بلبيين بنات ابي طريقة الفتة(على طريقة لبنانية)

[توتوتا]

[COLOR="DarkOrange"[/COLOR] عفية مشتهرة فتة و ابي طريقتها ابي الفتى لبنانية (أنا من عشاق الفتة) ساعدووني بس ابي شي امجرب و أكيد لذيذ و شكرًا

 

[ام كوثر2007]

http://www.q8yat.com/t910902.html

تفضلي حبيبتي لقيت لج هالطريقه ان شاءالله تفيدج وعليج بالعافيه .

 

[جارة القمر]

تفضلي طلبك::



أنتي تبينه مع دياي ولا بدون دياي



هالطريقة عجيبه


http://www.q8yat.com/t220261.html





http://www.q8yat.com/t328649.html



http://www.q8yat.com/t11505.html



طريقة منقووووووله




المقادير:

• 2 حبات باذنجان مقطعة مربعات
• كيلو لبن رائب
• طحينية
• ليمون
• صنوبر
• بقدونس
• رغيف صغير مقطع مربعات

الطريقة:

• بعد تقطيع الباذنجان إلى مربعات يقلى بالزيت ومن ثم يوضع على ورق التنشيف.
• نقوم بمزج الطجينية مع عصير ليمونة والقليل من الملح مع القليل من الماء وبعدها يضاف إلى اللبن ويحرك جيداً.
• نرص الباذنجان في صينية التقديم ويوضع فوقه اللبن ثم نقوم بتزين الصينية بالبقدونس والصنوبر. والخبز المقلي المقطع إلى مربعات.

وصحتين وعافية </B></I>

 

[سحر الشرق@]

ألفته على طريقتي
وربي كل من ذاقها دق علي بعد فتره
وجرب يهيا وادعييييلي
فتة الحمص
علبة حمص
علبة روب
حبة ثوم وحده
شويييية ملح ليمون راس القفشة بس. او عصرة ليمون
قفشة كمون
قفشتين او ثلاث طحينه(هرده)
خبزة مقطعه ومقليه
صنوبر او اي مكسرات للوجه
اول شي تحطين الحمص مع مايه بجدر صغير على النار
وتضيفين استكانة ماي زياده على الحمص وقفشة صغيرة كمون ترا الكمون يخلي الفتة عجيبه
تحطين الخبز المقلي في البايركس او صحن الفتة الي تبينه مؤ الا بايركس
وتصبين ربع مقدار الحمص على الخبز وتغرقين الخبز بشويه من ماي الحمص الحار
في الخلاط
الروب. والحمص المتبقي. والثوم. والكمون. والليمون. والطحينه. وباقي المكونات. .....
وتحطين ماي الحمص اذا واجد لا تحطينه كله يعني انتي حطي ماي على حسب ما تشوفين مناسب
لان مؤ حلو الخلطة تطلع سائله حيل او ناشفه لازم وسط
وتصبينه بعد ما خلطيه على الخبز
وتزيين الوجه برشة كمون وتحمس ين صنوبر بالسمن وتصبينه عالوجه
عجيبه مع المخلل والجر جير
جربي وقوليلي رايج

 

[عالي مستواك]

حااااااااااااااااااااااااااااااااضر ماطلبتي شي

انا اللي اسويها اقلي باذنجان وبطاط مطعاب يكون بعدين تحطينهم بالبايركس طبقه باذنجان وطبقه بطاط
وبعدها حطي حمص معلبات فوقهم بس كتي الماي منه

وممكن تحطين بقدونس مفروم بس هذا حسب الرغبه

والصلصه 2 روب وفص ثوم واحد مع قفشه صغيره مايونيز وقفشه خردل قفشه كبيره طحينيه (هرده) ونص ليمونه معصوره
حركيهم لما يتماسك

وللتزين خبز مقطع مربعات ومقلي وممكن صنوبر وترشين رشه سماق

واتمنى تسوينها وتعطيني راااايج

بالعااااااااااااااااااااااااااااااااااااااااااااافيه صحه وهنا

اتمنى ان اكون فدتج