بقول قصة بصف ولدي للاطفال باجر! عطوني افكار عفية؟

[كـلا كـلا]

ولدي باولى روضة بمدرسة خاصة
وعندهم هالاسبوع اسبوع قراءة وباجر انا راح احضر عندهم ربع ساعة اقدم فيها قصة للاطفال
شرايكم شعطيهم؟

عندي قصة اسمها القرد الهارب
بس ما احسها هادفة عادية
يمكن اقدمها عالباوربوينت
وافكر اوزع عليهم ورقة فيه رسمة قرد او رسمة متعلقة بالقصة يلونوها بعد ما انتهي
او اوزع شي له علاقة بقصتي

عندكم افكار؟

على فكرة اهما الحين خبرة الماء والهواء بس ابلته قالتلي ان عادي اي قصة حتى لو برة الموضوع


شكرا وبانتظار ردود المعلمات المبدعات :eh_s(6):

 

[راقية باخلاقي]

حلوة افكارك بالعكس قدميها

 

[saroona-84]

تلاااقين بالانترنت قصص جاهزه بالبوربوينت خاصه لرياض
وحلوة فكرة تلوين مشهد من القصة
بالتوفيق..

 

[nero]

حلوه قصص الحيوانات يحبونها الاطفال

فكرتج حلووه .. اهم شي يكون السرد مشووق

وتغيرين نبرات صوتج عشان تجذبين الاطفال

والله يوفقج .. نبي انطباعج عقب ما تخلصين من القصه

 

[saroona-84]

اي صح نبي انطباعج
وشنو شعورج اثناء سرد القصه لما الاطفال يكونون منتبهين ومركزين معاج
انا بصراااحه احس بنشوة موطبيعية لما احد اطفالي يسرد القصه اللي سردتها لهم وبذات لما يستخدم نفس الالفاظ والتعبيراات والله استانس

 

[كـلا كـلا]

هلا وغلا

اليوم قدمت القصة حدهم استانسوووووووووووو واندمجوا معاي

اول مادشيت عرفتهم على نفسي وخليت واحد واحد يقولي اسمه

بعدين قعدت اسولف شوي معاهم عن الحيوانات وشنو الحيوانات الموجودة بحديقة الحيوان

بعدين قلت لهم انا اليوم بقولكم قصة عن القرد ( طبعا الغالبية يسمونه مونكي مو قرد!)

وقلت القصة ومثلت شوي وخليتهم يعدون معاي باصابعهم كم من الفواكه اكل هذا القرد

وشلون انحاش من الحديقة وحدهم مستانسين والله

وطبعا لما خلصت قلت لهم شنو الاخطاء اللي سواها القرد؟؟

انحاش + ياكل ويقط عالناس وعلى الارض + ياكل من غير ما يقول بسم الله + ياكل وااااااايد لما بطنه صار كبير حيل
( هالاشيا ضفتها عشان احس ان القصة فيها هدف )

ويبت كاميرتي وعطيتها الابلة وخليتها تصورني وانا اقول وتصور اليهال وناسة

وولدي مكيف حبيبي عسى الله يحفظه

والابلة حيل تشكرت مني تقول انا استفدت من القصة افكار حلوة

بس للاسف ماوزعت لا ورقة ولا حلاو ما مداني اشتري شي والورقة ماطبعتها

الحين بحط لكم فايل البوربوينت

 

[كـلا كـلا]

شلون احمل فايل باوربوينت؟؟ نفس طريقة الصور؟؟
لان جربت ماصار ماعرفت شلون انا اعرف احمل صور بس فايل لا؟؟

 

[كـلا كـلا]

طبعا عن كل نوع فاكهة اسألهم تحبونها ؟؟ او مثلا الله تفااااح او اي تعليق يشوقهم

تـــابع

 

[كـلا كـلا]

وكل صورة نعد مع بعض بصوت واحد باصابعنا كل حبة اكل؟!

 

[كـلا كـلا]

وخلصت القصة
عطوني رايكم بليز

 

[nero]

حلوووه القصه

والحمدلله استانستي وقدمتي شي مفيد حق الاطفال

يعطيج العافيه وان شاء الله ما تخلى رياضنا من هالتجارب

 

[كـلا كـلا]

شكرررا حبيبتي

 

[الصابرة المحتسبة]

عساج على القوة .....ترى ركن الإستفسارات الحاسوبية يقدر يساعدج ماشالله عليهم البنات هناك ما يقصرون ........طبعا اللي بالمنتدى

 

[saroona-84]

ماشالله عليج صج خوووش ولية امر..
تصدقين حلوه هالفكرة.. اولياء امور يسردون قصص..بطبقها انشالله الكورس الثاااني
يعطيج العافية وعساج عالقوة..

 

[شمس]

وناسه

 

[كـلا كـلا]

شكرا سارونة رفعتي معنوياتي
اي والله طبقو هالاشياء بالحكومة
هذا يعزز دور ولي الامر مع المدرسة
ويزيد ثقة الطفل بنفسه وهم اللي معاه بالصف مستانسين ان تغيير
ام واحد من اصدقائهم

ويقول ولدي ان يوم ييتهم قلت القصة يوم طلعت وصارت حصة الانجليزي يات ام وحدة من بنات صفه
وقالت لهم قصة بالانجليزي
يقول قعدت معانا عالزولية وورتنا القصة وقرتها
وبعدين وزعت عليهم قصة صغيرة مربعة مربوط معاها بشريطة جيسة كاكاو
يحليلها

 

[saroona-84]

العفو حبيبتي تستاهلين
حصة انجليزي.. اي روضه هذي
اكيد مدخلة ولدج روضه خاصه.. صح؟

 

[كـلا كـلا]

اي حبيبتي مدرسة ثنائية لغة

 

[عهود الحب]

حلو والله زين سويتي ونستي وليدج عسى ربي يحفظه
عندي سؤال فيه نوع من الطفاقة
من وين جايبه القصة شكلها حلو وشكلي قاريتها وانا صغيره :/
مارة علي ههههههههههههههههه
اذا من موقع ممكن تحطينه للاستفادة
ترى مستحية وانا اقول طلبي بس ادري ماتقصرين :/
:$

 

[ريم الخبر]

والله فكرتكم حلوه الله يعطيك العافيه شكلي بــ اقترحها على روضة ولدي ..