بلاتينيوم بوك يدعمون الكتاب الجدد?

[miss89]

السلام عليكم بنات

بغيت اسألكم عن شركه بلاتينيوم بوك اذا قدمت عليهم روايه واعجبتهم هل يسونها على حسابهم ولا لازم انا ادفع
واذا انا ما تدرون جم تكلفني

مشكورين فديتكم

 

[:: Diva ::]

للامانه انا موقعه معاهم عقد احتكار
و ندمانه
!


و كلمت المشرفين عن الموضوع
و عطوني طاف



سألي عن البلاتينيوميات الي بالمنتدى و شوفي شنو رايهم
و هل ينصحونج ولا لا


لان يمكن تكون انا بس تجربتي سيئه
يمكن غيري مرتاح و يوصي فيها بشده ..

 

[فرقى ولايف ..]

نصيحة دوري لج أي دار نشر ثانية ،
عقود احتكارهم سيئة جداً جداً جدا ً !!

رفيجتي عرضوا عليها عقد احتكار لمدة 7 سنوات
خلالها غصبٍ عليها تألف 4 كتب أياً كانت مواضيعها
وممنوع تنشر بأي مكان ثاني إلا بعد إذنهم ..!

و واجب عليها تحضر توقيع الكتاب أياً كانت ظروفها ..

و الأرباح بعد ما يغطون فيها تكلفة الإنتاج يعطونها 15% من الباقي ..
حسبناها معاها طلعت تقريبا 95 دينار بأحسن الأحوال !!

 

[ليلو جبريت]

رد : بلاتينيوم بوك يدعمون الكتاب الجدد?

سبقوني البنات ونصحوج
اهم شي النشر
انا كنت بتعامل مع دار الفكر العربي بس غيرت في اخر اللحظات لان عملية النشر مو شي
عندج الساقي والفرابي على ما اظن اسمها جي


وهذي من لج
http://www.q8yat.com/showthread.php?t=790139


وذي الرابط يمكن يفيدج

http://www.q8yat.com/showthread.php?t=739286​

 

[miss89]

ما تقصرون

الحمدالله انكم قلتولي

مشكورين والله

 

[fatomd]

انزين وين نروح؟ و اذا ما نبي احتكار يعني على حسابي كم يكلف تقريبا؟
عندي روايه و حابه انشرها بس خوفتوني؟

 

[:: Diva ::]

فري على مطابع شرق
و المطابع الي مقابل الرايه
و قولي لهم عدد النسخ الي تبين تطبعينها
اختاري نوعية الورق و الغلاف و يحددون لج السعر



و عندج مطابع كبيره
مثل مطبعة الوطن ..


دقي عليهم و سألي

 

[ليلو جبريت]

رد : بلاتينيوم بوك يدعمون الكتاب الجدد?

خلي الطباعه عليج والتوزيع عليهم وياخذون نسبه ماتزيد عن 40 بالمئة وماتقل عن 25 بالمئة

 

[رحيل المرافيء]

رد : بلاتينيوم بوك يدعمون الكتاب الجدد?

لاتوقعين عقد احتكار بس طبعي عندهم وبس
اي مطبعة سواء بلاتينيوم او غيرها
والسعر يعتمد على نوع الورق وعدد الكتب
طبعي عدد قليل 200 300 ولا شفتي اقبال رجعي طبعي