بعد عمليه ترجيع الاجنه شنو الادويه الي تاخذونها؟؟

[دخون المساء]

مبارك عليكم الشهر.ابي كل الي سووا عمليه طفل الانابيب يشاركون وابيهم يجاوبون على اسألتي.انا سويت مرتين عمليه طفل الانبوب والحمدلله الله ماكتب اني احمل.بس انا بحثت في الانترنت وشفت انهم ياخذون تحاميل وحبوب مثبته وحبوب لبطانه الرحم وفوليك اسيد واسبرين اطفال؟؟؟ ليش اسبرين اطفال
انا ماكتبلي الدكتور عليها؟؟؟؟مادري ليش ؟؟؟؟؟؟؟؟؟ابي اعرف انتو شكتبلكم الدكتور وشقالكم اتسوون بعد ترجيع الاجنه.بس عشان اقارن بينكم وبيني يمكن اعرف السبب

 

[انا كويتية]

والله نسيت الدوية مثبت اللي كنت اخذها بس جنه ديفستون بس بغيت احذرج لاتشربين جاي ولا قهوة ولاتاكلين كاكاو ولا تاخذين بندول لأنها كلها اشياء محرضة للرحم

 

[ام يوسف القمر]

لازم بيبي اسبرين علشان مايتجلط الدم الي يغذي البيبي ان شالله
ومثبت وان شالله الله يثبتة من غير شي
وفولك اسد والله يارب يرزقج ويثبت ويقر عينج ان شالله

 

[@@@ام حمووودي@@@]

كنت آخذ بيبي اسبرين وفولك اسيد وومثبت دوفستون وتحاميل تثبيت ولله الحمد .........

 

[دخون المساء]

انزين جم مرة باليوم تاخذون بيبي اسبرين. وانا سامعه ان الاسبرين يمنع جسمج انه يطرد اي جسم غريب يعني عشان المناعه..مادري اذا صحيح هلكلام ولا لأ

 

[كويتيه مذهله 87]

الله يرزقج يارب

للرفع
وينكم بنات

 

[ام يوسف القمر]

مرة باليوم بيبي اسبرين بس على حسب حالتج يعني اذا فيج تجلطات لاسمح الله تاخذيها الطبيب اهو الي يقرر
وان شالله سهاله

 

[shjoonaa]

بالنسبه لي اخذت ابر تثبيت + تحاميل اخذها مرتين الصبح وبليل + فولك اسد مره وحده + وبيبي اسبرين مره وحده + حبوب كرتيزون اسمه ميدرول للاجسام المضاده مره وحده

 

[محاميه الغد]

فولك اسد و بيبي اسبرين و تحاميل برجسترون و حبوب بس نسيت اسمهم

 

[toota2008]

انا خذيت فولك اسيد و بيبي اسبرين و حبوب دوفاستون و تحاميل مرة وحدة بالليل بس التحاميل سوتلي حساسية و حكة ليش ما ادري ؟؟!!

 

[مبدعة]

حبيبتي دير بالج تاخذين دوا من غير وصفه في هالفترة

الاسبرين ياخذونه اللي سبق لهم اجهاضات و عندهم تجلطات بالدم يعني ما ينوصف حق اي وحده

انا دكتوري ما وصف لي اياه

و عطاني تحاميل مثبته اللي اهيا سيكلوجست و اخذت فوليك اسيد

طبعا حاله عن حاله تفرق مو اللي تاخذ ادوية اكثر يعني راح يثبت اكثر

بالنسبة حق الشاي و القهوه و الكاكاو عادي تقدرين تشربينه ما يسون شي و لا ياثرون

 

[دخون المساء]

بس اغلب الي سوو طفل انبوب او حقن صناعي ياخذون بيبي اسبرين وقريت ان يساعد على التثبيت .عموما مشكورين علمشاركه وباجر بروح حق الدكتور وسأله وارد عليكم

 

[عيون زوجها]

انزين فيه وحده كاتبه حبوب كرتزون هذي ماتمتن الوحده جنه اتفج وتطلع شعرزايد يليت احد يفيدنى