بـنـات عفيه ساعدوني .. أبي أضعف

[N.MJROO7A]

،


السلام عليكم ورحمة الله وبركاته

بدش بالموضوع دوغري
انا وزني 63 وطولي بالخمسينات يمكن 55 ، مادري ماعرف جم!
بنات ابي اضعف تعبت ، شكلي متينه قمت استحي اطلع من البيت
لأن اصلا انا كنت ضعيفه بس متنت فكل من شافني قط علي كلمة "متنانة صايره شكبرج":eh_s(16):
منو وزنها قريب من وزني؟ وضعفت؟ وعلى شنو .. انا مستعدة امشي واسوي رياضيه
والتزم بالريجيم بس ابي ريجيم فيه اكل عشان ما ايوع .. واحرم نفسي ومابي كيميائي

شرايكم برجيميات طالب الشمري تنفع معاي؟ :eh_s(11):

وبس طولت عليكم ، ومشكورين مقدماً

 

[N.MJROO7A]

،


Up Up
بدعيلها وايد الي تساعدني
مالي غيركم بنات

 

[Pinky -cat]

حياتي انا هم قاعدة امتن شوفي حبي وين ما لقيتي شغل سوية بالبيت حوسي نظفي رتبي ، روحي جمعية يبي هلاامور:

1- روب خالي الدسم ، جبن خالي الدسم ، توست ، تركي مدخن ، حليب خالي الدسم او خفيف.

2- شابورة رجيم لونه ازرق الجيس ، واكلي مشويات دياي لحم.

3- اشتري لوز نيي ، تونه بالماي ، خس وتفاخ اخضر.

4- شوربة خضار ، بروكلي وخيار وطماط.

5- عصري ليمون وشربي واكلي كيوي واناناس طازج.


قطعي شوكلت وقطعي بطاط وقطعي عيوش. ووخري عن المعكرونه ، ومافي اكل ونوم كلش ، وشوفي وين في دري
وصعدي ونزلي

 

[Pinky -cat]

انا ببدي بهالامور وانشالة بيكون لها تاثير

 

[N.MJROO7A]

،


حبيبتي مشـكوره وايد ، بس خاطري بنظام غذائي لأنه انا ماينفع معاي جذي
كل شوي اقعد اخربط ، ابي كلام امشي عليه

ومشكوره حبيبتي ما قصرتي

 

[طريق السعاده]

نصيحه خلك ع التخفيف ورح تنحفين بدون جوع

انتي رتبي برنامج خاص فيك فيه كل العناصر الغذائيه وبكميات قليله
مثلا

فطور بيضه مفيوحه + سلطه بدون ملح طبعا استبدلي الملح بالليمون وشوي خل وشوي زيت زيتون خلي هالخلطه تتبيله سلطه دايم + شريحتين توست اسمر
غداك يكون ي سمك او دجاج او لحم قطعه عندك خيارين ي تشوينه او تفوحينه وانا احس المشوي احلى طعم لكن براحتك
+ صحن سلطه
العشاء كل ماقدرتي خليه خفيف تقدرين تكتفين ب علبه زبادي او سلطه زبادي وخيار او سلطه فواكه المهم تتعشين قبل 8 بعد هالوقت توقفين اكل وتكتفين بالمويا

اساسيات

تشربين ماي لتر او لتر ونص طوال اليوم
القهوه والشاي بدون سكر
مسموح لك ب التمر عدد 3 او 5 تمرات وقت القهوه وتقدرين تستبدلينها بالكاكاو الميني ذيك الي تجي قد الاصبع عرفتيها والكتكات اقل الكاكاو كالوريز طبعا مو كل يوم بس يعني اذا اشتهيتيه مره بالاسبوع كذا

المشي نص ساعه فاليوم ضروري وشي اساسي وتقدرين تخلين يوم بالاسبوع راحه من الرياضه

طبعا لو حصل وشتهيتي شيء كلي منه 3 ملاعق فقط مو تجيبين العيد !!
وقد ماتقدرين تحملي وحاولي ماتشتهين لان كل مره تاكلين 3 ملاعق تاخر عليك النزول ف اذا مره جت بخاطرك خذي واذا قدرتي تستغنين رح ينزل وزنك بسرعه ومامنعتي نفسك من شيء
المعجنات ممنوع والوجبات من المطعم اذا اشتهيتي شيء من برا عندك صب وي اكل صحي ولذيذ وينفع بس مو كل يوم عاد مره او مرتين بالاسبوع
الغازيات طبعا ممنوع حتى الدايت منها

حاولي تغيرين عاداتك بعد يعني ماتاكلين وتشربين خلي المشروبات بعد الاكل بساعه او قبله بساعه وقت الاكل خذي معك نص كاس ماي لو حسيتي محتاجه تشربين شيء يلين اشربي منها شفات بسيطه تساعدك ع الاكل نوم بعد الاكل طبعا لا لا لا الا لو ناويه تطلعين لنفسك كرشه



يارب قدرت اساعدك لو بشيء بسيط

للعلم انا وزني نفسك حاليا وناويه باذن الله اوصل للمثالي

الله يسهل لي ولك يارب ولكل الصبايا

 

[طريق السعاده]

شوفي هذا الموضوع حسيته رح يفيدك

http://www.q8yat.com/t1127300.html

 

[(حكاية قلب )]

,’
اشتركي بدآيت سنتر او دخلي نيوترشين اذا عندكم بالكويت
اعرف وحده كانت مليانة مربربة الحين صارت اضعف مني
اشتركت في نيوترشين وحيل فادها
..​

 

[N.MJROO7A]

،


حبايبي مشكورين ما قصرتوا
وان شاء الله بتبع الي قلتوه
والله يضعفني ويضعفكم بصحه وعافيه يارب

 

[Koko7taty]

امييييين



اب اب اب

​

 

[دلال كووول]

ما جربت رجييمه بس رجيم المطوع زيييين جربيه​

 

[سلطانة الاحساس]

دشي تجمعات بنات احلى شي وحده تشجع الثانيه وانا مسويه تجمع دشي فيه اشتركي الرابط بالتوقيع

 

[اميره بكلمتي]

اذا انتي تحبين تأ كلين وبنفس الوقت بتضعفين دشي بشركه تغذيه ماتنحرمين ووزنك ينزل وياهم

 

[متجر جنات عدن]

للرررررفع