خيتووو ..
غرفتج حيييييييل صغيرة عشان جذي اول شي لازم تسوينه تختارين الوان فاتحه سواء بالاثاث او الصبغ .. وانصحج تخليين الاثاث باللون الابيض ويكون مودرن تبتعديين كلش عن الكلاسيك لان ياخذ مساحه ... اما لون الصبغ اذا بعدج ما مليتي من البنك حطي بي بي بنك فااااااتح كلش اقرب للبياض مع رمادي فاتح كلللللللش ، او بدال البنك بنفسجي فااااااااااتح
اما اذا كنتي مليتي من هالالوان ... فالموضة الحين هابين بالاخضر الليموني بس ما انصح فيه حق الطوف لان يعطي احساس بالنشاط وما تنامين بعدين وتدعين علي ههههههه اختاري اللون التركواز على سماوي الفااااااااتح كلللللش وخلي اكسسواراتج بالفوشي والليموني تطلع غرفتج نعووووومة وفريش
يعني الحين الاثاث = مودرن ابيض
الطوفة = تركواز سماااوي فاتح جدااااااااااااااااا واذا حبيتي حطي استكرز او رسم ناعم بالابيض ( بس وخري عن ورق الجدران لان غرفتج صغيرة ) < نفسي
الاكسسوارات = فوشي + ليموني ( لايم )
تقريبا .. راح تكون غرفتج نفس هالصورة
وبالنسبة للاماكن
شفتي المساحه اللي عندج بين الثلاجة الدريشة حطي اهني على الطوفة كلها مرايا ... بالطووول او اخذي المرايا اللي تكون مستطيله وحطيها بالطول من ايكيا ... ومكان الثلاجه حطيلج رف ابيض او طاولة بيضا مع ادراج تحته وليتات الميك اب من ايكيا .. << لان غرفتج صغيرة ماكو مجال حق تسريحه وجذي احلى راح يكون ..
او اذا اغراضج وايد اخذيلج تسريحه صغييييييييييييرة حيل ..
الكبت غيري مكانه واخذي الكبتات اللي يصير ابوابها سحب مو تتبطل عشان يوفر مساحه ..
خلي الكبت مكان السرير الحين ... بس حكريه بالزاوية <<
والتسريحه خليها مكان الكبت الحين والغي الثلاجة اذا تقدرين .. واذا ا تقدرين شوفيلها مكان تكون مخشوشه
والسرير خليه مكان التسريحه الحين يعني تصير الدريشة على ايدج اليسار لما تكونين نايمة <<< انشالله فهمتي بس خخخخخخ
ممممم هذا اللي فبالي الحين واي سؤال لا يردج الا كيبوردج امااااااااااااااانة ترا احب اساعد بهالسوالف وغرفتج سيم سيم غرفتي نتتتتفة لا اوانا العن منج تخيلي نفس مساحة غرفتج وعندي طوفتين بس درايش
