بق الفراش سبب لنا امراض جلديه :(

[Behtar]

السسسسسلام عليكم

شسالفة حشرة الفراش منتشره واايد بالكويت
ويع الله ياخذها سببتلنا امراض جلديه
والله طلع لنا ع اجسامنا مثل بقع حمرا تخرع وتحك
والمصيبه هالقع تخلي اثر وماتروح والله شوهت جسم اختي صارت بقعه سوده
راحت راجعت اشكثر ولا فادوها
والحين بادي فيني الله يستر عاد ريلي تهمه هالاشيااء وبسرعه تلوع جبده
لان بصراحه الي باختي شكله مؤرف الله لايبلانا
المهم الي ابيه شلووووون افتك من هالحشره ابيت كبييير لا ومنتقل بشقتي بعد
وانا شقه شلون اعرض اثاثنا بشمس خصوصا مو كل الدرايش اطلع عليها شمس
والي تعرف بخصوص البقع الحمره هم تساعدنا
وتسلموون *

 

[*ماي الورد*]

انتي متاكدة انه بق
لا يكون مرض جلدي معدي
شنو اعراضه الحبوب طالعة بالجسم كله و لا الاماكن المكشوفة
عالعموم غسلي جسمج بماي و ملح و اذا تاخذين من ماي البحر و تسخنينه و تسبحين فيه افضل

 

[Behtar]

يمه خرعتيني
لا بالجسم كله اختي جسمها كللله
وتوه طلعت بيدي وحده
بس والله شكثر نصيد الحشره بفرشنا
ونفس شكلها الي سويت عنه بحث
وقريت وحده جسمها بقع احمر منها
مادري شالحل خواتي

 

[كلنا عشاق لكن]

بدلوا المراتب وحاولي تخلين جيسها عليها
باجي الأشيا كفرات ومخاد وو للمصبغة على طول
ويمكن الحساسية من القطنيات سواء فراش والأ ملابس هذي تبقع ترى
ويسمونها حسياسية القطنيات ولها سبراي ودهان بالصيدليات
وماتشوفون شر يارب​

 

[Behtar]

مادري عيل جان الدكاتره قالولنا
مادري بس احس من الفرش لان كلنا فينا جذي
وشلون اغير مراتب وهو منتشر حتى بالخشب
وتقط بيضها حوالي اكثر من 60 بيضه
سويت بحث وصراحه شفت نفسي البقع من الحشره شنسوي !!!
وتخيلوا توني فسخت التوب ولا اشوف قاعد ينتشر بسرعه على ايدي كامل
لو ماخاف ربي جان صورت وريتكم

 

[Behtar]

شدعوه وينكم

 

[*ماي الورد*]

شوفي انا ولدي طلع بايده و ريوله
قال الدكتور اكيد عندكم بق او زرع بالبيت قتله لا هذا و لا هذا لانه ينام معانا بالسرير و احنا ما صار فينا
المهم وديته دكتور ثاني قال لا هذي عدوة من المدرسة
وعادا اخوه
و اخذ شهر علا ماراح قالي غسليه بماي و ملح
وانا استعملت الفاكورت طبقة خفيفة كلش بس ليلحين مبقع جسمه جنه عنقز

 

[noorq8]

ماتشوفون شر .

طالما انتي واثقه انها الحشره فماقدامكم الا حل واحد ترشون البيت ويظل يوم كامل مسكر روحوا فندق وعادي يرشون الكبتات وكل مكان بس أهم شي 24 ساعه المكان ماينفتح وعقب غسلي ملابسكم وشراشفكم وماله داعي مصبغه حرام تنقلون العدوى لغيركم, وراح تختفي للأبد ولاحظي تراها سريعة التكاثر جدا جدا ومافي لها علاج غير الرش , والله يعينكم , وعادة تكون متكاثره بالخشب فخل يركزون على الأسره وظهر الكبت

 

[<<لمار>>]

يبي شركة ترش البيت وتنظفة لج

 

[رفيعة الشآآن]

اذا عالبيت كله انصحج بشركة ترش البيت
واذا بس جم غرفة يبي بيف باف الكهربائي وزعيه على بلاكات الغرفة
انا من جم يوم كان بغرفتي
بس غيرت الفراش و حطيت بيف باف الكهربائي والحمد الله راح

هذا موسمهم وخصوصا للبيوت الي لها حدايق

 

[Behtar]

خلاص قررنا انييب شركه تنظف
امرنا لله بنتشتت
وعاللي فينا ذكرتيني بغسل بماي وملح
وعن العنقز ياينا قبل وصج هذا يشبهه بس انا واثقه من الحشره
*

 

[خالف تعرف]

بق الفراش مشكله صادفتنه شخصيا
هذي حشره تنخش داخل الدباجات والماستر تنخش وماتطلع الا بالظلمه
واهيه سريعه التكاثر يعني انثه وحدا تقدر اتييب اكثر من ٢٠٠ بيضه
ومايروح لوشونو لا بادويه ولا بشمس الحل قطو الاثاث بكبره لان لو تشقون اطراف الفراش بتشوفين الحشرات ممالك مو شويه
وباليل يقرصونكم ويمصون الدم لان هاذا غذائهم فمافي حل احنا سوينا كل شي اخر شي قطينه الفرش بكبرهم لحقي على باجي الاثاث لان بسرعه يتعاده يعني يتعلقون بملابسكم وتقعدون بالصاله ينتقلون للقنفات

 

[*ماي الورد*]

انزين شلون شكله

 

[Behtar]

شوفي اهو يطلع جنها قرصه دائريه حمره ويمها وايد جذي
وودي احكها وبالغلط حكيت وحده الله لايوريج طلع شكلها تقرحات ومرتفعه عن سطح الجلد
شكلها بضبط جنه احد حارقج بزقاره لولقيت باالنت صور حطيت

 

[ام جني 2011]

حبيبتي في جهاز اسمه الرنبو
هو شكل المكنسه الكهربائيه
وله وظايف كتير ممتاز ويشيل هذه الحشره ان شاء الله
وزوجي بيشتغل في هذه الشركه لو انتي عاوزه يجيلك حد ويعملك عرض
علي الجهاز ردي عليا وانا ابعتلك حد هو غالي حبتين بس رائع ومعاه هدايا كتير
وربنا يبعد عنكم الشر يارب

 

[law love]

واي يمه شي يخرع اول مره ادري انه قوي ليه هالدرجه

بنات نصيحه مره سمعتها في برنامج اوبرا خمو الماترس اللي اهوه الدوشق بالمخمه الكهربا بين فتره و فتره عشان ما تتكود هالحشرات و هواو الغرف
و كل اسبوع غيرو الچوادر اللي اعيا الشراشف

 

[*ماي الورد*]

شوفي اهو يطلع جنها قرصه دائريه حمره ويمها وايد جذي
وودي احكها وبالغلط حكيت وحده الله لايوريج طلع شكلها تقرحات ومرتفعه عن سطح الجلد
شكلها بضبط جنه احد حارقج بزقاره لولقيت باالنت صور حطيت

بالضبط نفس اللي طلع حق ولدي بس بايده وريله

 

[LoLaTi]

بنات شلون شكلها ؟؟؟؟
وووووووووووووووووووووع لاعت جبدي قمت اوسوس

 

[انصاريه قمره]

اي حرام ببيت ا هلي بدار اخووي جذي بدلنا الفرش نظفنا ماكو فايده اهي تطلع اعتقد لانه الاثاث قديم طل شي قطووه ونظفوا الدار عدل مدل وهوهااا وبطلوا الدرايش بعدين ييبوا اثاث يديد وفرش يديد وشوفي

 

[Behtar]

ماي ورد والله مايندرا بس مليون بالاميه من حشره الي فينا
بس والله اعرف ناس يابوا شركه بعد ١٤ يوم الي اهي وقت تفقش البيضه ردلهم وقاموا يتقرصون
شالحل الله يقطها من حشره
واصلا هالحشره يايه من امريكا شعب الجرب استغفرالله
يعني حتى ملابسنا لازم انرش فيهم