UK_Girl
New member
صباح الخير..
شلونكم ؟ ان شاءلله تكونون بخير وصحه وسعاده ..
بتطرق لموضوع بمنتهى الصراحه بحكم مواقف وتجربتي ورؤيتي لبعض الامور من قبل بعض الكويتيات بره الكويت ..تحديدا الطلبه واتمنى مشاركتي ارائكم او تجاربكم ايجابا او سلبا كيفكم انتاو احرار كما ولدتكم امهاتكم
..
بالنسبه للبحث عن الكويتين لبعضهم البعض بره او زملاء عرب مثلهم...وكأن الدنيا خلت من البشر الا هؤلاء مع احترامي للكل ..
عموما
انا وايد اشوف بنات يطلبون يتعرفون على غيرهم كويتيات وعربيات بره ..هالشي حلو وانا احبه بس عموما ما يفرق معاي انا ادور الكل كويتي ولا سيلاني اتعايش مع الكل المهم كائن بشري بس شوفوا شنو ممكن غالبا يصير مع العرب والكويتين ..
انا مادري غالبا احس واشوف لما وحده كويتيه او عربيه تدش حياتج ادش بخشمج بمعنى بكل تفاصيلج لدرجه مو طبيعيه ومتعبه جدا واحيانا عفوا علي هالكلمه ((بطريقه شبة وقحه)) بحيث يكون فيها انتقاد وتدخل لامور كثيره انتي شخصيا اعتدتي عليها وهي تأتي لتفرض عليكي اسلوبها بكل شيء حتى بالاكل وبصداقاتك وزملاء الدراسه وطريقة الدراسه !!((حصلت لي شخصيا طنازه على الاكل الاصدقاء من اديان وملل واشكال والوان واجناس مختلفه )) زين انا نوعي احب المكسرات البشريه احب اشوف كل البشر اللي الله سبحانه خلقهم واحتك فيهم من باب الانسانيه والمحبه ..!! ((على فكره كنت اسمع تمصخر على البشر وكان الكويتي هو ملاك بشري والعياذبالله ))..وانا اكره انعدام الحس االانساني لدى البشر بحيث ما يستطيع ان يتعايش ويتقبل الاخر بصدر رحب وبقلب محب بغض النظر عن الجنسيه واللون والعرق والدين والمله ..
فلما هالبنات يتصرفون جذيه احس ينفروني حتى من ذاتي الانسانيه فاهمين علي بنات ؟؟
واسمحوا لي مو غرور مني لكني ماراح اعمم واقول كل البنات بره على هالشاكله لان انا شخصيا نوعي مو جذي اظل واقفه بحدود الصداقه من غير حشر انفي باي شي لحد ما يسمح لي بطرق الباب والدخول لحياة البنت بشكل عام او خاص وذلك حسب رغبة البنت اللي تبي تكون صداقه معاي ما اتدخل باي شيء الا اذا طلب مني غير ذلك ..لكني وباستمرار انصح بالاهتمام بالدراسه وبقوه .
وما حب ومابي بره احد يلهيني عن دراستي ولا احد يزعجني بحياتي ..وانا ماشيه ولله الحمد ستريت بس احتك بزملاء الدراسه وايد ماخلي مناسبه ما استغلها للتواجد معاهم عشان استفيد علميا وعمليا وفكريا بقدر الامكان منهم ..وعن تجربه انا نجحت وحققت طموحاتي بهالطريقه ..((ومن سار على درب فلسفة الامور وبرمجتها حسب طريقة الحياة بالكويت سقطت سقوطا ذريعا ...طبعا طريقة الطنازه على كلشيء بشكل موطبيعي يوصل لحد المرض ))
قمت نوعا ما
ماحس في فايده لبعض البنات ووجودهم ((وعن تجربه سابقه )) سوا انها بتقولي خل نطلع خل نروح للتجمعات مالت مثلا الاتحاد وغيره ..او تقولي كشتي شوي في الدراسه او اذا اتصلت تقرق بالتلفون بالساعات ((تنسى ان احنا طلبه وان مو تلفون البيت وورانا مصاريف ..خصوصا اللي رايح على حساب الحكومه يلعب لعب على افا غيره )) ويضيع الوقت ع الفاضي ((في بنات ماتحس بالوقت ..واخر شي تلاقونهم يسقطون ويقعدون يبجون ..وانا مرت عليه حالة جذي ))
وبصراحه كانت لما تتصل اقعد اسمع وبيدي بحث بسويه وما يعجبها الا تسولف غصب ((كنت ابلع واسمع سوالف والله اتفهه من التفاهه وسوالف بطاليه ولا لها معنى كلش واسكت واشتغل واهيا رايحه سوالف فاضيه ..سمعاو السوالف بدون مبالغه : سوالف دانس اون ايس وامريكان ايدل !!)) او يقولون لي تعالي في حفلة طيران ومراويس !واذا مارحت تصير زعلة!! على شنو ؟؟بترك لكم الحكم بهالموضوع على هالنوع من البنات !!!
لما بعد بالصدفه شوي احتكيت في جم بنت عربيه منهم السنعين ومنهم لأ ..وبعضهم لازلنا زملاء نتواصل لحد اليوم واعشقهم لحد الموت لمواقفهم المشرفه معاي وادعي ليل نهار الله يوفقهم ويجمعني فيهم دايما ..وايضا
منهم من قعدت ادعي ليل نهار الله يبعدهم عني لان يصيرون لزقه وهذول مشكله خصوصا الشوي يكونون مو تكانه مو من ناحية الاخلاق لا والشهاده لله من ناحيه اخرى ((فرض قناعاتهم عليكم ومبادئهم ..غصب والقناعات مالتهم ياليتها سنعه بل خربوطيه وتكون امي مسكينه حاطة باذني نصايح مثل الحلقه ((على قولة المصريين )) واتيي البنت تخوره على بو من باب التغيير وياليته للافضل بل للاسوأ ))!!
هاشرايكم
انا قمت اخاف على نفسي وايد ..من البنات عرفتاو ..خصوصا اللي بدمهم يسري الشماته بخلق الله ماحب جذي اطفر
واتوقع من تشمت في الغير بحوس على راسي ويدور الزله فيني بس انا ولله الحمد واضحه مثل الشمس ..وهذه الشبله ((يوكي غيرل)) من تلك الام العطوفه الحنونه امي حبيبتي اللي مشتاقتلها حييييل وحبت كل اصدقائي وزملائي من مجرد رؤيتها لصورهم وسماع اصواتهم بالتلفون واهتمامهم فيني بغربتي قلبا وقالبا ..
اما بعض البنات الكويتيات الللي شلتهم بعيوني وبلقبي فكان وجودهم نوعا ما عاله و مضر اكثرمن مفيد ..ولكن رغم ذلك فانا ولله الحمد تعلمت درس وقلبي صار انصع بياضا ..كل ما اشوف الناس تقسى انا اصير الين كل ما اشوف الناس تكره انا احب اكثر ..
واقول قولي هذا واستغفر الله لي ولكم ولها ولهم وللجميع من باب حبي لكم جميعا من خلف الكواليس الانترنتيه
شلونكم ؟ ان شاءلله تكونون بخير وصحه وسعاده ..
بتطرق لموضوع بمنتهى الصراحه بحكم مواقف وتجربتي ورؤيتي لبعض الامور من قبل بعض الكويتيات بره الكويت ..تحديدا الطلبه واتمنى مشاركتي ارائكم او تجاربكم ايجابا او سلبا كيفكم انتاو احرار كما ولدتكم امهاتكم
..بالنسبه للبحث عن الكويتين لبعضهم البعض بره او زملاء عرب مثلهم...وكأن الدنيا خلت من البشر الا هؤلاء مع احترامي للكل ..
عموما
انا وايد اشوف بنات يطلبون يتعرفون على غيرهم كويتيات وعربيات بره ..هالشي حلو وانا احبه بس عموما ما يفرق معاي انا ادور الكل كويتي ولا سيلاني اتعايش مع الكل المهم كائن بشري بس شوفوا شنو ممكن غالبا يصير مع العرب والكويتين ..
انا مادري غالبا احس واشوف لما وحده كويتيه او عربيه تدش حياتج ادش بخشمج بمعنى بكل تفاصيلج لدرجه مو طبيعيه ومتعبه جدا واحيانا عفوا علي هالكلمه ((بطريقه شبة وقحه)) بحيث يكون فيها انتقاد وتدخل لامور كثيره انتي شخصيا اعتدتي عليها وهي تأتي لتفرض عليكي اسلوبها بكل شيء حتى بالاكل وبصداقاتك وزملاء الدراسه وطريقة الدراسه !!((حصلت لي شخصيا طنازه على الاكل الاصدقاء من اديان وملل واشكال والوان واجناس مختلفه )) زين انا نوعي احب المكسرات البشريه احب اشوف كل البشر اللي الله سبحانه خلقهم واحتك فيهم من باب الانسانيه والمحبه ..!! ((على فكره كنت اسمع تمصخر على البشر وكان الكويتي هو ملاك بشري والعياذبالله ))..وانا اكره انعدام الحس االانساني لدى البشر بحيث ما يستطيع ان يتعايش ويتقبل الاخر بصدر رحب وبقلب محب بغض النظر عن الجنسيه واللون والعرق والدين والمله ..
فلما هالبنات يتصرفون جذيه احس ينفروني حتى من ذاتي الانسانيه فاهمين علي بنات ؟؟
واسمحوا لي مو غرور مني لكني ماراح اعمم واقول كل البنات بره على هالشاكله لان انا شخصيا نوعي مو جذي اظل واقفه بحدود الصداقه من غير حشر انفي باي شي لحد ما يسمح لي بطرق الباب والدخول لحياة البنت بشكل عام او خاص وذلك حسب رغبة البنت اللي تبي تكون صداقه معاي ما اتدخل باي شيء الا اذا طلب مني غير ذلك ..لكني وباستمرار انصح بالاهتمام بالدراسه وبقوه .
وما حب ومابي بره احد يلهيني عن دراستي ولا احد يزعجني بحياتي ..وانا ماشيه ولله الحمد ستريت بس احتك بزملاء الدراسه وايد ماخلي مناسبه ما استغلها للتواجد معاهم عشان استفيد علميا وعمليا وفكريا بقدر الامكان منهم ..وعن تجربه انا نجحت وحققت طموحاتي بهالطريقه ..((ومن سار على درب فلسفة الامور وبرمجتها حسب طريقة الحياة بالكويت سقطت سقوطا ذريعا ...طبعا طريقة الطنازه على كلشيء بشكل موطبيعي يوصل لحد المرض ))
قمت نوعا ما
ماحس في فايده لبعض البنات ووجودهم ((وعن تجربه سابقه )) سوا انها بتقولي خل نطلع خل نروح للتجمعات مالت مثلا الاتحاد وغيره ..او تقولي كشتي شوي في الدراسه او اذا اتصلت تقرق بالتلفون بالساعات ((تنسى ان احنا طلبه وان مو تلفون البيت وورانا مصاريف ..خصوصا اللي رايح على حساب الحكومه يلعب لعب على افا غيره )) ويضيع الوقت ع الفاضي ((في بنات ماتحس بالوقت ..واخر شي تلاقونهم يسقطون ويقعدون يبجون ..وانا مرت عليه حالة جذي ))
وبصراحه كانت لما تتصل اقعد اسمع وبيدي بحث بسويه وما يعجبها الا تسولف غصب ((كنت ابلع واسمع سوالف والله اتفهه من التفاهه وسوالف بطاليه ولا لها معنى كلش واسكت واشتغل واهيا رايحه سوالف فاضيه ..سمعاو السوالف بدون مبالغه : سوالف دانس اون ايس وامريكان ايدل !!)) او يقولون لي تعالي في حفلة طيران ومراويس !واذا مارحت تصير زعلة!! على شنو ؟؟بترك لكم الحكم بهالموضوع على هالنوع من البنات !!!
لما بعد بالصدفه شوي احتكيت في جم بنت عربيه منهم السنعين ومنهم لأ ..وبعضهم لازلنا زملاء نتواصل لحد اليوم واعشقهم لحد الموت لمواقفهم المشرفه معاي وادعي ليل نهار الله يوفقهم ويجمعني فيهم دايما ..وايضا
منهم من قعدت ادعي ليل نهار الله يبعدهم عني لان يصيرون لزقه وهذول مشكله خصوصا الشوي يكونون مو تكانه مو من ناحية الاخلاق لا والشهاده لله من ناحيه اخرى ((فرض قناعاتهم عليكم ومبادئهم ..غصب والقناعات مالتهم ياليتها سنعه بل خربوطيه وتكون امي مسكينه حاطة باذني نصايح مثل الحلقه ((على قولة المصريين )) واتيي البنت تخوره على بو من باب التغيير وياليته للافضل بل للاسوأ ))!!
هاشرايكم
انا قمت اخاف على نفسي وايد ..من البنات عرفتاو ..خصوصا اللي بدمهم يسري الشماته بخلق الله ماحب جذي اطفر
واتوقع من تشمت في الغير بحوس على راسي ويدور الزله فيني بس انا ولله الحمد واضحه مثل الشمس ..وهذه الشبله ((يوكي غيرل)) من تلك الام العطوفه الحنونه امي حبيبتي اللي مشتاقتلها حييييل وحبت كل اصدقائي وزملائي من مجرد رؤيتها لصورهم وسماع اصواتهم بالتلفون واهتمامهم فيني بغربتي قلبا وقالبا ..
اما بعض البنات الكويتيات الللي شلتهم بعيوني وبلقبي فكان وجودهم نوعا ما عاله و مضر اكثرمن مفيد ..ولكن رغم ذلك فانا ولله الحمد تعلمت درس وقلبي صار انصع بياضا ..كل ما اشوف الناس تقسى انا اصير الين كل ما اشوف الناس تكره انا احب اكثر ..
واقول قولي هذا واستغفر الله لي ولكم ولها ولهم وللجميع من باب حبي لكم جميعا من خلف الكواليس الانترنتيه
