بقسم الشغل ين خدامتين اشلون خبيرات الخدامتين ممكن ...؟

[n-h-m]

السلام عليكم

انا عندي خدامة سيلانية وقدمت على فلبينية

اشلون اقسم الشغل ينيهم مابي وحدة مثلا فاضية والثانية تكرف

وابي اخصص حق كل وحده شغلها عشان اعرف احاسب منو

وشقتي صغيرة وانا عندي بس طفلين

رضيع وبالروضة

وبخلي الفلبينية لليهال والسيلانية مطبخ



اشلون اقسم هالاشياء وياريت اذا على جدول مثلا شيسون الصبح ليما اخر اليوم
ملابسي وملابس زوجي من غسيل وكوي
ملابس الجهال من غسيل وكوي
تنظيف البيت من كنس ومساح ....الخ
غسيل المواعين
لما اطلع اخذ منو معاي


بصراحة انا جبت ثنتين عشان ارتاح فمابي عوار راس ابي كل وحة اتعرف شغلها

وشنو تنصحوني بعد فيه عشان اتلافى عوار الراس معاهم


شاكرتلكم

 

[*ماي الورد*]

الله يعينج على عوار الراس خصوصا انه شقة
و الله جربت حسبالهم يايبتهم علشان اهم يرتاحون مو انا
شغل ثنتين نفس شغل وحدة ما في فرق
و لا يعطون من قلبهم فاضطريت اني اقلع وحدة لمن لقيت وايد تسيب و خصوصا انه الثنتين سيلانيات
بعدها رجع الوضع مستتب
بس احسن شي سويتيه انهم جنسيتين مختلفين
خلي الصبح وحدة تنظف الغرف
و الثانية تغسل الحمامات
و الظهر وحدة تكوي و وحدة تدش المطبخ تطبخ
وبعد الغدا وحدة تغسل الجولة ووحدة تغسل المواعين
و الويك اند غسيل الدرايش
يعني ماكو شي معين

واذا تبين الفلبينية تمسك اليهال لازم بصراحة تفضينها من شغل البت

 

[الأميرة جوري]

لرفع

 

[DLOOL]

والله الله يعيينج صرااحه الوقفه فيييج فييج بس بالبدايه وهله هله بالروتييين واللي تمسك الجهاال لااازم اتفضينهاا

 

[Om_Ksha]

انا محتاره بهالسالفه بعد .. مافكرت فيها ..

 

[غلا شمر]

رد : رد: بقسم الشغل ين خدامتين اشلون خبيرات الخدامتين ممكن ...؟

هلاا حبوبه..

مثل ماقالت ماي ورد..

الفلبينيه خليها بس لليهال ..

عشان تهتم فيهم وتداريهم .. وتكون معاهم ع طول ..

والسيلانيه للبيت ... شقه ماراح تاخذ جهد للتنظيف اذا قسمتي الشغل صح..

 

[n-h-m]

رد: رد : رد: بقسم الشغل ين خدامتين اشلون خبيرات الخدامتين ممكن ...؟

up up up

 

[7elwa&3soola]

رد : رد: رد : رد: بقسم الشغل ين خدامتين اشلون خبيرات الخدامتين ممكن ...؟

احنا عندنا خدامتين

وتقدرين تقسمينهم ع حسب شطارتهم

اذا لقيتي وحده طبخها احسن من الثانيه خليها للطبخ والمطبخ

اذا لقيتي وحده شاطره بالتنظيف خليها للتنظيف والاطفال

وجذي تقسيمتج تكون صح

 

[ميار2010]

رد: رد : رد: رد : رد: بقسم الشغل ين خدامتين اشلون خبيرات الخدامتين ممكن ...؟

البناااات ماقصرووو

 

[PuPa^^SWeeT]

رد: رد : رد: رد : رد: بقسم الشغل ين خدامتين اشلون خبيرات الخدامتين ممكن ...؟

شوفي قسمي الشغل عليهم كالتالي

الفليبنية لها اليهال -----> بالتالي اتنظف غرفهم و حمامهم و اتغسل هدومهم و تكويهم

السلانية مطبخ و تنظيف البيت + غسيلج و ريلج و كويهم

وانشالله اتشوفين اللي يريحج

​

 

[عيون ملكيه]

الفلبينيه لليهال : من غرفهم و ملابسهم و اكلهم و مجابلهم

و السيلانيه للملابسج و ريلج و المطبخ و الحمامات و الصاله


و الطلعه اكيد الفلبنيه لأنج تبينها لليهال

و اذا بتطلعين و اليهال بالبيت

الفلبينيه و السيلانيه يخلون كل شي و يجابلون اليهال

و الاكل السيلانيه تطبخه و الفلبينيه تغسل المواعين

 

[@ام يوسف@]

رد : رد: بقسم الشغل ين خدامتين اشلون خبيرات الخدامتين ممكن ...؟

لازم اتقسمين الشغل بينهم وحده حق المطبخ تنظيف البيت وتكرمون غسيل الحمامات والثانيه حق غسيل الملابس والاوتي والجهال صدقيني ترتاحين انا جذي مسويه من 5 سنوات ومرتاحه

 

[عاالية]

رد : بقسم الشغل ين خدامتين اشلون خبيرات الخدامتين ممكن ...؟

صح كلام البنات
السيلانية للطباخ والغسيل والتنظيف
والفلبينية لليهال والكوي وترتيب غرف النوم والملابس

 

[dnyay_mll]

رد: رد : بقسم الشغل ين خدامتين اشلون خبيرات الخدامتين ممكن ...؟

انا كان عندي ثنتين
وحده للعيال وكوي ملابسهم
والثانيه شعل البيت

 

[q8yah]

نفس كلام البنات وبعدين حسب اليهال يحبون منو مو شرط

 

[nwir72]

رد: رد : رد: بقسم الشغل ين خدامتين اشلون خبيرات الخدامتين ممكن ...؟

الفلبينيه للجهال وبس والسيلانيه حق شغل البيت كله وهذا نظامي انا شخصيا اسويه ومرتاحه والحمدلله

 

[om al ghaleen]

خدامتين وايد لويه كل وحده تقط شغلها ع الثانيه اذا ماجابلتيهم
الفلبينيه خليها لليهال وشغلهم والسيلانيه خليها لشغل البيت
وفهميهم زين كل وحده تقوم بمسؤوليتها وانج عارفه شنو قاعد يصير في البيت

 

[bambena]

وحده لليهال وغرفهم وهدومهم وحمامهم تكرمين والثانيه لكم وغرفكم وهدومكم

انا عدد الغرف بالتساوي بينهم فخليت الصاله كل يوم على وحده يعني اليوم هذي تنظف الصاله وباجر الثانيه وجذي

 

[غلاي غير]

الله يعينج
جبتي الشقا لنفسج والمغثه

السيلانيه والفلبينيه بالشقه ما يتوالمون
بعدين عندج بس 2 وواحد منهم بالروضه

يعني طول الدوام فاضين وماعندهم شغل