بفيدكم وأبي تشجيعكم ( يوميآتي الطفولية )

[طـفولية]

السلآم عليكم ورحمة الله وبركآآآآتة ^_^
- - - - - - - - - - - - - - - - - -
معاكم اختكم ( طفولية ) ..
حبيت أفيد واستفيد ..
موضوعي هذا شامل لعدد من المواضيع :
يوميآت + معلومات .. بتقولولي شلون

يعني .. بكون معاكم يوميا باذن الله تعالى .. بقولكم معلوماتي كلها .. والعناية الي بسويها .. والاشياء الي استفدت منها او لا .. إلخ
ومابي منكم إلا التشجيع + الدعاء =)

- - - - -- - - - - -- - - - - - - - - - - - - - - - - - - -

بعطيكم أول شي المعلومات الشخصية

عمري 20 سنة ..
طالبة
طولي 158
وزني الحالي 68

- - - - -- - - - - -- - - - - - - - - - - - - - - - - - - -

يتبع =) ​

 

[طـفولية]

أولا : العنآية بالشعر


شعري طويل .. بس خفيف ومتقصف وتالف .. بصراحة انا ما اجيسه بالاستشوار .. بس ما ادري شلون اعالجه ..
ويآ بنات كل مرة اجرب اشياء واوقف .. وامللل ..
فقلت ماكو إلا الحنة

إي بنات .. الحنة فوآئدهآآآ وآآآيد سويت عنها سيرج كبييير .. ما شاء الله عجيبة .. مرة وحدة استخدمتها السبت الي طاف .. حطيتها بشعري وصج يا بنات على اني حطيتها بالصالون .. بس صج احس فررق علي شعري ..

ما احب النقل .. بسبقتبس بعض المعلومات عن الحنة عالسريع عشان ما تملون =)

للحناء عديد من الفوائد :
- الرأس والشعر :
أ‌- تخفف حرارة الرأس ، وتنقي فورة الشعر من الميكروبات والطفيليات ، ومن الافرازات الزائدة من الدهون
ب‌- تفيد في علاج القشرة والتهابات فروة الرأس
ت‌- تقلل من افراز العرق
ث‌- تغذي الشعر وتكسبه حيوية وقوة
ج‌- تعتبر أفضل وسيلة لصبغ الشعر لاحتوائها على مادة لونية طبيعية تخترق الشعرة وتصبغها تمامآ دون أن تلحق أي أضرار جانبية .

- الايدي والاقدام :
أ‌- يقضي معجون الحناء على الطفيليات التي تسبب الحساسية ، سواء بين اصابع الارجل أو ثنايا الجسم ، فهي تقضي على فطر التينا الذي يصيب الاقدام وبين الاصابع
ب‌- تمنع المواد القابضة المتوفرة في الحناء تشقق الجلد وتمدده بالصلابة والحيوية

- فوائد عامة :
أ‌- يمتاز نبات الحناء بأن جميع أجزائه ذات فائدة صحية حيث يقال أن لحاء الشجرة بعد غليه يفيد في علاج الدوسنتاريا الاميبية
ب‌- يستخلص من أزهار الحناء " عطر التمر حنة " وهو عطر عربي شهير
ت‌- تستخدم ثمرة نبات الحناء المغلية في علاج متاعب الدورة الشهرية وأوجاع البطن وتفيد في علاج آلام الظهر .
ث‌- يستخدم الحناء في علاج الجروح والتئامها
ج‌- محلل نافع من حرق النار
ح‌- فيها تنفع إذا مضغت من قروح الفم
خ‌- تستخدم في علاج السرطان كما جاء في كتاب " الخالصي "
د‌- تستخدم في التحنيط لاحتوائها على مادة مطهرة تقتل الفطريات
ذ‌- تستخدم في الترطيب والتنظيف والتطهير

وقد أخذت شركات التجميل تدرك أهمية الحناء في صناعتها، فبدأت تستخدمه في تركيب أنواع مختلفة من الشامبو ، ومنظفات البشرة ، وكريمات لمعالجة تشققات البشرة

يتبع =)​

 

[طـفولية]

اول شي بنزل لكم جدول العناية بشعري عشان تكونون معاي بالصورة =)




خلطات الحنة ان شاء الله كل ما اسوي خلطة بقولكم عنها .. وعن فايدتها .. باخذها من رفيجتي ما شاء الله عليها خبيرة بالهسوالف


ثاني شي انا مآ أأيد الدهن داخل الحنة .. حلات الحنة بروحها لانها حيل مفيدة .. فبقولكم ان شاء الله بالرد القادم .. طريقة عمل الدهن الي موجود بالجدول بالصور باذن الله .. بصراحة حطيته مرة وحدة .. صج ريحته لج عليها .. بس الي مو متزوجة انصحها فيها حيل .. من اول مرة تحسين شعرج يونس ..
بنات ترى انا احط ردود صغيرة مو عشان اقطع بالكلام .. بس ما ابي اسرد وتملوون :$ :$​

 

[miss_math]

يعطيج العافية حبيبتي ..

 

[طـفولية]

طريقة عمل الدهن الي بالجدول ..
خذيت وصفته من اخت رفيجتي .. وتقول في بنات مسوينه وبفضل الله شعرهم من حال إلى حال !!
ربي يتمم عليهم ويرزقنا ..
بس طبعا بنات كل شي يبيله استمرار ..

وهذي المقادير بالصور ..




ربع فنجان ( محلب ) مطحون >> تلقونه عند العطارين .. انا خذيت الجيس بنص دينار


+




ربع فنجان ( حبة بركبة ) مطحونة > انا شريتها من الجمعية وطحنتها بالبيت


+





ربع فنجان ( رشاد ) مطحون >> انا شريته من الحواي .. وطحنته بالبيت ..






حطوهم كلهم بمثل الي بالصورة .. شي فاضي عندكم من قبل او يبيعونهم بالجمعية


وما لقيت صورته للاسف .. بس زيت دلال الكل يعرفه .. تصبونه فوق الي قتلكم عنه حسب تقديركم ..

انا زدت على الخلطة فصين ثوم بشرتهم داخل .. ويتراوالي اهوا سبب الريحة الكريهة بالدهن .. فصراحة البنت عطتني الخلطة بدون الثوم هذي زيادة من عندي ..

وان شاء الله انا بستمر عليه .. مثل ما انا كاتبة بالجدول اذا ربي قدرني ..

البنت قالتلي مرتين بالاسبوع لمدة 4 ساعات .. انا هذيك المرة حطيته بس ساعة وحدة بس ان شاء الله من المرة الياية .. بحطه مثل ما قالت


دعواتكم بنات وتشجيعكم والله تعبت وانا انزل الصور واكتب :cxxxp:​

 

[(كويتيه عسل)]

مشكووووووووووورة الله يوفقج ماقصرتي كملي حبوبه

 

[طـفولية]

ثانيا :

البشرة

ومآآآآآآ أدرآآآك بالهصيف الحمد لله يآ رب ..
البشرة يبيلها عنآآآية ..
انا عندي هالات سوداء تحت عيني .. ومابي استخدم كريمات لان هذا ناتج السهر .. مابي العب ..
فبحط اخيار ان شاء الله ..
والي تعرف شي تفيدني =)


بس بالرد اليآآآي نطروني .. صجججج صججججججج في كريم .. سحرررر ..وببلآآآآآآآش !
بس على ما اصوره لكم وارد ان شاء الله

( برب ) ​

 

[طـفولية]

مس ماث

كويتية عسل

فدييييييييتكم .. وفديت مروركم .. تابعوني .. وان شاء الله بتستفيدووون =)

 

[طـفولية]

مثل ما وعدتكم .. كريم عجيب ..
انا الحمد لله يا ربي متبوشة .. فمع الحر واااي ويهي ياكلني .. ويحرنيييييي .. ويطلعلي نفر صغار .. وبنششششششف ويهي فوق ما تتصورون ..

بس بعد فضل الله ثمممم .. هالكريم .. بس لازم كلللل يوم .. وببلاااش ..
كريم المستوصف الابيض صراحة ما اعرف اسمه .. اهوا رموز .. AUE شي جذي مو متاكدة :$ :$

بس هذي صورته ..
وبعد ان شاء الله ودي استمر عليه حق المناطق الداكنة الي من اثر جروح .. بعد فضل الله .. من زماااااااااان يوم كنت بالمتوسط .. كانت ريلي متشوهة من الطيحات وكنت احطه كل يوم يوم وخفووو ... بس هذا لازم استمرار قوييي ..

بس والله يبررررررد من هالحررر .. غسلي ويهج عدل ونشفيه برقه .. وحطيه على كللل ويهج ونآآآمي ..

وبنات ادعووووووووولي مو تنسون :$ :$

وهذي صورته ​

 

[طـفولية]

بنات هذا جدولي ان شاء الله حق هالاسبوع واي تجديدات .. بكتب ان شاء الله اول باول =)​

 

[طـفولية]

يبتع .. ما يخص الرجيم =)

 

[miss angel]

ماشالله عنايتج تهبل

كملي متابعتج