بلغاريا فارنا

[التوأم الجريح]

مرحبا بنات
تكفوون منو سافرت بلغاريا
شنو تعرفون عنها
تصلح لعايله ويهال والا لا
ون عن الاسعار وعن السوق

 

[بساطه]

للاسف ماعرف عنها شى بس سوى بحث عنها بالنت او دخلى منتدى العرب المسافرون
موفقة

 

[خيشة شكر@]

اب اب

 

[FeShinGoOo]

رحتلها قبل جم سنه ماتذكر ان فيها اسواق بمعنى الاسواق كله اكشاك وسوالف شعبيه ..

اكثر شي فيها طبيعه وخضره وشلالات وحدايق..

وعموما بلغاريا ماتعتبر غاليه مقارنه فباجي دول اوروبا ..

انا اتكلم عن قبل مادري عن الحين يمكن الوضع اتغير

واذكر ان نفسيتهم زفت ويا العرب والمحجبات بس هم يمكن الحين اتغيرو واتفتحوو

 

[catwiti]

ان شاء الله حاجزين لها اخر الشهر بنروح انا بحثت عنها واايد واغلب التقارير والمعلومات لقيتها بمنتدى العرب المسافرون عن طريق قووقل سويت بحث فارنا العرب المسافرون وطلعلي كنت بس ابي اخذ فكره لان حاجزين وخالصين بس بشوف وين ممكن نروح هناك
الي قريته عنها انه ماتصلح حق عوايل لانها عالبحر وانتي عارفه شنو يعني بحر لوول
بس ان شاء الله نحاول نتفادى هالاموور ومانطلع بلنهار وايد
وبالنسبه للاسواق مافيها اسواق وايد جنه بس سوقيين كبار يعني مو مالت تسوق
فيها قرى مائيه ومناظر طبيعيه يعني احلى شي فيها السباحه والبحر بس ماتصلح لنا تصلح حق الاجانب اهمه عادي عندهم بس احنا يمكن ماترتاحين انه ريلج او اخوج يشوف الحريم الي عالبحر
بس اسعارها يقولون رخييصه او معقووله مو غاليه

 

[miss-pink]

انا وريلي بنروح بشهر سبعه ان شالله واول مره
حجزنا من مكتب الدبوس واهو بيعطينا الاماكن السياحيه
وقالنا ان الفنادق فيها خريطة فيها الاماكن السياحيه والمولات

 

[ميسوره]

انا اخوي راحلها مرتين حيل يمدحها طبيعه ويمدح سوقها اهو ذوقه حلو لنفسه بس شي ثاني ذوقه مو ذاك
والحين اهو هناك الله يرده بالسلامه ومعيشتها مو غاليه

 

[السفيرة عزيزه]

شلون بلغاريا وين رحتي بالظبط اي منطقه
فارنا شلون جوها والاسعار والاماكن
وعلى اي طيران اذا البلغاري شلونه وجم ساعه طيران

ادري اذيتج بس يا لو تردين علي بتفيديني

ومشكووره

 

[ترف بابا]

بلغاريا رخيصه بالنسبه لباقي الدول الاوربيه وتشبه بالطبيعه تركيا واليونان.

هذي معلوماتي

بانتظار معلوماتج واللي شفتيه*