بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[Melo]

هههههههه
عيل غارقة انا حددددي مستانسه اني بسافر عالاقل الحصار شوي بينفج
و نفسيتي ان شاء الله بتتعدل
بس قاعده احاتي نقله البيت و دخله الجامعه و جذي
و الله كريم

يحليلي صج دبدوبتكم
بس ان شاء الله بقط هالوزن كله باذن الله
والله يعينا ع هالخمول و هالسوالف انا لاحضت عمري لي شربت هالسوالف جاي يعف و ما ادري شنو و جذي يتعب جسمي لان مو متعود
اوكي اول شي يمشي بطني بس بعدين يذبحني الامساك و انتو بكرامه

ان شاء الله كلنا ياارب نقط كل الوزن الزايد و نخف
و نفرح بحملج غارقة الشهر الياي

 

[قيثارةالشوق]

هاااااااااااااااااااااي
شخباركم بنات ولهت عليكم حدي
سبب عدم دخووولي لأن الموقع محجوووب عنا بالسعووديه وكل يوم اجرب ادخل واليوووم طرت من الوناسه يوووم فتح معااااي مشتااااااااااااااااااااااقه مووووت لكم ياربي مايحجبووونه ثانيه

 

[قيثارةالشوق]

ابشركم وزني رجع 86 اهئ اهئ موزي قبل متينه جسمي مرتب بس زدت وصلت للثمانننين وبعدها تعبت من دشتي

 

[فدوتك عمري]

فعلا الموقع محجوب بالسعوديه مدري وش السبب المهم نزلت 84 بعدين زدت 88 بسبب الضغوط والهرمونات والبلاوي ههههههه بس ان شاء هاالاسبوع ابيرارجع للرياضه وان شاء الله انزل

 

[Melo]

ولكم باااك بنوتااات
والله لكم وحشه يحليلكم
عادي عادي الحال من بعضه ولا اهمكم
و خلاص الحين لازم نرجع نمسك عمرنا و نلتزم بالرجيم و نحقق اهدافنا قبل نهاية السنة يعني باقي لنا 4 اشهر ان شاء الله
والله يقوينا و يعينا ياااااارب

عن نفسي باقيلي يومين دين توني اغسل من المسعده و باقيلي هم الست
و ان شاء الله اخلصهم قبل لا اسافر
افكر اسوي الديتوكس هالاسبوع و ياااااارب اوصل 82 يااااااارب

 

[غارقة بأحزانها]

حيااااااكم الله قيثااااارة اشتقتلج
ليييييش يامجرمة لييييش ٨٦ انتي دخلتي السبعينات عدل؟؟
بس يلا ميخالف ان شاء تتجدد الارادة ويانا مرة ثانية ونضعف ياااارب


وييييي فشله ليييش منتدانا محجوب افا بس افا
بس اكيد السبب بعض الدخيلات على منتدانا اللي الله يسامحهم
كثروا مواضيع مو زينة بقسم الزوجية والنسا الله يسامحهم

اهم شي انتو رجعتولنا

الحمدلله انا ماباقيلي شي عالسبعينات

ويارب نرجع كلنا نكتمل مع بعض ويرجع التحدي الحلو اللي كان بينا

انا وبريق وانتي قيثارة ودنياي ملل ومهندسه وعروستنا ميمي وميلو
والعروسه المختفيه سأكون منجزة والقمر بعد مادري وين اختفت مصممتنا
يارب مانسيت احد هذول البنات اللي اكثر شي كانو ملتزمين معانا

*

 

[قيثارةالشوق]

أي اولله ياغارقه أجرمت بروحي ههههه ياربي نبي يرجع الحماس غارقه كم صار وزنك بشرينا

 

[غارقة بأحزانها]

ليلحين ماطلعت من الثمانينات
٨١ صار وزني

 

[قيثارةالشوق]

يلاااا بشوية همه وأراده ان شاءالله نوصل السبعينات
بس حيل مافي حمااااس
شرايك نجدد القروووب وكل وحده وطريقة رجيمها اهم شي نسجل يومياتنا ونساعد بعض:eh_s(9): ونشجع بعض

 

[algamar]

سلالالالالالالالالالالالالالالالالام بنات

الحمد لله القروب ماتغيير اسمه ولقيتكم بسرعه ..

كان المنتددى محجوب ولا قدر اتواصل معكم ومره ضاق صدري ..
وقمت الصباح اليوووم بنية دايت وقلت خل اشيك ع حبيباتي يمكن القاهم ويفتح
يازينكم والله ..

جيت وببدء بحماس .. عندي شهر وعازمه ع خمس كيلووو ..
الحمد لله صح وزني مانقص تقريبا بس تغيير بدء يتحدد الحمدلله .. وكتووفي بدءت تخفف
بس بعد العيد حاسه اني زدت خصوصا من تحت عاد بنزله قبل ماتثبت خخخخ

غارقه الحمد لله قربتي من السبعينات ..

بسال عن الصبايا الحلوات الي معنا ..
دنياي ملل بشريني عنك مااشوف لك ردود ؟ العرووسه ماعاد جئت : |

قيثــــــــــــــاره نفسي انتي .. يالله فال زين لنا نخف بعد مافتح لنا المنتدى : (
ميلوو يالله شدي حيلك .. فالك الرشاقه ..
ببريق الماس ماشاء الله عليك واصلي يازميلتي .. وفالك الجسم الرشيق المشدود ..
سوسن مالك مااشوفها ؟!
مهندسه يالله يابطله والله قويتي نفسك انا بالعيد ماخليت شئ مااكلته : |

ياربي اشتقت لكم وللمنتدى : (

 

[Lulu_Perla]

السلااام عليكم

شلونكم حبيباتي و عساكم بخير..؟؟؟؟؟؟؟

غارقة
ربي يفرج همج و يهون عليج حبيبتي :*

ميلو & قيثارة
شلونكم عساكم طيبين..؟؟


القمر ولكم ولكم ولكم
هلا و الله شخبارج و شعلومج..؟؟؟


انا من امس مادري شحاااايشني عالاكل
صايرة بالوعه امشي و ابلع..!!
توني مخلصة من الدورة
و اليوم ناوية باذن الله انشي شوي و العب اوربت تراك
و شاي رويال بجابله شوي يمكن يخفف اللي في بطني


رويقي كان توست اسمر و مرتديلا و جبن سلايس خفيف الدسم
الحين حاطتلي اصابع بسكوت غنية بالالياف و فيها حبة سودة & شاي


مووووووو قادرة اوقف اكل ><
الله يهديني

و يوم الخميس باذن الله بسافر لمدة اسبوعين
رايحين اوروبا راح يكون كله مشي.. و بحااول اخفف اكل
و الله يسهل

 

[Melo]

السلام عليكم
شلونكم بنات شخباركم
ولكم باك حبايبي
والله لكم وحشه
اهم شي ليش محجوب يا فشيلتنا فوووشلتااااه

وزني انرفز مو راضي يتحرك الميزان
محترمه نفسي و مو قاعده اخربط و لا اسوي سوالف قرعة و نص كم مثل ما يقولون
بس شكله ما ينفع معاي الا سوالف الرجيم اللي يحدد الوجبات و جذي
بجربه لي رجعت بريطانيا لان هني صعبه احكم اهلي شياكلون و هم امي تتنرفز لي قلت للخدامه سويلي جذي ولا انا سويت اكلي بروحي <<< ما يحتاج اقول سوالف الامهات الكل عارفها
و لكن ذلك لا عني انني لن استمر على عمل الرجيم و تخفيف الاكل و زياده الحركة <<<< متعوب على اللغه ترا خخخخ

 

[Lulu_Perla]

ميلو

مريت باللي مريتي فيه
صدقيني لو تزيدين حركتج و تكسرين نظامج بوجبة وحدة بس تكون دسمة بتضعفين

اللي يصير معاج معناته الكالوري اللي تاكلينه = الكالوري اللي تحرقينه
و ان جسمج تعود على هالنوع من الاكل
يبيلج تغيير
اذا انتي تاكلين دسم اكلي شي خفيف و قللي اكل بالمرررررة
و اذا انتي مخففة وايد جربي تاكلين وجبة وحد دسمة
و بتفرق معاج

بس شرط لا توقفين حركة

 

[Lulu_Perla]

انا مادري شنو حايشني عالاكل

 

[dnyay_mll]

مساكم خيـر
مبرووك للي نزلت اوزانهم يوميا اطل عليكم وودي اكتب واقول لا خل انزل وزني اكثر
وزني قبل رمضان 77 وشوي
بعد رمضان 86
بديت رجيم رابع يوم العيد على طول ونزلت 4 كيلوات ب6 ايام
دخلت المستشفى ورد زاد وزني لل85 كلها سوائل
ورديت نزلتهم
اليوم وزني 82 ماشاءالله
رجيمي تقريبا مثل نظام الديتوكس مع رياضه عالقاري نص ساعه ومرات اروح الممشى واخذ حاليا حبوب اكتريم 2 وحارمه نفسي من الاكل لاني بضعف بسرعه
لايعه جبدي من ال 80 يارب هالاسبوع اكون طالعه منها
ولا تلوموني على الزياده مالت رمضان تدرون اني اخذ كورتيزون وكل شي اكله يتخزن بالجسم والدكتور كان زايد لي الكورتيزون
الحمدلله على كل حال

 

[dnyay_mll]

ولكم باك حق كل اللي ردو من يديد باقي منجزه ماطمنتنا عليها
ومهندسه صارلها جم يوم ماتشارك

ميلو حبيبتي اكلي من اكل البيت ووخري عن العيش والخبز والعشا خليه بس فواكه مع رياضه وشاي اخضر بينزل وزنج لو كيلوين بالاسبوع نعمه

غارقه ماشاءالله عليج ان شاءالله هالاسبوع تطلعين من الثمانين

 

[Melo]

السلام عليكم

بريق انا موقفة الرجيم كنت تقريبا برمضان و رجعت اسوي بعد العيد بديت من ثالث العيد و وزني ما تحرك من يومها

دنياي
قاعده اكل من اكل البيت العادي مع اهلي بس مثل ما قلتي بدون عيش و خبز بس اذا باكل عيش اكل بادية عيش مشخول و روب و بس ما اكل شي ثاني بهاليوم
و الرياضه ما اقدر وايد اسوي لان ما عندي اجهزة بالبيت و اصلا انا وايد اتحرك بالبيت فشلون ازيدها
و انا مو من النوع اللي ثلاث وجبات وجبه باليوم او وجبتين بالكثير خصوصا اني صايمه و اصلا حتى يوم ما كنت صايمه كنت اعد روحي صايمه

الحمدلله رب العالمين ان سفرتي قربت و برجع بريطانيا و هناك اقدر اسوي كل شي من رجيمات و مشي
و باذن الله حاطه لي هدف ان خلال شهر تسعه ان شاء الله انزل بحدود 10 كيلو <<<يعني اودع الثمانيات اللي كان باقيلي تقريبا كيلو و اودعها قبل لا ارجع الكويت بس الحمدلله رب العالمين
و ما ارجع الكويت بالكريسمس الا و انا دخلت الستينات ان شاء الله ان ربي احيانا او خلاص بودع السبعينات ان شاء الله يااااااارب

بس بنات انتو اغلبكم راح اودع الثمانينات قريب ان شاء الله
حتى لو فتحتو قروب يديد ابي اشترك معاكم عشان اتشجع اكثر و انزل اسرع عشان الحق عليكم

 

[Lulu_Perla]

صباااح الخير

شلونكم..؟؟؟


ليلحين ما تريقت
لاني بديت يومي ببلاك كوفي سدت نفسي
بس الحين حاشني صداع
باكل 2 كرواسون ميني بالجبن
مع نسكافيه بالحليب

 

[dnyay_mll]

اهلين بنات
مساء الخير

اليوم تغديت تبوله وصمونة هوت دوق اسمر حطيت فيه قطعة جبن ايدام لايت وهوت دوق مشوي

بعد شوي بشرب شاي اخضر مع ميراميه وخلطة اعشاب
وبروح الجمعيه اتمشى واتسوق للبيت وباخذ اغراض للدايت

ميلو ان شاءالله يارب اذا حطيتي هالشي ببالج صدقيني بتحققينه وانتي قدها ان شاءالله
وانا مثلج السنه اليديده ماتدخل الا وانا بالستينات باذن الله
وشهر 9 باذن الله بحاول انزل 7 كيلوو بضغط على نفسي لازم انزلهم

 

[divaness Q8]

بالتوفيق حبيبتي