بفتح مشروع و محتاجة للمساعدة - بفتح مجلة ؟

[airina]

السلام عليكم و رحمة الله و بركاته ..

بنات كويتيات أنا عندي مشروع صغير و مقرره أفتحه .. و هو عبارة عن إصدار مجلة مثل مجلة فتيات أتوقع الكل عرفها .. و أنا عندي قدرة على الرسم .. بس شلون أبدي بهالمشروع .. ؟

دورت على النت و لغيت إن البنك الصناعي يقدم قروض ممتازة للمشروعات الصغيرة و بالطريقة الإسلامية .. بس ما أدري راح يوافقون على مشروعي و إلا لا ..
إي وحده عندها خبرة بطريقة فتح المجلات .. محتاجتها و دي أعرف شلون أفتح هالمجلة ., :eh_s(7):

 

[أغلى الأثمان]

سوي دراسة جدوي

اكتبي بكووووكل ........ دراسة جدوى لمجلة

البنك الصناعي بس علية اياثث المكن والباجي كل عليج من رواتب الموظفين والمكان الخ

مع تحياتي .........

 

[متجولة *]

ماانصحج الاقبال على المجلات قل خصوصا بعد النت

 

[fara7-2009]

هلا حبيبتي .... موفقه ... انا اول من يساعدج ان شاء الله .. وراح اكون مخرجة حق المجلة ... موفقه

 

[shurooq]

تحتاجين ترخيص حق المجله بس مادري من وين اسالج باجر


تحتاجين الى

مصحح لغوي

مخرج او منفذه يصمم لج الصفحات


مطبعه تتعاملين معاها

محررين يعتمد على اقسام المجله

تحتاجين الى سكرتير

فاكس

اجهزة كمبيوتر

مكاتب ادوات مكتبية


طبعا تاجرين مكتب حق المجله

رواتب الموظفين طبعا


شوفي حبييتي اذا انتي جاده انا اقدر افيدج بجم معلومه اتوفر عليج

من ناحية التحرير وتوفير بلفلووس بس انتي وشطارتج عاد


بس فهميني المجله بالضبط عن شنو وشنو رؤيتج فيها

يعني

بس سوالف موضه واخبار

ولا تبين لقاءات

وتحقيقات

وتغطيات

وعن شنو

 

[Mig.MiG]

موفقة

 

[واثقه خطاي]

لي عوده واذا مارديت عليج ذكريني لأني انسى عشان فيه شغله ممكن افيدج فيها بس اتأكد منها بالاول

 

[LoloBlueStyle]

الله يوفقج يارب

شوفي الرابط اللي بتوقيعي ..يمكن اكون رئيسة قسم الاطفال .:klhfl:..لوووول
عطيني رايج
ومستلزمات المجله مااعرفها ...
اتمنى من كل قلبي تتوفقين ...

 

[airina]

مشكورييين و السموحة صارلي أيام يمكن أسابيع ما رديت
المهم هالفكرة معششه في بالي صار لها وقت طويل من كنت صغيرة ..
أنا أعرف أرسم أنمي رسوم متحركة .. و رسمي نوعا ما مقبول و هذي عينه

http://www.mexat.com/vb/attachment.php?attachmentid=1053572&stc=1&d=1263441850

الرسم قريب لرسوم المتحركة اليابانية الأنمي ..
أنا مفكرة إني أسوي مجموعة و أنا و أربع بنات و أنا الخامسه نسوي مجلة فيها قصص مصورة مثل مجلة فتيات ويتج ..
و أتوقع الكل عارفها إلي فيها و يل و كورنيليا و إيرما وهاي لين و تراني .. ^^
أنا راح افتح مجلة و حط قصة أنا راسمتها و كل بنت تحط قصة .. و طبعا ما راح تكون ملونه لأني راح أخليها نفس المانغا اليابانية
ما عدا الغلاف ملون .. ^_^
سمعت عن قرض المشاريع الصغيرة يصل ل 50 الف و أظنه مناسب بس ما أعرف إذا يقبلون مشروعي ..
و يبلي بنات يساعدوني و أجهزة و مكان ,,
أبي نصيحتكم شتشورون علي ؟

 

[الام المحبه]

حبيبتي انا ممكن اساعدك بان اكتب لك مقالات او تقارير تتعلق بالصحة وبالمرأة