بلا مضاد للوز .. العلاج بالقسط

[غيث الحيا]

العلاج كما ارشدنا اليه الرسول صللى الله عليه وسلم بالقسط الهندي او البحري لانه متقبل للاطفال وعن تجربة ................
انا اولادي تعذبوا بالمضادات الاسبوعية خلاص مايخفى عليكم اخطار المضاد
المهم اول ماتحسين الولد عندج حرارة اخذي ملعقة صغيرة القسط البحري من الحواج وضعيه في ربع فنجان ماء دافئ وبعدين سعطي الياهل يعني شمميه ودخليه بالانف وصبي البقية على جانب الفم مو على اللسان وبالتالي اهوا راح يشربه بس اذا الياهل بالاشهر اطحنيه حيل لين يصير مثل البودرة عشان مايشرق
والله يااخوات الحراره توقف بس ها مرتين يعني بدل المضاد مثلا ظهر وباليل وراح تدعووووووووووووولي
بس ها يااخوات اهم شي اليقين والتصديق بالحديث لانه كلام الرسول الذي لاينطق عن الهوى لان النبي مر على نساء يغمزون باصابعهن اولادهن <يعني السقاط> فنهاهن ودلهن على ماسيق ولا تنسون الكمادات والادول والفاتحة لكن مضاد :rgewrg: لأ والف لأ خلاص عيالنا تعبوا اصلا الغرب حريمة عيالهم المضاد

 

[غيث الحيا]

الاخوات رفعوا الموضوع

 

[حياة الأحلام]

الله يعطيك العافيه ويعافي عيالك

بنتي تعاني من كثرة التهاب اللوز خصوصا من دخلت المدرسة وهي الآن في صف ثاني

يعني من سنتين وطبعا بالأخص في فصل الشتاء ما تبطل لوزها من الالتهاب حتى قال الدكتور لازم تسوون لها عملية

بس لأتي استخدمت طريقة المر من وحده إنك تأخذين قطعه صغيره مرررررره من المر وتحطينها في فم البزر وتخلينه ما يبلعها بل تحوس في فمه ( أقرب تعبير)

طبعا بنتي تقبلتها غصب لأني قلت لها إنهم يمكن يسوون لش عملية بس الحمدلله لما رحنا مره ثانية قال ما تحتاج عملية بس تدرين البزر صعبة يتحمل مرورة المر كل ليلة عشان كذا ما قدرت أرجع معها بهالعلاج مره ثانية

بس يبي لي أجرب طريقتك بالقسط ، تدرين توني شاريته البارح قلت أبي أخليه موجود في البيت لوقت الحاجه إلا وأشوف موضوعك :eh_s(15):

استفسار : ( سعطي الياهل يعني شمميه ودخليه بالانف وصبي البقية على جانب الفم مو على اللسان وبالتالي اهوا راح يشربه )

بدل ما أسوي هالطريقة ينفع بس أخليها تشربه وبس ولا لازم أخليه ا تستتنشقه ؟


مشكووووووورة والله يعطيك العافيه

 

[ســتارز]

اول مرة اسمع عنه بس اشلون تعطين عيالج شي من الحواج واثقة من تعقيم ادويته واغراضه ؟

مشكورة

 

[غيث الحيا]

اول مرة اسمع عنه بس اشلون تعطين عيالج شي من الحواج واثقة من تعقيم ادويته واغراضه ؟

مشكورة

ياعمري انا اخذهم من مكة عند عدنان صبغة عطار في ابراج مكة وشغله حلو واتوقع تلاقينه عند الحواج المعروفين

 

[غيث الحيا]

اول مرة اسمع عنه بس اشلون تعطين عيالج شي من الحواج واثقة من تعقيم ادويته واغراضه ؟

مشكورة

الله يعطيك العافيه ويعافي عيالك

بنتي تعاني من كثرة التهاب اللوز خصوصا من دخلت المدرسة وهي الآن في صف ثاني

يعني من سنتين وطبعا بالأخص في فصل الشتاء ما تبطل لوزها من الالتهاب حتى قال الدكتور لازم تسوون لها عملية

بس لأتي استخدمت طريقة المر من وحده إنك تأخذين قطعه صغيره مرررررره من المر وتحطينها في فم البزر وتخلينه ما يبلعها بل تحوس في فمه ( أقرب تعبير)

طبعا بنتي تقبلتها غصب لأني قلت لها إنهم يمكن يسوون لش عملية بس الحمدلله لما رحنا مره ثانية قال ما تحتاج عملية بس تدرين البزر صعبة يتحمل مرورة المر كل ليلة عشان كذا ما قدرت أرجع معها بهالعلاج مره ثانية

بس يبي لي أجرب طريقتك بالقسط ، تدرين توني شاريته البارح قلت أبي أخليه موجود في البيت لوقت الحاجه إلا وأشوف موضوعك :eh_s(15):

استفسار : ( سعطي الياهل يعني شمميه ودخليه بالانف وصبي البقية على جانب الفم مو على اللسان وبالتالي اهوا راح يشربه )

بدل ما أسوي هالطريقة ينفع بس أخليها تشربه وبس ولا لازم أخليه ا تستتنشقه ؟


مشكووووووورة والله يعطيك العافيه

لا لازم يدخل بالانف اي السعوط ، يعني ممكن اذا ماقطرتيلها بالماء المنقوع بالقسط يعني نفس قطرة الانف الي يعطونها المستشفى واذا تتمنع بنتك عالاقل غرقي خشمها فيه من بره بس لاتمسحه تتركه واهي مع التنفس راح تستنشقه