قبل أسبوعين راده من العمره :eh_s(7):
شوفي الغاليه
عندج الهيلتون السوق مالهم عجيب
أهم شي تروحين له محلات الشرقيه للعبي والملافع
خوش محل ومميز وبتلاقينه كله كويتيات
وايد ناس عرفناهم اهناك يعني ملتقى بعد :d
بس عليج فيه راعي المحل لايغلبج بالاسعار
وعندج محل المتحف هم حلو بالفوط والمفارش والدراريع
والسجادات مالوت الصلاة ويواجهون تاخذينهم صوايغ ذربين وفخمين:rerrerek:
وعندج محلات الاكسسوارات احلى شي مالوت اليهالو يعني كفرات عليها اسم:d
و العاب واساور ناعمه وشباصات واقلام غريبه
وعندج هم مكتبه بالطابق الارضي صوب محل مكياجي حيل عجبني
وعنده شغلات حلوة لليهال تعليميه دينيه وعنده دفاتر الاذكار اشكال مرتبه وحلوة
وفي محل بالطابق الارضي اسمه الحلوة طبعا انا لازم يعطوني نسبه هالمحل
من كثر ماسويتلهم دعاية :eh_s(2):
عندهم عبي وااااااايد حلوين وملافع ودراريع صج غالي بس شغلهم متعوب عليه
لان خامتهم ماتلاقينها الا عندهم وملافعهم تطريز الي فيها باليد عشان جي غالي
بن داوود حليو بس ماجلتنا منه اهم شي
طبعا 90% من هالمعلومات من أختي وأمي
لاني ما رحت وايد السوق
وبسألج باجي القروب وأردلج :d
عمره مقبوله
دعواتج لأبوي ولي بالفرج القريب وربي يعوضني خير
ويكفين شر من نوى علي بـ شر:eh_s(2):
السموحه قرقت وايد
