بلبلي مريض لحقوني :<

[Patcholli]

قوه بنات ..

تكفون لحقوني عندي بلبل صارله يومين دايخ ومايغرد وامس كان واصل حده جناحه طايح ونافش ريشه تافخ عمره جنه بردان وكسول ومايقدر يقطع الاكل :< انا قلت خلاص بيموت بس اليوم حسيت انه تحسن شوي يعني صار يقدر يمشي وينط ويقطع الاكل وهم مو نافش ريشه نفس امس بس ليلحين مايغرد ولا يقدر يطير ..

بنات لحقوني شسوي هالبلبل حيل عزيز علي واحبه :<

لاتقولونلي بيطري من قبل وديت 2 من طيوري حق البيطريه وماكو فايده :<
شنو اعطيه عشان يصحصح لاني تفائلت لما شفته تحسن شوي اليوم بس ابي اعطيه شي يصحصحه اكثر

 

[blue ocean]

انا صراحه ماعندي فكره لكن بقولج يمكن طايح والا متعور ومنصدم​

لأنه الطيور تنصدم نفسيتها .. نفس طيري كل ماشوفه تعبان ومايغرد وماياكل يكون منصدم ​

يا داعم شي يا منصفق .. وبعد فتره يرد على طبيعته​

وبالنسبه للبيطري امبلى في مستشفى خاص بالري يمكن يفيدونج .. مو نفس العادي​

مره تعور طيري ووديته وانصحوني جم نصيحه .. وان شالله الف سلامه عليه​

 

[Patcholli]

مشكوره بلو اون حياتي :< ان شاء الله يكون هالمستشفى مبطل اليوم مبجر عشان اوديه قبل الفطور ظاق خلقي قبل شوي اشوفه يخرج ماي :< هالمرحله موزينه

وصج اهو قبل يومين قاعد يطالع روحه بالمنظره جان يطير وصفقها الخبل

وهم خدامتي شكلها صاكته عين تسألني عن سعره قبل لايمرض بيوم ويوم قتلها شهقت وقالت هاذا سعره نفس معاشي
وثاني يوم اشوفه جذي معتفس مادري من عينها ولا من الرقعه بس لازم اوديه الطبيب معور قلبي :<

مشكوره حياتي

 

[Patcholli]

بنات منو عندها فكره عن مواعيد البيطريه برمضان قبل شوي مريت وكانو مصكرين

 

[LiL LiLeY]

مادري

انشالله البنات يفيدونج


اب


اب

اب

 

[blue ocean]

وصج اهو قبل يومين قاعد يطالع روحه بالمنظره جان يطير وصفقها الخبل

ههههه ضحكتيني على هالشغله ها خيتي بشري شصار عليه عسى احسن؟​

 

[Patcholli]

ليلي مشكوره والله ظايق خلقي خيل

بلو اوشن والله على حطت ايدج مادري شفيه مايصفر وجناحه طايح والبيطري رحت اللي بالري اولت امس ومصكر رحت الساعه 11 بليل

شوي يصعد عالستاند وشوي يقعد تحت وكله ماله خلق

:<

قلبي يعورني والله نومي مقطع كلساعه افز اطل عليه ميت ولا عايش :<

بس اللي مريحني شوي ان شهيته زينه حبيبي

شنو تنصحوني اوكله عشان يتنشط ؟؟

ابوي يقول حطيلج نتفة بندول بالماي بس اخاف :<

 

[blue ocean]

^^

حبيبتي والله حاسه فيج الله يطمنج عالصغنون :/ طيري اسمله عليه يوم صفق الطوفه وطاح

قعدت ابجي بجي طول الطريج لي البيطري وليما رديت البيت وانا ابجي عبالي بيفنقش خلاص

والله ماقدر انصحج مالج الا البيطري الخاص مثل ماقلت لج .. مادري بندول اخاف مو زين :/​

 

[Patcholli]

بلو اوشن من صجج انا كليوم قاعده اقرى عليها الرقيه الشرعيه كامله ريلي يقولي انتي مينونه رسمي في احد يقرى على طير.. بس انا مورداه عليه لان الخدامه ذاك اليوم تسألني عن سعرها ومن قتلها فزت وشهقت وقالت سعرها مثل معاشي وثاني يوم انتكست بلبلتي حبيبتي
امس ريلي وداها البيطري
طبعا انا مانمت كلش طول الليل مجابلتها لان كان شكلها يكسر الخاطر مبطله حلجها مو راضيه تصكره خرعتني قمت اوكلها والعبها واغنيلها وتنام ماتقدر تبطل عيونها خفت وظاق خلقي
بس اليوم لما رديت من الدوام استانست حسيت انها صارت نشيطه حتى سوتلي ترحيب بس ماقدرت تطلع صوت عدل بس احسن من قبل يعني في صوت خفيف قبل ماكو حس كلش ..
الطبيب عطاها مضاد حيوي وفيتامين ..

ادعولها لان تعبت وانا اقرا عليها هههههههههههههههههههههههههه
حتى ماي خذيت من ورى الخدامه وشربتها وسبحتها فيه واي احبها فديتها الله يفرحني فيها ويقومها بالسلامه يارب

 

[Ms.romanceya]

انــاآ اربي بلاآبل و اعــرف عنهــم كــل شيـ اذاآ تعبــان عطيــه 2 بصل صغاآر و اذاآ مو راضي امسكيه
غصب و وكليه لان انا بعد مرهـ مرض و عطيته قطعه او 3 او 2 من بصل بس يكونو صغار
معـ تحياتيـ: Ms.romanceya
و اتمنى اني افدتج​

 

[Ms.romanceya]

اذاآ وديتي البيطري مارحـ يسوي شي صدقيني و انا مجربــه

 

[blue ocean]

بلو اوشن من صجج انا كليوم قاعده اقرى عليها الرقيه الشرعيه كامله ريلي يقولي انتي مينونه رسمي في احد يقرى على طير.. بس انا مورداه عليه لان الخدامه ذاك اليوم تسألني عن سعرها ومن قتلها فزت وشهقت وقالت سعرها مثل معاشي وثاني يوم انتكست بلبلتي حبيبتي
امس ريلي وداها البيطري
طبعا انا مانمت كلش طول الليل مجابلتها لان كان شكلها يكسر الخاطر مبطله حلجها مو راضيه تصكره خرعتني قمت اوكلها والعبها واغنيلها وتنام ماتقدر تبطل عيونها خفت وظاق خلقي
بس اليوم لما رديت من الدوام استانست حسيت انها صارت نشيطه حتى سوتلي ترحيب بس ماقدرت تطلع صوت عدل بس احسن من قبل يعني في صوت خفيف قبل ماكو حس كلش ..
الطبيب عطاها مضاد حيوي وفيتامين ..

ادعولها لان تعبت وانا اقرا عليها هههههههههههههههههههههههههه
حتى ماي خذيت من ورى الخدامه وشربتها وسبحتها فيه واي احبها فديتها الله يفرحني فيها ويقومها بالسلامه يارب

هههههههههههههههههههههههههههههه
والله ضحكتيني من قللللب

شوفي يخيتي ترى مارحتي بعييييد انا يوم مرض طيري حطيت بمايه ماي زمزم قطيره له
يعني حاسه فيج والحال من بعضو وطبعآ ماقلت حق احد عن هالتصرف الأرعن

فـ يزاج الله خير وبميزان حسناتج يارب والله استانس لما اشوف ناس ماشالله
رحومه جذي وقلبها حنون عالكائنات ..

قولي آمين الله يعطيج على قد نيتج ويشافي طويرج ويتحسن ويخليه لج
وتشوفينه يصوصو ويناقز لج كل يوم ويغثج بإزعاجه
وعدلي للخدامه المعلومه وقوليلها انج صدتي الطير من الدريشه وربيتيه هههه


و اشوه انج طمنتينا :rerrerek:​

 

[Patcholli]

مات :<

 

[blue ocean]

:eh_s(2)::eh_s(2)::eh_s(2)::eh_s(2)::eh_s(2)::eh_s(2):

حبيبتي ماعليه لايضيق خلقج ,, شي مكتوب​

 

[طول عمري حلوة]

اب اب