بعرف شنو اللي بالضبط بواسير و الا شي ثاني؟

[بحر الرمال]

قووه بنات شلونكم
بغيت اخذ رايكم بمشكله مادري في احد عنده نفس مشكلتي و الا بس انا
انا عندي من فتره سنه تقريبا من مكان الخروج نفس شي بارز لي بره,او جلده زايده.. مادري هذي اسمها بواسير؟
و مره من المرات التهبت..طبعا انا اهمال مارحت كبيب لهاليوم..بس كنت اذا رحت الحمام احس بألم..بعدها مره من المرات بعد ماغسلت طبعا مسحت المكان بكلنكس و الا اشوف نفس الخراج الاصفر(نفس اللي يطلع من الدمل) و رديت حطيت الكلنس بس شوي ماكان وايد

بس ليلحين الجلده موجوده هذي شنو حلها؟ الحين الحمدالله مافي الم بس مادري اللي فيني طبيعي و الا لأ؟

 

[حنون المزيون]

أظنها بواسير لأني نفسج بس أنا أحيانا ألاقي بملابسي دم والسبب إهي واستخدم لها تحاميل وتروح
تحسين بعوار بظهرج وما تقدرين تقعدين عدل ؟؟

لو كانت الإجاااااابه نعم .... فأنت تعانيين من البواسير بطلي الفلفل والبهارات ترى تزيد الألم

 

[بحر الرمال]

مشكووره اختي حنون
من ناحيه القعده عادي الحمدالله ماحس بشي بس مثل ماقلت لكم احس جنه عرق طالع من تحت مادري ليش

 

[حمام شاقني فنه]

عمليه لازم
بسس باليزر يقصونها ماعادت تتعب مثل اول حبيبتي
روحي وافتكي منهم

 

[الاطلالة]

انا رفيجتى فيها نفسج شالتها بعملية صغيرة بنج مو ضعى راجعى طبيب احسن وسلامتج

 

[بحر الرمال]

ان شالله ودي اروح اراجع
بس بجم العمليه؟ ووين؟

 

[sweeta77]

حبيبتي هذي بواسير خارجيه واكو كريمات تنباع في الصيدليه تحطينها اولا توخر الالم وثانيا تخلي الجلد الزايد يروح ممتاز راح اكتب لك اسمهم يا تستخدمين الاول او الثاني مو مع بعض
procto-glyvanol
doxiproct

 

[بحر الرمال]

مشكوووره سويتا

 

[sweeta77]

حبيبتي ليش عمليه اول حطي الادويه واذا ما نفع سوي العمليه

 

[عهود الحب]

متزوجة انتي رمال ولا للحين بنت ؟
اذا سبق لج الولادة ممكن يكون شغله مشابهه للبواسير بسبب الخياط للمنطقة هذي
وفي طريقة تتأكدين منها اذا حابة تعرفينها قولي لي
بس فحص الطبيب احسن


والتحاميل زينه والبرتقال زين للمعدة اخاف فيج امساك وهو الي يسبب البواسير والشرخ

 

[سمار الشمس]

عهود الحب شلون اعرف اذا بواسير او من الولادة انا نفس الشي وجنها بادية تزيد السالفة معاي

 

[بحر الرمال]

عهود الحب
انا مطلقه (وقت الفضايح الحين لووووول) و عندي بيبي من سنتين
بس ماعتقد اللي فيني بسبب الولاده لان المكان بعيييييد عن مكان الخياط و ترا اهو مايسبب لي الم بس العرق اللي طالع احسه شكله غلط و التهب مره وحده بس
و فعلا يصير فيني امساك مرات لاني اخذ حبوب حديد و اهيا تسبب الامساك..مشكوره عالرد

 

[سمار الشمس]

up up up

 

[*أطياف*]

انا نفس حالتج بس اطلعتلي بالنفاس يعني ما صارلها شهر اذا لقيتي الحل علميني

 

[مجودهـ]

مايحتاج عمليه ان شاء الله
روحي لدكتوره ممتازه
بتعطيك ادويه
وبتروح من نفسها
اختي كانت كذا
والحين راحت الحمدلله

 

[.. مـــلاكـ ..]

روحي الطبيب
منطقة حساسه لا تسكين
خل يعطيج كريم عشان لا يلتهب
وغسلي بماي دااافي وغسول طبي
عسى الله يشافيج و يعافيج

 

[فديت الريم]

اختي رمال هذي بواسير والله اعلم انا مثلج بس ماكنت ادري ولا اعرف شلون اداريها ليما رحت الطبيبه وقالت لي انها بواسير بالاول تعذبت بس الحين الحمدالله عقب ماعرفت ان لها علاقه بالقولون يعني ديري بالج تعصبين او تاكلين فلفل وايد ولا بهارات خلي اكلج معتدل ولا تنسين زيت زيتون شربيه يومياً ربع استكانه قبل تنامين وع الريق اكلي سبع تمرات هالشي هذا يحميج من الامساك لان الموت اذا صار فيج امساك مع البواسير واذا حسيتهم التهبوا يعني انتفخوا ويأذونج بالقعده احسن شي لهم مرهم وتحاميل نيو هيلار واذا معاج نزيف تاكلين بعد حبوب دافلون وان شالله ماتشوفين شر بس داري نفسج ولا لاعمليه ولاشي ينفع لهم بنت عمتي سوت العمليه بخاص باربع اميه وتعذبت مسكينه شهر عقب صارت زينه كم من شهر والحين ارجعولها الله يشافي كل مريض يارب ولاتنسين التين المجفف اكليلج حبه باليوم يومياً ترا حيل زين