بعد ما كشفتي خيانة زوجك وبعد المواجهه هل عشتي جحيم

[المتفـائله]

السلام عليكم ورحمة الله

بدخل بالموضوع على طول
بعد ما كشفتي خيانة زوجك وواجهتيه على حقيقته هل تغيرت حياتك للأسوء أم لا ..

لأن أفكر أواجه زوجي بأني مخترقة جوالة وسمعت كل بلاوية
هل أواجهه بالخيانة وامعه المقاطع الصوتية
أم أسكت وأدعو الله وبس

لأني تعبانة مرة وخايفة حياتي تنعدم بالمرة

 

[گنت أحبگ]

الله يعينج حبيبتي شي صعب والله

ماجربت الحمدالله بس اتوقع اذا واجهتيه بيصير هالشي عادي عنده يسويه جدامج افضل انج تواجهينه بأشيااء بسيطه وانج شاكه فيه بس،،

لا تقولين له كل شي تعرفينه وسمعتيه بس خل يعرف انج حاسه ان في خياانه

مادري شلون اوصل لج الفكره /:

الله يهديه يارب

 

[شوق الوليف]

اذا كان هو غبي ويخربط وحسباله انتي مو عارفه سوي نفسج على عممااج لان الغباء الاكبر انج تهدمين بيتج والسبب علاقات عابره مع بنات خاينات الحل يا قلبي لا تواجهين والباب اللي يجيك منه ريح سده واستريح خوفج باجر يصير عااااادي عنده ومايخااف انج تدرين انتبهي لنفسج واهتمي فيها زوجج لج ومرده لج وان خانج مو معناته تقصير منج لا
معناه انه مايخاف من الله عسى ربي يهديه ويسخره لج وصدقيني ما انتي اول ولا اخر وحده زوجهاا يخونهاا يااا كثرهم حووولي بس هالبنات عسى ربي يجزاهم الجنه بصبرهم على هالرياجيل اللي مايملى عينهم غير ترااااب

 

[شوق الوليف]

حبيبتي انتي لاتخلين الغيره و العصبيه تهدم حياتج فكري بعقلج ولاتخلين صلاتج لان سبحان الله الصلاه بركه وتستقيم حياتج وربي يرضى عنج ويرضيج وانتي ساجده قولي كل اللي بخااطرج وادعي ربي يسخره لج ويحفظه من شياطين الانس والجن قولي ياربي استودعتك زوجي لسانه وسمعه وقلبه وفرجه
واقري مواضيع لناعمه الهاشمي تستفيدين منها

 

[Kaida]

لاتسوين شي يندمج وتعوذي من بليس لاتواجهينه ولا شي خليه بس انتي حاولي قد ماتقدرين انج تبينين له انج شاكه شككيه خليه يفكر ويحاتي وحليه تصرفاتج معاه شبه واضحه عشان سوقف عند حده من غير المواجهه مثلا شلون انتي طحتي عليه قولي له رفيجتي انصدمت زوجها ولا لاتقولين رفيجتي قولي اي وحده رفيجة رفيجتج عشان مايسال منو هي رفيجتج شلون طاحت على زوجها واعي الحين متردده من ان تواجها ولالا وشافت بتلفونه كيت وكيت وكيت ومومصدقه لانها واثقه فيه ومعتبرته ذاعها اليمين وحافظته وتحبه وماتبي تخرب مابينهم انت شرايك تواجه زوجها ولالا خليييييه يجاوب على نفسه وشككي قولي له انتي شنو شفتي بس على اساس رفيجة رفيجتج شافت على زوجها الاشياء الواضحه وطريقه كشفج له قوليها بس يعني مو انتي وطلعي كل الي بقلبج وقولي الي يريحج وقولي هي اعجبتني لانها ماتبي تواجه زوجها لان كفوه بنات الشوارع بس لاتزيدين من التجريح يمكن يكون شك وتاكد انج دريتي عنه وسحبس نفسج من المكان قولي بروح الحمام عطيه دقايق يفكر ورديه له وفيج شويه دموع واذا سالج ليش هالدموع قولي سلامتك بس كسرت خاطري هالبنت وغيري السالفه وبشرط انج تكونين بجواء هاديه مريحه فيها شوية رومنسيه

لا اله الا الله
محمد عبده ورسوله

 

[خالة مبارك]

نصيحه لاتواجهينه ولاتراقبينه عيشي حياتج وعطيه حقه وغيره لأ
رجال اللي براسه يسويه .. مو معناتها فيج قصور لامعناتها هومتعود على الخرابيط
لا تواجهينه .

 

[المتفـائله]

بشكركم جميعاً الله يعطيكم العافية يارب
أنا بدونكم مو عارفة اتصرف الله لا يراويكم مكروة يا رب

فعلاً فكرن بكلامك المواجهه سيئة جداً
وممكن أعالج الامور بدون ما اخسر مكانتي عند زوجي
لانه الحين واثق من حاله انا ما خان
وممكن لو اواجهه يصير الموضوع عادي عنده
ويصير يخون عيني عينك

بشكركم جميعا ولكم دعائي

 

[شوق الوليف]

حبيبتي العفووو كلنا خواااتج هني وعسى الله يسخرلج زوجج ويخليه لج ويبعده عن الحرام

 

[قلب طفـــله]

شنو عادي لاطبعا مب عادي واجهيه خليه يتسنع اهو يرضى تكلمين ؟ لاطبعا هذي تعتير خيانه

اليوم يكلم باجر بيطلع وبعدها بينام !!

 

[Kaida]

الي تقولج لا مو عادي واجهيه انا مابي احط بذمتي وماابي اظلم بس الي انا حاسته ان اكثر الرجال جذي لو امشي بالسوق القى اكثر الي يغازلون متزوجين هذا طبعا من غير عالم التويتر وغيره وحتى اذا بتواجهه هي الي بتخسر ياما ناس خانوهم رياجيلهم وهم يدرون وساكتين انطروهم لما شبعو وخلصو والحين هم ملكات على روس ازواجهم الصبر حلو وانا سألت شخص متزوج عن هالشغله اذا الزوجه طاحت على زوجها تواجهه ام لا قال لا تسكت احسن لها والرجال عارفين لبعض مالا داعي المواجهه لان مومن صالحها والزوج مايعيبه شي واعيد واكرر انا الي اشوفه ان اكثر الرجال طبعهم جذي خيانه الزوجه لو بس بشات او حتى بالمعاكسات الخارجيه انصحج لاتفكرين تهدمين الجدار بينكم دام مومخلي عليج قاصر دام مومعزر فيج ولا يطقج ولا يعصب ولا معطيج حقج دامج مستانسه معاه خلاص مرده لج بس انتي ادعي له وسوي الي عليج وانسي الي شفتيه

لا اله الا الله
محمد رسول الله

 

[مدمنة كوفي]

بس نصيحة لا تعطينه مجال , في وحدة كانت تدري عن اللي يسويه زوجها اخرتها تزوج من وحدة اللي يكلمهم

اذا كان برا اتصلي فيه وينك حبيبي شرايك نطلع انا طبخت لك اكل تحبه يعني سويله برنامج ما يحس بفراغ الفراغ هو اللي يخلي الرجال يسوي هالحركات

املئ فراغه بشي يحبه وشوي بالتدريج يهد هالخرابيط المشكلة المراة اذا شافت شي على الريال تسكت والريال اذا شاف شي على المراة يا ويلها

 

[أسرار الجمال]

الي تقول لا تواجهي وين كلامكم عن تغيير المنكر ولو بالكلام الخيانة بنظركم ماهي منكر والله شي غريب هذا اسمه الكيل بمكيالين لما نبي يصير منكر ووقت المانبي يصير عادي استغفر الله العظيم