بقولكم شنو كليت اليوم وقولولي يمتن او لا ؟

[جلكسيــه]

قوة بنات شلوووونكم ؟

ما اطول عليكم انا صارلي من شهر تسعه اسوي ريجيم واخربه ما عندي اراده قويه وظروفي تجبرني اخرب الريجيم بحكم دوامي وبيتي وعيالي وجذي وهم بعد اذا زرتي ناس وحليتي وتعشيتي خخخخخخ:rgewrg: الى اخره يعني وحده مخربتها مخربتها ..... عاد والله ما اقولكم اني وايد اكل لااا بس اكلي كلش مو دايت دسوم وكذااا:eh_s(4): اوك هههه المهم عاد امس والله قلت خلاص لي متى يعني كل هذي الحالة وامس الحمدلله اكلي كان حيل خفيف كليت توست اسمر ولبنه دايت وعصير اناناس ريوق وما تغديت لاني قمت عاى الساعه وحده وعلى العصر شربت نسكافيه والمغرب شاي اخضر وشابورة ريجيم والعشا كان الساعه 9 سلطة فواكه وعصير برتقال ونص خبزه سمرا صدر دجاج مسلوق وخس ومايونيز دايت والحمدالله ما جعت وسهرت لي الساعه 3 وقزرتها خلال السهرة شاي او فراوله وبس اوك ... لكن المشكله اليوم اني اول ماقمت شربت شاي وحليب طبعا كامل الدسم وتغديت وجبة فاهيتا من المطعم والمغرب رحت استقبال رفيجتي وتقهويت وحليت بالكاكاو وشربت شاي بسكر وفطاير وكبب .. والعشا رحت لبيت اهلي وطلبوا فطاير مشكله وبيتزا وبيبسي ومعاهم انا عالخط :eh_s(7): شرايكم ؟؟؟ خربتها صح ؟؟ بس قولولي اكلي اليوم يخرب ريجيمي اللي بديته امس اولا ما اعرف احسب سعرات الاكل اللي خربطت فيه ....:eh_s(10):
منو تساعدني؟

 

[om MaRyooM]

لوووول

اسم الله عليج ماخليتي شي يعتب عليج
ههه


اكيد خربتيها ونص بعد

الكبب مقلية يعني ابوووو الدهن
والبيتزا في صلصة وعجيين
غير الفطااير
وغير حلو القهوة اللي نبلع فيها جنها حب مصري واهي فيها بلاااوي سعرات
يمكن الوحده فيها ما لا يقل عن ٣٠٠ الحبببة الوحده



ميخالف خربتيه اليوم ردي صلحيه باجر

واا ماتقدرين تحرمين نفسج عالاقل خففي بس امشي
ظرووري المشي عشان تحرقين اللي كليتيه

 

[فطوم السعوديه]

ههههههههههههههههههههههههه

جبتي العيد بس عادي


انتي بالبدايه خففي الاكل

بعدين داري وانتبهي للسعرات الحراريه قد ماتقدرين اكلي اشياء نباتيه

 

[صادقة بكلمتي]

الله يرزقج الصحةوالعافيه حبيبتي اهم شي لو تبين الرجيم يكون نهج بحياتج وتستفيدين ضربي وزنج اب15ولا اللي يطلع يكون السعرات الحراريه اللي لازم يوميا تدخل جسمج لا اكثر ولا اقل واهم شي كل ثلاث ساعات دام انج قاعدة تاكلين لو روب عصير رمان اناناس وكيوي اعشاب شوربه بيض مسلوق دياي مشوي او ستيك سلطه جم قفشه عيش اسمر زين او معكرونه هم اسمر او توست اسمر حاولي اي شي يكون حبوب كامله والروب خالي او الحليب يعني انتبهي لسعرات اكلي حلو كاكاو في بسكوت هم بالجمعيات للرجيم جريب فروت واول ما تقدين من النوم غسلي جسمج واعضائج بكاس ماي كبير و ترا الجسم بعد الثلاث ساعات ان ما كلى شي لو بناكلين اي شي لو رجيم يخزنه لانه يفرز هرمون من خوفه من الحرمااااان ان شاء الله اكون فدتج

 

[حجيه هيونه]

ماعندج حل وسط ههههههه

امم يمكن لانج حرمتي نفسج فجأه صار عندج رد فعل عكسي

ابدي شوي شوي ولاتحرمين نفسج وبدل ما تاكلين يوم ويوم تصومين وازني الامور

المنتدى متروس رجيمات حلوه جربي شي منها

 

[فجر_الكويت]

ان شا الله تضعفين بصحه وعااافيه يااارب

 

[B7rainia]

التززززمي مايصير جذي تضيعين تعبج!!

خلي ارادتج قوية واذا ييتي بتاكلين تذكري الكشخة والثياب وترى السالفه سالفه تعود مب اكثر

لا تعقدين روحج بالريجيم سوي ريجيم معقول ماتيوعين فيه يعني تاكلين تسدين يوعج بس ماتكثرين

والرياضة ضرورية لازم تمشين اذا مب كل يوم ع الاقل يوم وترك ٤٥ دقيقة

 

[Laidy n3ooma]

انتي مو بس خربتيهاااااا

انتي جبتي العيييد خخخخخخخخخخخخخ

باختصار ماعندج اراده واستسلمتي بالاكل اللي جدامج

مادري شاقولج اذا ماعندج اراده محد يقدر يفيدج

اشتركي بجيم وخليه روتين يومي عشان مايانبج ظميرج

 

[منور العنزيه]

خربتي كل شيء !!!!!!!!!!!
جبتي العيد
مو لازم كلش تاكلينه
ممكن اذا غصبوك اكلي قطعة صغييرة

 

[om.googi]

اختي انتي من النوع اللي ما يلحق يسوي جدول ريجيم واللي كنتي تسوينه هذا مو اكل تخفيف يسمونه غذاء صحي ,, !

انا اقووولج ع شي وان شاء الله اييبلج نتيجة ,,

بعد كل غدا شربيلج عصير اناناس kdd وبعد كل عشا شربيلج عصير اناناس واذا عندج اناناس فرش اكليه بعد العصير

وعالريج الصبح شربي واحد منه يسد الشهية يعني تاكلين اقل من أكلج المعتاد ,,

بالكويتي اشتريلج كرتونين عصير أناناس وجربي شهر وشوفي وزنج جم ينزل ,,

ومشكورة ..​

 

[انوثتي غير وياك]

الله يرزقج الصحةوالعافيه حبيبتي اهم شي لو تبين الرجيم يكون نهج بحياتج وتستفيدين ضربي وزنج اب15ولا اللي يطلع يكون السعرات الحراريه اللي لازم يوميا تدخل جسمج لا اكثر ولا اقل واهم شي كل ثلاث ساعات دام انج قاعدة تاكلين لو روب عصير رمان اناناس وكيوي اعشاب شوربه بيض مسلوق دياي مشوي او ستيك سلطه جم قفشه عيش اسمر زين او معكرونه هم اسمر او توست اسمر حاولي اي شي يكون حبوب كامله والروب خالي او الحليب يعني انتبهي لسعرات اكلي حلو كاكاو في بسكوت هم بالجمعيات للرجيم جريب فروت واول ما تقدين من النوم غسلي جسمج واعضائج بكاس ماي كبير و ترا الجسم بعد الثلاث ساعات ان ما كلى شي لو بناكلين اي شي لو رجيم يخزنه لانه يفرز هرمون من خوفه من الحرمااااان ان شاء الله اكون فدتج

:eh_s(15):