بلاك بيري ؟؟؟ !!! سحر الناس !!!

[عذبة الإحساس]

بصراااااااااااااحه انا احذرج منه الان اهوه جهاز للتجسس وما يستخدمه إلا جماعة الماك جكن وانتي كيفج وديري بالج

 

[sarah_3sal]

البلاك بيري او البيبي الي طالعين فيه عباره عن اشتراك انترنت مدفوع الاجل يعني فواتير واهو يجمع بين الفواتير والدفع المسبق بعد ما خسرت شركات بسبت تلفون البيت يابولكم البلاك بيري تربحونهم شوي طبعا ما تقدرين تتكلمين بلاش الا بين البلاك بيري ثنين وطبعا مافي بلاك بيري وايد بالكويت الا بين 1000 واحد يعني اذا تصلتي من البلاك بيري على اي موبايل عادي تنزل عليج فاتوره حالج حال تلفون العادي واهم جذي شركه ربحانه والناس الي تحب تربح شركات ختبربح وتشتري هلجهاز الفاشل الي البشار احسن منه

 

[shai5at al3arab]

بالعكس حلووو

انا قبل لا يهبون بالبلاك بيري يعني قبل لا تطلع الخدمات وانا حابته اهو مع الآي فون والآي ميت والأج تي سي والأجهزة الذكية

واللي يحاربه يقول حق مغازل ، اهو اي جهاز يديد ينزل بالعالم العربي يحاربونه ويقولون يخرب الناس ، ويي تذكرون اول ما يات تلفونات بو كاميرا ، كانت اللي يعني محافظة وبيمدحونها يقولون تلفوونها مافيه كاميرا :dddds:
نفس الشي البلوتوث قاموا يحاربونه :dddds:
واي جهاز يديد
بس اهو اي منتج الكتروني اهو ما صنعوه الا لاهداف مفيدة بس العرب عندنا مو شايفين خير فما يستخدمونها الا بالغلط ، وشي 2 اهو حاله حال التي في حال المسجل حال الكمبيوتر على حسب اللي يستخدمه ناس تستخدمه بالحلال وناس تخربط فيه .
وانا محتنارة بينه وبين نوكيا اي 72

 

[الاسطورة]

بصراحه
كلش ما حبيته
حسيته جنه طابوقه
اشدعوه هالكبر

 

[ام _خلودي]

عادى كله جهاز ليش مكبرين الموضوع

 

[sarah_3sal]

خووواتي الكل طبعا يعرف برنامج بنات وبس الي يطلع على قناة الوطن سوو لقاء مع مره عمرها تقريبا عدا الخمسين سنه تقول انا شتريت بلاك بيري عشان احطه على طاوله جذي اشكره قالت عشان احطه على طاوله لان كل رفيجاتي عندهم وناس يا اخواتي ومع احترامي همج رعاع يمليون مع كل ريح كل ما طلع شي جديد باعو شترو باعو وشترو وكأن لاقين فلوسهم بشارع وكل واحد عقله براسه يعرف خلاصه

 

[اخت-اخوها]

بالعكس وايد حلو
ويخليك تتواصلين مع اهلج
انا اول شي قلت لا مو حلو وتالي خذيت لي واحد ومع ربعي وناسي ونااسه
مو انه مغازل ولا هبه
بالعكس
شي حلو وايوفر
المسجات وايد احسن واريح

واذا على المغازل الوحده اذا تبي تغازل تقدر تغازل من اي مكان مو شرط بلاك بيري

 

[~ غير آلبشر ~]

شدعوه عليكم وبآلعكس آلجهآاز حلوو واايد ومميزآات روعه
بس آلمشكله بآلنآاس كل مآاطلع شي يديد حآاربوه
وقآالو حق آليهآال وآلمغآزل يعني آلفونآات آلبآاقي ما يغآازلون فيهآا يبآا حتى آلبيت يغآازلون في ..!!
وبعدين كل وآاحد وحريته آلشخصيه هبه مو هبه كيفآاا مآادري لي متى إنتوو جذي مآاتقولون كل وآاحد وحريته آلشخصيه
مدآام مآاتعدى على حريآاتكم خلآااااص إهوو حـــــر ..

 

[Stylista_Q8]

بصراحة الجهاز عندي من شهر 1 وحددده زين مشالله

ومريح و انصح الناس يشتروونه لنه فيه فوايد وايد ^^

 

[*أم*خالد*]

اكو ناس دايما يحبون التغيير .. شفته بايد ناس وايد بس ماشوقني

ليحد ماشفته بايد اخوي حسيته يووونس .. بغيت اشتريلي واحد ( مع انه الميزانيه مكسورة بعد العطله )
ليحد ماتعوذت من ابليس
خو مسنجر وعليه على حالي
ومابي منه الا مكالمات ومسجات واهم شي التذكير والتقويم والكاميرا .. هالأشياء كلها موجوده بتلفوني حبيبي وعسى الله يخليه لي ويطول بعمره

فـ شلت البلاك بيري من بالي مره وحده والحمدلله

القناعه كنز لا يفنى يا ناس

 

[*أم*خالد*]

بصراااااااااااااحه انا احذرج منه الان اهوه جهاز للتجسس وما يستخدمه إلا جماعة الماك جكن وانتي كيفج وديري بالج

هاهاهاهاهاهاهاهاهاهاهاهااه

تتكلمين جد ولا تتغشمرين ؟؟

 

[شويهينه]

بصراحه انا هبيت فيه مع رفيجاتي بس صراااحه استعمااااله عجيب والخدمات حلووووووه


بس بنات موجنكم هبيتووا هبة مواضيع عن bb دوروا غيره خخخخخخخخخخخخخخخ

 

[العوبه $]

اهو حلو بس حيييييييييييييييل هبو فيه
يعطيج العافبه

 

[نملة فارس]

انا اشوف انه حلو ومميزاته وااااايد

بس ما شريته ..

لاني ما احب اخذ شي الكل عنده مثله ..

احب اكون متميزه :ggdw:​

 

[C'est La Vie]

مع اني ما احبه
بس عادي شالمشكلة
مسألة اذواق ليش لازم تسيئون الظن بالناس؟
ليش حارين اعصابكم عليه؟
ترا لا تنسون حتى احنا يوم كنا صغار كان عندنا هبات
اشوف محد تحلطم على نوكيا 6600 على الايبود وغيرهم ما اذكرهم
كل وحده حرة

 

[^وجد قلبي^]

باالعكس حلوووو استعماله انا عندي بلاك بيري :>

وعاشووووووووووو البيبياااااااات ^_*

 

[إمـــاراتـــيهـ]

أنا عندي بس مو معطته أكبر من قيمته !!!!
عندي علشان الدوام واصلينه بشبكة الشغل علشان اي شيء طارئ على الإيميل و بصراحه ما استخدم اي شي فيه غير الإيميل ..
يعني اعتبره عادي مثله مثل اي جهااز..
يمكن لأنه بس عندي علشان الشغل..
يعطيج العافيه اختي على الموضوع ولا هنتي.

 

[إماراتية ملقوفة]

حاله حال غيره من الفونات فترة ويطيح سوقه

 

[LuLiTa]

انا اشووف انه جهاز حلووو ,,, انا وحده متطلبه لما يتعلق الموضووع بالتلفون ,,لأنه انا احط كل دنيتي في التلفون ,,,اسيف ارقام و ادز مسجات و ابي كاميرته واضحه يعني بحدود 5 ميغابكسل و ينزل ملفات امم بي ثري و بي دي اف ,,,

و هم انا وااايد ااستخدم الابتوب اشبك و انزل شغلات و اجيك شغلات ثانيه ,,,

و هالمواصفات كلها موجوده في البلاك بيري ف ليش ما يكون عندي بي بي ؟؟؟

 

[LuLiTa]

و بعدين ليش شادين حيلكم بالبلاك بيري ؟؟؟ جنه اول مره ينزل تلفوون بالديره ولا اول ينزل شي بهالمواصفات ؟؟

تذكروون على اخر الثمانينات لما هبوو بتلفووون السيااره ؟؟ اللي من كبره حتى ماكو مكان احد يقعد يم السايق لووول

و هم سنه 99-2000 لما نزل جهاز بشار اللي ما ظل احد في الكويت ما شراااه ؟؟ اربع سنين و انتي كل ما اتلفتين اتشوفين احد عنده تلفون بشار ,,
و هم تلفون بو كامره ,,, و تلفون اللي بلوتوث ,,, كلها اجهزه نزلت و هم نااس هاجموها ,,,اهي ما يت عالبلاك بيري يعني :eh_s(1): ,,,​