم للابد وقوليلهم طلعني من البيت الفجر وركبي غلط لاصار ولا استوى وليش ماتبين تسجنينه؟ خايفه تحرمينه من رفيجته ؟ والا خايفه على مشاعره ؟
عيالج لج وماراح يتبهذلون ان شاءالله لانج بتكونين امهم وابوهم وبتستلمين حقوقج كامله والله لايحوجج لاحد
مو قال انتي وابوج تحت نعالي الوصخ ؟ علميه ان ابوج تاج راس راسه وبهذليه ودفعيه الثمن غالي
الله يكون بـ العوون

 

[Ray.Bana =$]

حسبي الله ونعم الوكيل فيه يعل حوبتج ماتعدااااااااااه

الله ياخذ حقج منه انشالله

 

[ام القمرالمطيري]

لاحول ولا قوة الا بالله

انتي من صججج متردده ماتبين الطلاق

ليش ياقلبي متردده عشانه طيب معاج ولا حبوب ولا محترمج

مو تقولين يخونج واشكره قدامج ويعرف وحده من ثلاث سنين وطقج وطردج وفوق هذا خلاج تردين مشي

يعني مايحبج وحياتج معاه جحيم ومالج امل يتغير

ع شنو متمسكه فيه

والله ابووج رجال ودام ابوج معاج وعايش وعندج عيال اشتبين بزوجج اعتبريه ميت

ووكلي محامي وبهذلي زوجج طلعي هالخيانات والمعامله الزفت من عينه

واخذي حقوقج وحق عيالج

واعتبري زوجج مي
دامج واقفه ع رجولج وعندج وظيفه وسياره وبيت اهلج موجود

اترركي زوجج وجيبي عيالج عندج اشدعوه داري عنهم زوجج

باجر يجيب لهم مرت ابو وتظلمهم

وهو ظلمهم لما ماوفر لهم السعاده وانشغل بخرابيطه ماتدرين لو ماثر عليهم ومخربهم بعد

الطلاق بحالتج رحمه

لان ماله داعي تتمسكين بزوج مو داري عنج وجوده مثل عدمه

انقذي كرامتج وابعدي عنه دام وجوده يلعب بنفسيتج للاسوا
انشغلي بعيالج وحياتج بعيد عنه واستانسي

 

[مارشميلو..]

الله يفرجها عليك يااااااارب

 

[Hello_kitty]

حسبي الله ونعم الوكيل فيه وفي كل وحده خذت ريال من مرته ودخلت بينهم

بصراحه لما قريت الردود انصدمت امبيه طق واهانه وحقاره وسب وخيانات وطردها بنص الليل حتى سيارتها خذاها منها

وخلاها تمشي بهالليل لا راعى حق الله فيها ولا حقها كزوجته وام اعياله ولا اي ذره رجوله او شهامه او رحمه فيه

وفوق كل هذا يردون عليج ببرود انتي اللي استفزيتيه صبري وين بتروحين تحملي؟؟؟؟ ليش يعني تتحمل؟؟وين عايشين باي شرع باي دين باي عصر اللي الوحده ترضى تعيش هالعيشه؟؟ شنو مستفيده من هالزواج ديكور جدام الناس مثلا؟؟

الطلاق ربي شرعه رحمه حق هالحالات اللي يصير فيها ضرر وظلم الله ما يرضى فيه والعيال مو حجه

هذا مو بيت ولا بيئه صحيه يعيشون فيها ابو مستهتر ظالم وام منكسره حزينه ومشاكل وهواش وخيانات شنو النفسيه ولا حالتهم اللي بيكونون فيها؟؟

وهذي النوعيه من الردود والعقليات للأسف اهي اللي تشجع على وجود هالنوعيه من الرياييل وتخليها تتمادى اللي تحسسهم ان حياتهم
متوقفه عليه وراضيه تصيرله مداس ومهانه بس ما يطلقها اهو يخون ويطق ويسب واهي تسوي ليالي حمرا وصفرا وبعدين
يقولون الريال ما يبين بعينه؟؟والله لو شنو تسوين ما يبين بعينه اذا ما احترمتي نفسج عمره ماراح يحترمج واذا ما حبيتي روحج
اشلون بيحبج؟؟

حبيبتي انتي بنت ناس اهلج الحمدلله معاج ربيتو عندهم عزيزه ما يرضون عليج هالذل والمهانه وريلج هذا واحد بايع لا قدر العشره ولا المعروف بينكم بسج ضعف وبجي وذل على حساب نفسيتج وكرامتج الزم ماعليج روحج باجر لا صارت فيج عاهه ولا انهيار نفسي محد بيفيدج والحمدلله القانون عندنا مع المرأه والله يبهذلونه ويطلعون حقوقج وحقوق اعيالج منه ويدفع غير النفقات اللي تكسر ظهره تعويض عن كل الأضرار اللي سببها لج غير السجن ويوفرلج سكن مستقل لج ولعيالج ومصروف لهم ومعاش خدامه

وتعيشين براحه بلا هم وضغط نفسي وتتفرغين حق نفسج وحق اعيالج وتعيشين مرتاحه البال هذي حياتج وانتي تقررين اذا تبين تعيشينها بسعاده ولا بشقا

 

[للصبر اخر]

بنات 12 سنه موشويه صبرت صبرت صبرت لين الصبر مل مني لي متى انتظر منه يتسنع خلاص كبر
صار الطق عنده عادي كل شوي معطيني طرااااق والله من بعد الطراق اصير عميه ! اموت واحياا ليش يمد ايده مااستاهل انا ام عياله حملت وولدت كرت البنك عنده مااصرف منه الا باستاذان منه تخيلوا
لحد يقولي انتي غبيه وانتي سكتي انا كل اللي كنت ابيه اكسبه
وابي الستر انا وعيالي
وانا انطردت من بيتي والفير يعني شلون ارجع له انا لو زعلت جان زعلت من اول طراق اخذته منه كنت انطق واسكت ومع هذا انا اللي اتسامح منه
ابوي شخصيه كبيره وله مكانته مايرضى اني اتبهذل بالطريقه هذي
وابوي سوا التقرير علشان بعدين ولا مارضيت اشتكي عليه
احترما للعشره اللي بيني وبينه ولااانا كرهته وماابيه اصلا مجرد مااسمع عنه تحوشني لوعه

اخاف ارجع له باجر يدفني وانا فيني روح

 

[للصبر اخر]

تسلمون بنات اللي ردووا
عفيه ادعوو لي محتاجه دعواتكم