بليز ابلات ابي رايكم :@

[om3abod]

السلام عليكم ورحمه الله وبركاته
انا ابله باحدى الثنويات الي معروووفه انها ثانوية اكاديميه ويضرب فيها المثل:eh_s(16):
الي صار قبل جم يوم
تيي الناظره وتصرخ علينا مثل اليهال !!! وتبطل درايش الممر مالنا والصفوف الي يمنا وتبطل اللوكرات وتقوولنا نظفوا الصفوف ومسحوا الدرايش وردو ركبوووهم وابي الممر نظيف ومافيه غبار وحتى اللوكرات مسحوهم من الغبار:eh_s(14): بالذمة هذا شغلنا والا شغل العاملات...؟؟؟!!!!!
وفوووق كل هذا تكلمنا بصيغه امر وصراخ جنه احنا يهال
انا ما اشتغلت ولا سويت شي لاني معلمة مو فراشه صح والا انا غلطانة؟؟؟
بعدين شافت الممر مال قسمنا قالت تحاططووو من فلوسكم وغيرو الممر تغيير جذري انا مو عاجبني الممر شيقول الوزير او الضيوف اذا يووو وشافوه :eh_s(14)::eh_s(14)::eh_s(14):
وفوووق هذا بكيفها سوت الدوام من 7 لي 2 خلال هالاسبوع
بالذمة ابي احد يرد علي لان حدي مقهووووووورة :eh_s(16):

 

[بنت احلام]

هههههههههههههههه امبي اي شي
قسمن بالله لو انا منج جان عطيتها كف علمتها شلون تتامر علينا ​

وحبيبتي ترى مو بس مدرستج ​

.......يمنع ذكر اسامي المدارس على العام و التشهير بها
مساعدة مشرفة القسم بنات حواء <<<احسن ابي افضحهم
جتهم الناضره وسفلت فيهم وقالت مافي طلعه لين تنظفون المدرسه وجاينا امر من الوزاره ان الابلات ينظفون تخيلوو عشان البنات اذا جو الا المدرسه نظيفه!!
​

والشغالات المصريات مخيسين النفسيه ومطنقرين​

وراح احد الاقسام الي تشتغل فيه وحده من جماعتنا
راحو حق سوق شعبي جابو صابون وديتول وفوط حق المدرسه وقعدو يغسلون
راحو يومين ورا بعض​

قسمن بالله اني مازليت عليكم بحرف والي قايلتلي السالفه وحده من قريباااتي ام عيال ومدينه​

تخيلو الحريم الكبار طقت 40 وفوق رافعين عباياتهم وقاعدين يغسلووون ​

هزززززلت وربي ​

 

[PuPa^^SWeeT]

هزلت والله

شنو هذا ؟؟؟

لا والله مو غلطانة بعد اتحاطط و اسنع مدرستها

علشان يطلع بويهها ها ؟؟؟

 

[om3abod]

مشكوورين عالردوود والله فيني بجيه
انا معلمة تربووووية انظف اللوكرات والدرايش وتقولنا تحاططو وسنعو الممرات وفوووق هذا ما تعطينا ولا فلس ليش ؟؟؟ مدرسه ابوي وانا مادري؟؟؟؟
وغير هذا تصرخ علينا جنه يهال؟؟؟؟ ! وين قاعدين احنا؟؟؟
وشنو يعني الداوم بكيفها من 7 لي 2 وييييين باي قرار هذا؟؟

 

[مشغوله و محتاسه]

مستحيل يكون في قرار جذي

و مو من حقها


ليش ما تييب عاملات من برا المدرسة ينظفون لها و تعطيهم المقسوم .. شهالتخلف ؟؟

بمدرستي صيانه ... يابو عمال رياييل عقب الدوام شالو و حطو و نظفووو لين قالو بس ..



شكوى بسيطة للمنطقة شوفو شلون تتسنع ... لا تسكتون عن هالنماين الغريبة من الناظرات


و سكوب ترا مبطلين ابوابهم و تلفوناتهم لهالسوالف .. حيلكم فيها

 

[Miss Cherry]

والله تبين الصراحه ماتزعلين ... هذا من رداتكم

شلون ترضون احد يكلمكم جذي ويزفكم وانتوا تربويات تعرفون يعني شنو تربويه ؟ يعني شهادتج بكالريوس تقدمين درسج وتطلعين هذا شغلج مو تنظفين ممرات وتقطين فلوس على المدرسة جنه قاعدين بالصومال .. خير الديرة مشالله واجد ببطون هاللي مايخافون الله اهل الرشاوي والملايين اذا ماعمروا البلد شنو نفعة هالفلوس

مافيكم وحده جريئه ردت على الناظرة حزتها وقالت لها لو تجيبين لي نشرة عليها توقيع الوزير نفسه انا ماراح انظف واغسل شي .. ببيتي مانظف وغسل الخدم ينظفون تبونا نظف مدرسة شنو لزمة الفراشات المصريات الوحده معاشها مية وخمسين دينار عشان شنو نتمظر بوجيهم

للاسف المدرسات جبانات وبس جيدين بالتحلطم شنو ماتعرفون اللي لكم واللي عليكم ماتعرفون حقوقكم ؟ ليش تخافون من الحق ؟ اهي ماخافت ولا استحت تكلمكم جذي

ماعليه الصراحة تعور بس هذا الصج .. القطاعات الثانية شغالين اضرابات ياخذون حقوقهم وفوقها حبة خشم بعد .. بالاطفاء مضربين عشان الكاميرات والبصمة لانهم مايشتغلون يبون سبهلله دوام محد يحاسبهم .. وحنا حريم منقبات اغلبنا بتركب وزارة التربية كاميرات تراقبنا ماقلنا شي مع انه من حقنا خصوصية بشغلنا .. والقطاعات الثانية يعطونهم زيادات فوق 50 % من معاشاتهم وبعد يضربون مو عاجبهم واحنا على ميتين دينار كادر يذلونا وبس اللي نعرفه نتحلطم ونشتغل شغلنا وشغل الاداريات والحين الفراشات

شلون ترضونها لنفسكم ؟ خلوا عندكم شوي كرامة وتكلموا انا اسوي شغلي بدروسي وصفي اما تنظيف هذا شغل الخدم والعاملات مو شغلي انا خريجة جامعة ماخذت شهادتي عشان انظف درايش وبلاط

مالت على وظيفة كلها ذل والمعاش مانينه علينا

الحين بعد المسخره اللي صارت اجمعوا تواقيع المدرسات وكلموا الصحافة وشهروا بالمدرسة اكتبي اسمها واسم ناظرتها خل يعطونكم بدل لتنظيف هههههههههههههههههههههه صج شر البلية ما يضحك هذا اللي ناقص بعد انظف واشتري ادوات تنظيف

ترا على فكرة ادوات التنظيف ازمة بكل المدارس حتى بمدرستي مو معطينهم فوط ولا صابون ولا شي ينظفون فيه يامال الفقر ذابحتهم الأمانة مايبون ياخذون شي من الميزانية جعلهم ما نظفوا ماشتري من معاشي لو انه بمية فلس حرام على وزارة ماتقدرني ادفع لها شي

وبنات انا اشوف بالمدارس اللي مريت عليها مدرسات شكثر من نوعية تتحمل اي كلام ينقال عليها .. اوكي مديرتي احترمها وكلامها اوامر بس انا مو جاهل عندها عشان تعلي صوتها علي لازم تعرفون شنو لكم وشنو عليكم حتى لو اني غلطانه تكلمني بسلوب برضا وبتقبل النقد اما تزفني والله حنا حتى خدمنا مانصرخ عليهم انا جامعية شهادتي مثل شهادتها ماتتفرعن علي

 

[om3abod]

بالنسبه حق الشكوى وانه نكتب كتاب اهي ظهرها قوووي بالمنطقة والوزارة وااااايد اشتكو عليها ولا صار لها شي فيتامين واو مالها قووووي حييييييييل فوق ما تتصوروون
وغلى فكره محد قام ونظف وانا قلت مستحيل انظف اصلا
ومشكووورين عالردود مس جيري ومشغوله ومحتاسه ماقصرتوا والله
عسى الله يهديها
وهذا مو ضعف شخصيه منا ولا تهاون احنا رفضنا التنظيف والشغل والشكوى احنا نتاذى منها لان اهيا عندها واسطات واااصله حيل حيل

 

[Turquoiseya]

اوكي واسطتها قوية اثناء الدوام
بعد الدوام كفخوها تكفخ 00 علموها شلون اتحسب اميه الف حساب لما تامر وتطول صوتها

بعض الناس ماينفع معاهم اللباقة
الطراقات والبوكسات تادبهم احيانا 00 اكثر من اي شيء

ولحد يقول احنا معلمات تربويات 00 احنا بشر لنا حد بالصبر وغض النظر عن الاهانة
اصلا من باب اولى هالناظرة تكون قدوة بالتادب واللباقة

 

[om3abod]

اي والله يا تركوازيه اووف تنرفز
انا عن نفسي لمن تصرخ علي اقووولها لو سمحتي تكلمي بهدوء انا مو ياهل تصرخين علي
وان طلبت مني شي تنظيف ما انظف واقولها انا معلمة والا عامله ؟؟؟ اذا تبيني معلمة خليني بحصصي وورشي واذا تبيني عامله عطيني لبس تنظيفكو وخليني انظف ولا تطالبيني باي شي تربوي...
استغفر الله بعض الناس لي مسكوا منصب شافو عمرهم على بو انه عندها واسطات واختها فلانه الفلاني وابوها فلان الفلاني احنا ناكلها

 

[Turquoiseya]

تدرين هالشيء طاف علي بسنة من السنين لما كنت خبلة مسالمة
وحدة لعنت خيري الخير بالقيل والقال والحفر لي لاني كويتية
المهم : مادري شلون صبرت عليها لين نقلت من المدرسة 00 الحين ودي اروح لمدرستها عشان امسح بوجهها القاع مسح عدل واخليها بيزة ماتسوى 00 واعلمها الادب على اصوله 00 بس حظها يكسر الصخر لان مدرستها حيل بعيدة عني وانا عندي عيال بالمدرسة وما اقدر اقطهم بمدارس ثانية ما اعرف عنها شيء

 

[Angel_store]

الله يعينكم بس مالها حق !

 

[CUTIE-THUG]

عندي فضول مدرستج بالفحيحيل ؟
الله يعينج حبوبة

 

[om3abod]

لا والله بمبارك الكبير

 

[LA TROO7]

اول شي تخسي ترفع صوتها علي
ثاني شي بقولها اوكي بروح اسئل بالمنطقه وارد

اما اني اسكت واطوفها لهااا لا والله اقللللللللللللها ادز بتويتر للمليفي والا لمذيعين سكوب او الراي

 

[om mariam]

انا عندي لج راي واحد بس
دزي مسج حق الوزير قوليله عن ناظرتكم وشنو تسوي
وبس
ولا تعليق لانه من هالناظرات وايد