بلااااات الروضة ياأبلااااات الروضة {{ولية أمر ودي أسأل شلون أميز بنتي بالروضه}}

[le3bah]

السلام عليكم أبلاتنا الاعزاء



بصفتي ولية أمر ودي أسأل أبلات الروضة شلون أميز بنتي بالصف أقصد بالمنهج ،يعني اللي أعرفه انهم مايكتبون بس يتلقون معلومات من الأبلة، زين أنا حابه أسوي مثل مذكرة فيها تمارين يتضمن منهجهم وأطبعها لطلاب صفها تهقون تقبل الناظرة ولا ممنوع والأبلة ترحب بالفكرة ولا لأ؟

 

[عهود الحب]

ها ؟


يكتبون منو :/

انتي تتكلمين عن روضة بالكويت ؟ حكومية ولاخاصة


ولا تتغشمرين هههههههههههه

 

[عهود الحب]

مايكتبوووووووون قريتها يكتبون هههههههههههههههه
مشفوحة وانا اقرا وبلعت الـ ما النافية :/


ممممم تبين تميزينها على مستوى الروضة ؟
لازم تكون حركة وشطورة وتقدرين تضبطينها بملابس شخصيات عاد الابلات بيشركونها
خو عندها لبس شكو مايشركونها
ولالبسيها زهرات اذا تحب تحيي العلم
بس ترى اغلبية الرياض مايخلون الحريم يحيين العالم

مالهن حقوق بتحية العلم هههههههههههههههههههههه


تقدرين تشترين لها تكريم لمدرساتها والناظرة والوكيلة والمشرفات والجيران وكل الادارة المدرسية :/
لا اتغشمر
اهم شي الناظرة والابلات
وتقدرين تميزينها بمشاريع لكل خبرة


قصة حلوة مكبرة تبي تقصها لربعها بالصف
حلاو لاصدقائها
مو يحبونها الا يقدسونها ههههههههههههههههههه
كرتون كتكو ولا بفك


كيس على اعداد صفها مليان العاب بومية

وبس وصلت القمر


الابلة بتحبها موت


شتسوين عاد الهدية حلوة

وبس سلامتج

 

[الشوق والدمعه]

تقدرين اكيد الاسبوع الجاى عندنا خبرة اسرتى واقاربى وجيرانى والناس يعملون .......تقدرين تلبسنها لبس مطافى -خباز-نجار-مزارع-طبيب يعنى اى مهنه واذا تبين مساعده انا حاضر دزى على الخاص

 

[بنت-أمها]

سوي لوحات من فلين مكبره يعني مو من مكتبه لا انتي تسوينها بالبيت عن الخبره يعني سئلي ابلتها شنو محتاجه من وسائل

اذا أولى روضة انا دايما اطلب من عيال صفي صور لمراحل عمرهم وايبونهم ليهم مكبرين وااايد حلوووو يطلع


وعندي لوحه بالصف احط صور طفل معين اطلب منهم ايييب صوره مع اسرته ونعرضهم طبعا الصور تكون مع اوبوه وخوانه الام صعبه شوي

بالاضافه اذا في مناسبه لا تخلين لبسها عادي بدعي شوي باللبس

يبي لها اغراض توزع على الاطفال

اذا صار معر ضالكتاب في مصورات للتلوين وايد تنعرض هناك اشتري وخل تودي لابلاتها

 

[nawarie]

روحاي حق ابلتها وقوليلها ترا هذي بنتج واي شي تبينه مايردج الا السانج
وبمبادرتج هذي الابله بتبديها بالمناسبات والفعاليات لانها عندها موافقه منج
وترا مو كل شي بالفلوس كفايه تعاونج وتجاوبح مع الابلات ومشاركاتج بالفعاليات الي تصير بالروضه يعني اجمل طبق واجمل زي ....
وفي مناسبات تمر علينا لازم انطلع جم طفل مع الابلات يروحون المنطقه يقدمون مشاريع و اصدارات و و و
ف انشاءالله بنتج لها الاولويه حالها حال اعيال الابلات

 

[الرزينه]

حبيبتي فكرتج واايد حلوه

انا قبل 3 سنوات ولية امر سوت حق عيال صفي دفتر تمارين
ومن يومها وانا كل سنه اسوي نفس هالدفتره الناظره ووايد استانست عليه
بس نصيحتي انج تعرضين التمارين اللي بتسوينها على الابله قبل لاتسوين
ويفضل انج تسوين تمارين عن الاعداد من 1 الى 10 اذا كانت بنتج باولى