بكيف منو ..؟؟

[Patcholli]

مساء الورد ...
:



:

طبعا بما ان الصيف قرب وشقحنا من الشتا لي الصيف وماندري عن الربيع ..

طق براسي اسوي تان ..

ومستانسه واتفقت مع ارفيجتي ان انروح نسوي بالصالون .. طبعا انا عمري ماجربت هالسوالف بس اهي خبره من جذي دقيتها سلف وقلنا بنسوي ..

وانا انجب الغدا امس قاعده اسولف حق ريلي ان بنسوي تان ان شاء الله وكنت بقمة الحماس ..

ويتلي الصاعقه .. لما جعمني وقص السالفه و قال .. بكيف منو ؟؟ وبأذن منو ؟؟ :eh_s(10):

اهني شرقت وعيني صارت جذي :eh_s(2):

قتله ليش ؟؟ شنو بعد ؟؟ بإذني انا ..

جان يقول ماكو تان .. مو على كيفج ..

قتله عفيه.. شنو.. ابي :eh_s(2):

ليش لا ؟؟

طبعا ماكو جواب غير(( بس ))..

قتله كيفي جلدي حتى جلدي متدخل فيه (( بدا اللف والدوران ))

جان يقول اي طبعا كلشي حتى الفرق الي براسج اتحكم فيه ..

عاد طنشت و يصير خير لي اسبوع الياي احتمال ارد افتح الموضوع معاه او احطه تحت الامر الواقع ..

وترى مايت على التان بس :eh_s(2): .. حتى تاتو الحواجب ممنوع .. صبغ الشعر ممنوع .. حمره حمره ممنوع بكل مكان حتى بين اهلي (( امي وابوي خواتي )) بس حقه اهو عادي ..

السؤال الحين ..

شنو الاشياء اللي تحسين ان زوجج له حق يتدخل فيها وشنو الاشياء الي تشوفينها خاصه فيج وماله حق يقولج اي او لا ؟؟ وتسوينها بدون مات شاورينه ؟؟

خاصه سوالف الميك اب واللبس (( عشان لاتطمر وحده اقصد داخل البيت وبين االاهل .. ))

؟؟


ومره سويتي شغله بدون ماتشاورينه واتفاجاتي انه عصب وزعل ؟؟


::

:




يلا ناطرتكم :eh_s(7):



​

 

[ElN00R]

انا عن نفسي ماحب الزوج الي يتدخل في انوثة المراه واهتمامها بنفسها لان هذا شي مو من حقه اهتمامج جزء من شخصيتج وكلنا انحب الزين واستغرب من الي تستانس وتقول ريلي مانعني ويغار علي انا اشوفها انسانه ماعندها شخصيه مستقله وسامحه لزوجها بتدخل شي ماله حق من الاساس فيه

وانتي يمكن عودتي ريلج على جذي تحكم ماله داعي ف حبه حبه معاه وشاوريه لا تاخذين السالفه عناد حاولي تقنعينه بالي تبين

 

[خوخة سمسم]

ههههههه ريلج شكله مثل ريلي

كل شي يبيني اشاوره فيه ..

مرات اقول فخاطري انا حقي انا ومن حقي اسوي اللي ابيه ..

بس ماقدر اعارضه اولا لاني اخاف الله وثانيا لان اموت فيه ومابيه يزعل ..

 

[خالتي قموش]

مره قصيت شعري وزفني
قبل فتره فتله بحط نوز رينغ
ما رضى يقول تلوع جبدي
يتدخلون بكل شي جبح

بس هم يسوون اللي يبونه
بس حلوه جلدي مو جلدك
ههههههههه عجبتني

 

[ليه الجفآ]

انا عن نفسي ماحب الزوج الي يتدخل في انوثة المراه واهتمامها بنفسها لان هذا شي مو من حقه اهتمامج جزء من شخصيتج وكلنا انحب الزين واستغرب من الي تستانس وتقول ريلي مانعني ويغار علي انا اشوفها انسانه ماعندها شخصيه مستقله وسامحه لزوجها بتدخل شي ماله حق من الاساس فيه

وانتي يمكن عودتي ريلج على جذي تحكم ماله داعي ف حبه حبه معاه وشاوريه لا تاخذين السالفه عناد حاولي تقنعينه بالي تبين

حياتي الاهتمام حلوو والنظافه ضرووريه والسنع شي طيب ..

بس الشغله اللي مايحبها زوجج انه مثلا مايبي يطالع بزوجته بشعر اشقر

في بعضهم مايحبه يمووت عند الاسووود .. طيب مومن حقه يشوف الشي اللي يحبه بزوجته

وحلاله .. ؟؟؟!

طبيعي لازم كل زوجه تعرف الشي اللي يحبه زوجها ويحب انه يشوفه علىى زوجته

من ميك اب .. وغيره بعضهم مايحبون الرووج الملوون الا احمررر ..!!

ولا يحب الشدو .. يبي بس تضبيط حواجب وكحل ..!!

الرجال لهم نظرتهم اللي يحبونها في المره .. ومن حقه يطلبها من زوجته

مااشف فيها اي مشكله ان طاعته فيها .. ومااشوف ان هشي يضعف شخصيتها ان طاعته فيها

اما غيره من نظافه اكيد ماراح يعاضها ..




..............................


وانا يااختي مااشوف اي مشكله في هلامر

يمكن زوجج مايحب الون .. فشلون بيتقبله في زوجته .. !!

وحاب كل شي فيج مايبي تغيرينه .. عاجبته ..

لاتكبرين الامور .. عادي ... ومن حقه ..

مو انتي زوجته واللي راح يطالعها .. ؟!

او تبينه مني ومناك ,,..:d



مووووفقه حبوبه

 

[بولندية]

وااااي الله يعينج ماحب احط شي ببالي و يي احد يتدخل و يمنعني =(

يمكن ريلج ما يحب التان و هالسوالف

اتوقع مو وايد الرياييل اللي يتدخلون بسوالف الصالونات بس قلة قليلة و يمكن ريلج منهم ؟؟

 

[رنيم الروح]

حبيبتي لا تعاندين تعوذي من ابليس ويمكن زوجك مايحب هالشي ليش اتسوين الشي الي مايحبه
لو مكاني وش اتسوين الصبغ ممنوع قص الشعر ممنوع تشقير الحواجب ممنوع اقول بنفسي الحمدلله انه حواجبي طبيعتهم حلوين ولا كان توهقت اقولك بس مره صبغة شعري ماقصر غسلني غسال واخذ فتره مايكلمني ههههه

 

[مطيرية متواضعة]

لانة هو الي بيباشرج يمكن هالامور راح تنفرة منج انتي حقة الي يحبة سوية مثل ما انتي تحبينة يكون نظيف وريحتة حلوة

 

[ماتغير شي]

انا ريلي يتدخل بأشياء واااايد

لون شعري قصة شعري نومتي قعدتي بس الميك اب ما يتدخل فيه


ما تذكر سويت شي بدون شورهـ يخص تغيير بشكلي

 

[الجوهرا]

مايتدخل بس انا استشيره مثلا اذا كنت بصبغ شعري اقوله اشرايك اصبغ هذا الون اذا عاجبه يقولي ايه واذا موعاجبه يقولي لااني بالنهايه انا مسويته له تبادل اراء مثل مايقواون مو فرض

 

[ماني من الناس]

سوي لج ميك برونز عالاقل واخذي درجه كريم اساس اغمق منج عيشي دور انج برونزيه عالاقل يمكن يعجبه ويخليج تسوين


مع اني اشوف ان الوحده حره شتسوي بنفسها هالازواج حاشرين روحهم بكل شي خخ

 

[om-3azo-83z]

حلو يعطيج رايه مو يفرضه فرض عليج
و حلو الزوجه تسمع راي زوجها و تسوي بس مو دايم حسب الوع احيانا الريال يمنع لان ما يحب التغيير او يكون هالشي عاجبه بس تدرين كويتي وين يعبر بذرابه يمكن انتي بيضه و اهوا يحب البيض مثلاااا يمكن مايبي يشوفج بلون ثاني جذي احلى يمكن حاط فباله ان التان مرض و خايف عليج.
بس هم في شغلات مو حلوه الزوج يتحكم فيها احيانا ياخذها عذر من باب الغيره بس بالصج اهيا عرات مزاااااااج مرت اخوي مسكينه يقولها حطي صبغ اظافر بس حدج احمر و بنفسجي انزين شكو المشكله انا لما احط يقولي حلو اللون انزين زوجتك مسكينه ليش مانعها مسكينه كل مره تيي عندي تقعد تتشفق ميته تبي تغير اللون بس اخوي طبعه ما يحب التغير و اهيا طبعها كل ٦ اشهر تغيير كلي عشان لا يمل منها

 

[انثى عاشقة]

انا زوجي ممنوع اقص اصبغ اسوي حواجبي .... بلا بلا
لازم بإذنه وكيفه
خخخخخخخ
بس اقول من حقه لان هو الي يشوف ولازم يعجبه​

 

[يارب يطيب عبود]

قريت موضوعك وزوجي عندي
وقلت خليني اشوف رايه
لاني ولا مرا سالته عن التان
قلت له حبيبي شرايك اسوي تان
قال كيفك سويه وسكت
وبعدين قال سوي تان
واصبغي شعرك اشقر
والبسي عدسات خضرا
وانا مبسوطه انتظره يكمل
عبالي يتغزل فيني
الا واسمع المصيبه




وتصيرين تكرونيه
ويه شكو تكرونيه
ومين قال انهم كذا
المهم حرمت اسوي التان وشلته من راسي>>>> قرقت كثير

 

[qswa]

اي حبيبتي بكيف زوجج

زوجج اهو منظرتج ويحب يشوفج بالمنظر اللي يحب اهو يشوفج فيه احمدي ربج ناس تصبغ وتقص وتركب رمووش مالاحظو عليها ولا اهتمو اصلا بالعكس مفروض تستانسين لانه مهتم فيج ويحب شكلج اللي انتي فيه وبالنسبه للحمره الحمراا غيره يابخت اللي زوجها يغار عليها انا زوجي مانع عني المكياج اذا طلعت ولا حتى مسكره وراااضيه وي حلوها ع قلبي بعد انه زوجي يغار علي واكشخ له برووحه

عادي حبيبتي اللي يبيه زوجج سويه وبكيفه ومو بكيفج لووول

 

[تبوك الورد]

صدقيني بتفاهم والكلمه الحلوه بيوافق انشالله

 

[منال $]

يمكن زوجك ما بحب الون البرونزي وعاجبة لونك الطبيعي
اهم شي يكون عاجبة سواء بتان او بدون

 

[ام كوثر2007]

انا اشوف انه من حقه يرفض او يوافق ..


بعدين الله يهديج لاحقين علي الجلاحه .. الشمس بتصقعنا صقعه تخلينا العن من التان نفسه

 

[lebanon night]

في بعض الازوتج نتيجة العادات و التقاليد واللي بيسمعه بيغكر انوا هل الامور حرام أو غلط
وفي بعضهم متل ما تفضلوا البنات بيحبك متل ما انتي ما بدوا يغير فيكي شعرة
اذا بخاطرك تان أو اي شي رح انصحك نصيحة حاولي تحطي أغنية أو فيلم أو حتى مسلسل بتظهر فيه فنانة عاملة تان و لنقل مايا دياب هيك بنغني احضري حلقة من برنامجها بوجود جوزك
وحاولي تقري رد فعله على لوك الفنانة حبوا كرهوا او اي شي تاني حاولي تستشفي أرائه و نظرته لها اذا عجبوا كتير قوليلوا هيدا التان
اذا لا شو بدك تعملي أمرك لله و حاولي تلاقي فنتكة جديدة
او اذا كتيررر خاطرك روحي عالبحر و عملي تسمير و برونزاج و خدي لفحة من الشمس
اسمه تان طبيعي

 

[english muffin]

مايتدخل كلش
من نوع الي يحب التغيير اهو
بس ساعات لين البس كعب يعلق
وسكني