بغيت مساعدكم والله تعبت وابي اتغير:(

[HoOope]

السلام عليكم

بنات ابيكم تساعدوني:0bee2e8d89:














:0bee2e8d89:





انا الحمدالله حلوه واللي قاهر امي اني واااااااااااااااااااااااااااايد حلوه بس















بس ماكو ثقه مييييييييييييييييييييييييييييييييييييييييييييييييييييييييييييييييييييييييح


خجووووووووله جدا


استحي


في بنات ماشالله عليهم يكون جمال عادي وثقه وااااااايد عاليه الله يهنيهم

انا ابي اكون جذيه مادري
اشلون انا اللي اعرفه انه الانسان يتعلم هالشي ماينولد فيه ابي اتعلم اشلون؟


ا:0bee2e8d89:نا حتى ملامحي لما تشوفينها تقولين مبين عليه:0bee2e8d89:ا مسكينه هاديه ومالها حس

في بنات مبين عليهم ملامحهم جريئات ولسانها طويل بالخير مو بالشر يعني لسانها ينقط عسل لا دخلتي عليهم تهلي فيج وترحب يعني ماتستحي
انا يكفي اني اقول بخير واااااي مني والله اكره شخصيتي وايد


حتى بالكليه ماقدر اقول بزنتيشن استحي

لما اقعد مع البنات يعني ماني ونيسه احسهم شوي يماون مني اغلب الوقت ساكته

في بنات لا تحبين قعدتهم في المجلس ياخذون الجو
وانا توني مالجه مابي اهل ريلي يملون مني ماااااااااااااااااااااااني ونيسه بالمره وماعرف اخذ المجلس بسوالفي!!!!!!!!!



بليز بنات ناطركمن على احر من
الجمر

لاتقولون مايصير لان شفت بعيني بنات تغيروا مادري اشلون؟


اسفه طولت عليكم

بنات اللي ردها بكون جاسي بلييز تحتفظ فيه لاني الموضوع حساس وايد بالنسبه لي اي كلمه بتاثر فيني:0bee2e8d89:

 

[CANDLES]

انا مثلج بالضبط والله

وياريت البنات يفيدونا

 

[قلب راشد]

حيبتي انا عندي لج حلين :

:klhfl:

الأول تاخذين دورة برمجه والله العظيم الدوراات تغير الوااحد وتخليج تكسبين صفاات وتتخلين عن صفاات وسلوكيات تمارسينها بمنتهى السهووله

والحل الثااني هو النمذجه يعني شنو ؟؟:eh_s(1):

يعني تختارين شخصيه انتي واايد معجبه فيهاا من نااحيه الجرأه والرد بشكل جميل على الجميع والتواصل مع الجمييع

وتقعدين تقلدينها وتقتبسين كلماتها .. في البدايه رااح تحسين السالفه صعبه شوي بس مع الوقت راح تصير عفويه والحجي والحركاات رااح تطلع منج بكل سهووله ومثل أو أكثر مما تتوقعين

ومبروووك على الملجه يا الغاليه ..

 

[HoOope]

إنشالله تستفيدين معاي



قلب راشد وين لاقي هذي الدورات ياكثرهم بالجرايد بس ابي اللي قلتيها وين لاقيها ابي دوره إنتي شفتي الاستفاده منها مابي اجرب دوره اخاف تطلع مامنها فايده
فهمتي علي؟

وسالفه النمذجه ههههههههههههه معاي وحده صارلي ثلاث سنين مااستفدت خخخخخخ مع انها جريئه وايد

 

[سنفــــــور غضبـــــان]

امممممممممممم


انا مرااااااااااااات لما اكووون بمووقف بيصير .. مثل الاسبوع الجاي عندي بريزنتيشن


اقعد اتدرب ... ولما خذيت عليه وصار عادي


انتي ابدي حبه حبه .. سولفي مع رفيجتج وتغشمري

بعدين مع مجموعه وجذي

 

[ام أسامـة]

ياحبيتي عليج بالدعاء الحي على الله وخاصه في الثلث الاخير من الليل اطلبي من الله ان يشرح صدرج ويطلق لسانج ويفرج كربج واكثري من الاستغفار وانتي ماشيه وجالسه وان شاء الله تشوفين النتيجه والله يوفقج .. قلبي معاج ..

 

[قلب راشد]

إنشالله تستفيدين معاي



قلب راشد وين لاقي هذي الدورات ياكثرهم بالجرايد بس ابي اللي قلتيها وين لاقيها ابي دوره إنتي شفتي الاستفاده منها مابي اجرب دوره اخاف تطلع مامنها فايده
فهمتي علي؟

وسالفه النمذجه ههههههههههههه معاي وحده صارلي ثلاث سنين مااستفدت خخخخخخ مع انها جريئه وايد

هلا حبووبه

دوره برمجه واايد بس أنصحج تاخذينها عند مركز قمم وهمم اهو الدكتور اللي انا خذت عنده وعندهم دوره يديده دقيت وسألت لعيوونج راح تبدي 7 - 6 وعند نفس الدكتور اللي عطانا وان شاء الله تفيدج ​

 

[الفاتنة]

جم رقمة يالغالية يالله يمدينا نسجل

 

[(حبيبة بوخلي )]

ماطلعتوا عليييييييييييييييييي
الحمدلله ما أستحي وإلي تبي دوراااااااااات تيي عندي

 

[z.alsayegh]

illy tst7ee lazim itjareb inha tkoun wayed ma3a il nas oo itjareb itsoulif oo ta5eth il jaw ib sowalif 7lwa

mathalan 3an il soug 3an il ent5abat 3an ashya2 i7bounha il bnaat il mkyaj il lbs ayshay

(حبيبة بوخلي )
intay 6al3a 3alay ana ma3a refejaty killa ana illy at7acha oo wath8a mn nafsy lool

 

[رنه خلخال]

اول شي الف الف مبروك الملجه موفقه وثاني شي ياقلبي حلات لبنيه هاديه وانشاءالله اذا رحتي بيت ريلج اتعودين انج اتسولفين وحاولي دايما اتروحين ازوارات وادشين دورات عن القدره على التعامل مع الاخرين وغيره والله يوفقج وهنيج

 

[HoOope]

ثانكس بنات انشالله

امشي على نصايحكم

 

[ألوان الطيف]

حبيبتي ذاك اليوم كنت بدورة مدتها يوم عن مهارات النجاح تقول قعدوا جابلوا المنظرة وتكلموا اذا بتتدربون على شي ..
أو سجلي صوتج و صوري نفسج فيديو علشان تشوفين اخطائج و تتفادينها
واقنعي نفسج ان الناس عادي ما راح يسوون لي شي لو تكلمت وقلت رايي بالعكس راح يحبوني ويعجبون فيني أكثر
أقري كتاب أيقظ قواك الخفية ( انتوبي روبنز ) >>أختي تمدحه

وادعي ان ربي يرزقج إلي تبينه


وتحياتي لج : ( طيوووفة )

 

[out of reach]

انصحج بالنمذجه على قولة الاخت...

والله يسهل عليج

 

[قلب راشد]

حبيبتي ذاك اليوم كنت بدورة مدتها يوم عن مهارات النجاح تقول قعدوا جابلوا المنظرة وتكلموا اذا بتتدربون على شي ..
أو سجلي صوتج و صوري نفسج فيديو علشان تشوفين اخطائج و تتفادينها
واقنعي نفسج ان الناس عادي ما راح يسوون لي شي لو تكلمت وقلت رايي بالعكس راح يحبوني ويعجبون فيني أكثر
أقري كتاب أيقظ قواك الخفية ( انتوبي روبنز ) >>أختي تمدحه

وادعي ان ربي يرزقج إلي تبينه


وتحياتي لج : ( طيوووفة )

حبووبه شنو الدوره اللي يوم واحد ؟؟ وهل فعلا غيرت فييج شي ؟؟

منو مقدمها ؟؟ وأي مركز ؟؟​

 

[قلب راشد]

امممممممممممم


انا مرااااااااااااات لما اكووون بمووقف بيصير .. مثل الاسبوع الجاي عندي بريزنتيشن


اقعد اتدرب ... ولما خذيت عليه وصار عادي


انتي ابدي حبه حبه .. سولفي مع رفيجتج وتغشمري

بعدين مع مجموعه وجذي

هذا اسمه العلاج بخط الزمن .. جزء من البرمجه :ggdw:​

 

[قلب راشد]

ياحبيتي عليج بالدعاء الحي على الله وخاصه في الثلث الاخير من الليل اطلبي من الله ان يشرح صدرج ويطلق لسانج ويفرج كربج واكثري من الاستغفار وانتي ماشيه وجالسه وان شاء الله تشوفين النتيجه والله يوفقج .. قلبي معاج ..

يزااج الله خير

وصااجه الاستعانه بالله قبل كل شيء

 

[shiikuha]

ياريت توافونا باسم الدورات وأماكنهم عشان الكل يستفيد

 

[النويرة]

مادام عندج رغبة في التغير لازم توصلين

بس الأهم يكون حكمج على نوعية الجرأة صح ومو كل جريئة تونس ولا كل جريئة جرأتها مطلوبة

وأحيانا تعجبنا جرأة وحدة وهي تعبانة من شخصيتها وتحس الناس بينهم وبين نفسهم ينقدون عليها او ما يرتاحون لها لانها كثيرة كلام

صدقيني الصمت هيبة بس الاهم اذا تكلمتي تتكلمين بعقل

المفروض مايكون التركيز على جريئة او مو جريئة لانها مشكلة انتي تتخيلينها التركيز يكون على الشخصية هي طيبة هي خلوقة

الله يوفقج وتوصلين لدرجة الجرأة المعتدلة المطلوبة من غير تعمد هالشي

 

[ذكريات]

حبيبتي انتي نفسي بالضضضضضضضضضضبط

بس انا الحين شوي احسن

تدرين شلون تغيرت

نفسج تزوجت و اهل ريلي ما يعجبهم اقعد ما اتكلم .. و يقولونها لي بالويه و يزعلون و ما يكلموني

كل هذا لاني ما اسولف .. ياربي انا جذيه

بعدين شوي شوي بديت اتغير .. و الله مادري شلون بس يمكن لان انا كنت ابي اتغير .. يكمن تعبت من الزعل البايخ على سالفة ما تسوى

تدرين حتى ريلي ايام الملجة يقولي تكلمي نشفتي ريجي كله انا اتكلم

الحين انا اقرق و اهو ساكت