بغيت مساعدة من مغتربات امريكا بليز

[(((سامية)))]

سلام عليكم بنات

مبارك عليكم باجي الشهر

انا جديدة هني و اتمنى تساعدوني بليز ..

انا ناوية ان شاء الله اروح اكمل هندسه في امريكا شهر واحد بس ليلحين مادري اي مدينة و اي جامعة ! فبغيت اسألكم شلون الحياة في امريكا سهلة صعبة ؟؟ الشعب شلونه طيب و الا عنصري ؟؟ (خصوصا عقب احداث 11-9 ) ؟؟ الديرة امان ؟؟ انا بنية متحجبة و راح اكون بروحي من غير ريال امان هناك و الا لأ ؟؟ شنو المدن اللي فيها كويتين ؟؟

و اللي عندها اي اضافة بليز بليز تفيدني

و مشكورييييييييييييييييييين وايد

 

[chanel N22]

هلا والله اختي

حياج الله بموقع قائمه المستقبل الطلابي والموقع حيل مفيد واذا استفدتي منه بس ابي منج شئ واحد دعوتج لي بالذريه الصالحه والحمل
www.mostajed.com

 

[اكابر]

حبيبتي بالنسبه حق الجو الحين حييل حلو ودافي الظهر وبارد باجي اليوم وبخصوص تعاملهم بالعكس تعاملهم حده راقي انا عن نفسي صادفت فئه قلييييييييييله اللي مايحبون العرب بس العموم يبتسم بويهج ويسولف معاج والحجاب صار عندهم عادي تعودوا يشوفونه .. وبصراحه الديره امان ولا تخافين اهناك محد له شغل بالثاني وحتى الهوملس صج اشكالهم وصخه بس حبوبين ومايتعرضون لج بس نصيحه لا تطلعين بعطلتهم يوم السبت والاحد اولا لانه كل شي يسكرمبجر ثاني شي اغلبه سكارى بالليل وراح تاخفين حتى لو ماتعرضولج او جاسوج تشوفينه يصرخ من بعيد لي بعيد .. بس ما يقربلج ..واهناك حيييييييييييل امينين وصعب تفقدين شي من اغراضج عندهم ..

 

[(((سامية)))]

اتعبني غروري

مشكوووووووورة وايد الصراحة وايد استفدت من الموقع

اكابر

جيكي الخاص بليز

 

[مغتربة 2006]

هلا حبيبتي حيااج عندنا
احنا الحمدلله منطقتنا امان وجوها هادي وحلو
والحين الجو ربيعي داف يالصبح وبارد بالليل احنا في ولايه فرجينيا منطقة نورفولك
وريلي يدرس هندسه في جامعه نورفولك اولد ديمينيون
والحمدلله مرتاج والدراسه زينه
واذا محتاجه اي شي لا تترددين بالسؤال

 

[اكابر]

هلا غلاتي جيكت الخاص ماكو شي الظاهر عشان توني يديده ميستقبل الخاص مادري عالعموم اي شي تامرين عليه ضيفيني على ايميلي ولا وانشاله اقدر اساعدج .. [email protected]